Праваабарончы цэнтр «ВЯСНА»

Навіны за 29 студзеня 2014

29.01.2014 Галоўная роля ў вырашэнні лёсу кнігі Алеся Бяляцкага адведзена “зацікаўленым органам” (дадаўся тэкст экспертызы)

29 студзеня ў судзе Ашмянскага раёна адбылося папярэднае слуханне па грамадзянскай справе праваабаронцы Таццяны Рэвяка супраць Ашмянскай мытні, якая забараніла кнігу Алеся Бяляцкага “Асьвечаныя Беларушчынай” да ўвозу ў Беларусь.

29.01.2014 Прапановы сябра акруговай камісіі ад Партыі БНФ у Бярозе часткова прынятыя

Адначасова сябры камісіі ўхвалілі, хаця і не адразу, прапанову Ігар Меншыкава аб змяншэнні адлегласці з 50 да 20 метраў ад адміністрацыйных будынкаў для месцаў правядзення агітацыйных сустрэч з выбаршчыкамі, якія будуць вызначаны выканкамам.

29.01.2014 Бабруйск: Сябры незалежнага прафсаюза чакаюць перамоваў

Галадоўка, якая мусіла пачацца на зводзе БЗ ТДіА (трактарных дэталяў і агрэгатаў), адкладзена яе ініцыятарам Міхаілам Кавальковым. Нагодай стала абяцанне з боку завадской адміністрацыі правесці канструктыўныя перамовы з старшынём суполкі Свабоднага прафсаюза Беларускага, у якіх будуць разгледжаны ўсе злабадзённыя пытанні “свабодаўцаў”.

29.01.2014 Магілёў: сацыял-дэмакрата высяляюць з інтэрнату

Сёння, 29 студзеня Магілёўскі абласны суд пад старшынствам суддзі Святланы Стэльмахавай разгледзеў касацыйную скаргу на рашэнне Ленінскага раённага суда Магілёва аб перасяленні актывіста Беларускай сацыял-дэмакратычнай партыі (Грамады) Мікалая Залознага з аднаго інтэрната ў іншы.

29.01.2014 Бабруйск: Збор подпісаў пад наглядам міліцыі (фота)

Каля ўваходу на бабруйскі рынак “Паўночны” 28 студзеня прайшоў першы пікет па зборы подпісаў. Мінакам прапаноўвалі аддаць голас за прэтэндэнтаў у кандыдаты ў дэпутаты ад кампаніі “Гавары праўду” – Алену Мядзведзеву, Уладзіміра Шчарбатых, Насту Мядзведзеву, Аксану Самуйлаву.

29.01.2014 У барацьбе з беззаконнем грамадзянам неабходна падтрымка СМІ

Гэта ў інтэрв'ю сайту ПЦ "Вясна" адзначыла Людміла Кучура, якая разам з сябрамі па няшчасці ўжо каля 10 гадоў абівае парогі дзяржаўных інстанцый. Ахвяры беззаконня з розных куткоў Беларусі аб'ядналіся ў пошуках справядлівасці, якая згубілася ў судова-следчых калідорах. Але сілы ў супрацьстаянні паміж імі і гэтай сістэмай відавочна не роўныя.

29.01.2014 Філіп Качмарэк накіраваў ліст у Еўрапейскую камісію ў справе Яўгена Васьковіча

На справу беларускага апазіцыянера Яўгена Васьковіча звяртае ўвагу старшыня дэлегацыі Еўрапарламенту па справах Беларусі Філіп Качмарэк.

29.01.2014 Дашкевіч выдаў кнігу турэмных твораў

Кніга былога палітвязьня Зьмітра Дашкевіча «Чарвяк» выйшла ў Вільні. Пад цьвёрдай вокладкай сабрана 164 старонкі твораў былога палітвязьня, напісаных у турме.

29.01.2014 У Віцебску забаранілі пікет да Дня Канстытуцыі

Імпрэзу замаўлялі Аляксей Гаўруцікаў і Хрыстафор Жаляпаў. Абодва актывісты 15 сакавіка хацелі прыцягнуць увагу землякоў да абароны правоў, зафіксаваных у Канстытуцыі Рэспублікі Беларусь. Адказам на заяўку ў Першамайскую раённую адміністрацыю стала адмова.

29.01.2014 Баранавічы: прафсаюзны актывіст скардзіцца пракурору на незаконныя дзеянні гарвыканкама

Прафсаюзны актывіст Рыгор Грык 28 студзеня падаў скаргу ў Баранавіцкую міжраённую пракуратуру на незаконныя дзеянні гарвыканкама па забароне запланаванага пікету пад лозунгам “Дзеянні ўлады і законы РБ – пад грамадзянскі кантроль”.

29.01.2014 Суддзя адмовіла пенсіянеркам ў праве на юрыдычную дапамогу

27 студзеня суддзя суда Бабруйскага раёна і горада Бабруйск Магілёўскай вобласці Марына Шэлягина не дапусціла ў судовы працэс прадстаўніка Валянціны Каваленка і Любові Санкевіч.

29.01.2014 Місія МАП сустрэлася з актывістамі незалежных прафсаюзаў

28 студзеня ў Мінску адбылася сустрэча кіраўнікоў сяброўскіх арганізацый і актывістаў БКДП з Місіяй прамых кантактаў Міжнароднай арганізацыі працы (МАП) на чале са спецыяльным дарадцам Генеральнага дырэктара МАП Кары Тапіёла. У складзе місіі таксама тры эксперты МАП: Аксана Вольфсан, Франка Амата, Хальтон Чыдла.