Праваабарончы цэнтр «ВЯСНА»

Навіны за Чэрвень 2013

19.06.2013 У Бруселі гаварылі пра беларускія незалежныя СМІ

На паседжанні еўрапейскай камісіі па культуры па запрашэнні еўрадэпутата з Польшчы Марка Мігальскага прысутнічалі прадстаўнікі Беларускага Радыё Рацыя (Яўген Вапа, старшыня ўправы) інтэрнэт-парталу “Хартыя ‘97” (Наталля Радзіна, галоўны рэдактар) і тэлеканала Белсат (Аляксей Дзікавіцкі, дырэктар інфармацыйных праграм).

19.06.2013 Баранавічы: начальнік ГАУС прызнаў парушэнне правілаў дарожнага руху сваімі супрацоўнікамі

Людзі ў міліцэйскай форме пераходзяць магістраль дзе і як каму ўздумаецца, ігнаруючы пешаходныя пераходы. Чарнавус зафіксаваў гэта на 4-х здымках і накіраваў іх міністру ўнутраных спраў. Той адрэагаваў вельмі хутка. Здымкі былі адпраўлены ў Брэсцкае ўпраўленне ўнутраных спраў. Адтуль па вертыкалі ў Баранавіцкі ГАУС.

19.06.2013 Кіраўніцтва МУС абяцае ліквідаваць недахопы ў працы са зваротамі грамадзян

Падставай для гэтага звароту з боку брэсцкай актывісткі былі праблемы, з якімі сутыкнулася Абрамава, спрабуючы высветліць, якім чынам выконваецца рашэнне Камітэту ААН па ліквідацыі дыскрымінацыі ў адносінах жанчын па яе справе, а менавіта - у якіх ізалятарах часовага ўтрымання (ІЧУ) працуюць жанчыны-міліцыянты.

19.06.2013 Гродна: рэканструкцыя вуліцы без увагі на жыхароў і іх дамы

17 чэрвеня дарожныя службы незаконна знеслі плот і часткова занялі ўчастак, што належыць сям’і Івана Журневіча, гаспадара дома па вуліцы Будзёнага, 7а. Пры тым гаспадару нават не паказалі ніякіх афіцыйных папер. Выкліканая ім міліцыя нічога не зрабіла для абароны законнасці.

18.06.2013 МЗС не прызнае рашэння Камітэта па правах чалавека ААН

Сяргей Гоўша, Віктар Сырыца і Віктар Мезяк 18 чэрвеня атрымалі ліст з Міністэрства замежных спраў Беларусі за подпісам намесніка міністра Валянціна Рыбакова на свой зварот аб прадастаўленні інфармацыі аб прынятых РБ захадах дзеля выканання рашэння Камітэта па правах чалавека ААН, прынятага па іх скарзе.

18.06.2013 Справаздача спецдакладчыка па Беларусі Міклаша Харашці на сесіі Рады ААН па правах чалавека (поўны тэкст)

Тэкст справаздачы Спецыяльнага дакладчыка па Беларусі Міклаша Харашці на сесіі Рады ААН па правах чалавека, якая праходзіла ў Жэнэве з 27 траўня па 14 чэрвеня. Пераклад справаздачы на беларускую мову не мае статуса афіцыйнага дакумента ААН, для цытавання звяраць па тэксту на англійскай мове, які змешчаны на сайце Вярхоўнага камісара па правах чалавека ААН. Пераклад здзейснены Праваабарончым цэнтрам "Вясна".

18.06.2013 Шчучын: 19 чэрвеня будуць судзіць кіраўніка і сябра Саюзу палякаў

19 чэрвеня ў Шчучынскім раённым судзе маюць адбыцца адміністрацыйныя працэсы ў дачыненні да кіраўніка незарэгістраванага Саюзу палякаў у Беларусі Мечыслава Яськевіча і сябры гэтай арганізацыі са Скідзеля Веранікі Себасьцяновіч.

18.06.2013 Лукашэнка: «Суддзі разумеюць, што падкантрольныя». Канстытуцыя: «Суддзі незалежныя»

Падчас інтэрв’ю «Ізвестіям ва Украіне» Аляксандр Лукашэнка даў адвольную трактоўку паўнамоцтваў суддзяў і пракурора ў нашай краіне: «У нас у Беларусі створаны кампактны аператыўна-аналітычныцэнтр пры прэзідэнце, у ім менш за сто чалавек.

18.06.2013 Маці Андрэя Гайдукова дазволілі выступіць у якасці сведкі па яго справе

Віцебскі абласны суд, дзе праходзіць слуханне крымінальнай справы Андрэя Гайдукова, дазволіў яго маці выступіць у якасці сведкі.

18.06.2013 Стала вядомае імя гамяльчаніна, якому вынесена смяротнае пакаранне

На тэлеканале "Беларусь-1" з'явіўся сюжэт, у якім распавядаюцца падрабязнасці забойства студэнткі ў Гомелі. Яго здзейсніў 25-гадовы Аляксандр Гаруноў.

18.06.2013 Amnesty International: Не страляйце ў Рыгора Юзэпчука

Праваабарончая арганізацыя Amnesty International заклікае беларускія ўлады адмяніць сьмяротны прысуд Рыгору Язэпчуку, увесьці мараторый на выкананьне сьмяротных пакараньняў у Беларусі ды правесьці расьсьледаваньне, якім чынам Язэпчуку ўдалося забіць сукамэрніка ў турме.

18.06.2013 Валянцін Стэфановіч звярнуўся да старшыні Белтэлерадыёкампаніі

Нагодай стаў сюжэт у праграме "Таямніцы следства", у якім распавядалася пра абставіны забойства ў Магілёўскай турме. Вынікам чаго стала судовае разбіральніцтва і вынясення смяротнага пакарання асуджанаму Рыгору Юзэпчуку. Аўтары сюжэта неаднаразова падкрэсліваюць нацыянальнасць забойцы - цыган. Пры гэтым акцэнт на нацыянальнасць саўдзельніка і пацярпелага не робіцца, хоць следчы дае адмоўную характарыстыку ўсім тром сукамернікам.

18.06.2013 У Крычаўскім РАУС ідуць праверкі ў сувязі са збіццём падазраванага

Па інфармацыі крычаўскай незалежнай газеты “Вольны горад”, зараз у мясцовым РАУС праводзяцца шматлікія праверкі супрацоўнікамі Упраўлення ўласнай бяспекі МУС і УКДБ па Магілёўскай вобласці. Падставай для праверак паслужыў факт збіцця супрацоўнікамі міліцыі невінаватага чалавека ў будынку Крычаўскага РАУС.

18.06.2013 Салігорск: пракуратура не лічыць незаконнымі пагрозы аб унясенні ў спісы “невыязных”

Напрыканцы траўня праваабаронца накіраваў пракурору Салігорскага раёна скаргу на дзеянні Разлікова-касавага цэнтру, які змясціў у “жыроўках” абвестку аб стварэнні спісаў “невыязных” ды ўзяў на сябе адказнасць па накіраванні гэтых спісаў у Дзяржаўны памежны камітэт.

18.06.2013 Слонім: пікет у падтрымку Івана Шэгі забаронены з-за віктарыны БРСМ (дакумент)

“Згодна з планам работы аддзела па справах моладзі і ГА “БРСМ” не маем магчымасці прадставіць Вам месца ў гарадскім парку па вуліцы Оперная ў патрабуемы час, паколькі ў 11.00 ч. 27 чэрвеня 2013 г. пачатак крос-віктарыны “Знай свой край”.