Праваабарончы цэнтр «ВЯСНА»

Навіны за 19 чэрвеня 2013

19.06.2013 Салігорскія праваабаронцы правялі акцыю "Маю права"

Праваабаронцы з салігорскага прадстаўніцтва Беларускага Хельсінскага Камітэту зладзілі акцыю “Маю права”, у межах якой разаслалі паштоўкі праваабарончага зместу ў дзяржаўныя ўстановы Салігоршчыны. Для акцыі былі абраныя паштоўкі беларускага дызайнера Змітра Краўчанкі, зробленыя ў межах адмысловага конкурсу Праваабарончага цэнтру “Вясна”.

19.06.2013 Шчучын: прадстаўнікі Саюзу палякаў у Беларусі асуджаны да штрафаў (фота)

У Шчучыне 19 чэрвеня прайшоў разгляд адміністрацыйных спраў у дачыненні да старшыні Саюзу палякаў у Беларусі Мечыслава Яськевіча і сябры арганізацыі Веранікі Себасьцьяновіч. Абодвум з боку Шчучынскага РАУС інкрымінавалася арганізацыя несанкцыянаванага масавага мерапрыемства.

19.06.2013 Барысаў: незалежная газета вярнулася ў падпісны каталог

У чэрвені гэтага года адбылася падзея, якога незалежная газета «Барысаўскія навіны» дамагалася восем гадоў. Засталася справа за «малым» - дамагчыся вяртання газеты ў кіёскі Белсаюздруку.

19.06.2013 Алесь Бяляцкі пра Васіля Быкава: “Беларусы маюць свайго Апостала”

“Вялікі чалавек, адзін з бацькоў беларускай нацыі, геніяльны пісьменьнік, які ўзьняў пытаньні быцьця і існаваньня беларускага народу на пазазямны, усяленскі ўзровень... Ягоныя мастацкія і грамадзкія погляды могуць і павінны быць узорам для нас і для наступных пакаленьняў. Беларусы маюць свайго Апостала. Нам ёсць у каго вучыцца, як нам належыць жыць”, - піша Алесь Бяляцкі з нагоды дня нараджэньня беларускага пісьменьніка і грамадзкага дзеяча Васіля Быкава.

19.06.2013 Пратакол на арганізатара Мілавідскага фэсту накіраваны на дапрацоўку (дакумент)

Старшыня суда Баранавіцкага раёна і г.Баранавічы Мікалай Кміта адправіў адміністрацыйны пратакол, складзены на арганізатара святочнага мерапрыемства ў гонар 150-х угодкаў Мілавідскай бітвы 1863 года Віктара Сырыцу, назад у міліцыю для выпраўлення недахопаў.

19.06.2013 Бабруйск: Прыватнікаў прымушаюць выкупляць квіткі на фестываль і падпісвацца на часопіс (дакументы)

У Бабруйску кіраўнікам прыватнага бізнэса былі разасланыя лісты з патрабаваннямі набыць пэўную колькасць квіткоў на канцэрты штогадовага фестываля “Вянок дружбы”. Кошты на іх вагаюцца ад 30 да 75 тысяч рублёў.

19.06.2013 Салідарнасць з Паўлам Севярынцам

Павел падсумаваў вынікі прыезду да яго ў Куплін сяброў, паплечнікаў і вернікаў. Спіс аказаўся ўнушальным: звычайна да Паўла прыязджаюць некалькі гасцей на тыдзень: як з Пружан ці з яго наваколля, так і з Мінску, Баранавічаў, Бярозы, Гомеля, Кобрына, нават жыхары Польшчы, Украіны ды Злучаных Штатаў.

19.06.2013 Забойства. Іменем РБ

Раніца 14 чэрвеня. Я іду на суд, па працы. Нічога такога. Адну сволач судзяць, дзяўчынку забіў, 102 нажавых, чулі, напэўна?

19.06.2013 У 2012 годзе Мінкультуры выдала 531 дазвол на рэстаўрацыю аб'ектаў гісторыка-культурнай спадчыны

Сёлета, па стане на 1 чэрвеня, выдадзены 282 такія дазволы. Пра гэта паведаміла намеснік начальніка ўпраўлення па ахове гісторыка-культурнай спадчыны і рэстаўрацыі Мінкультуры Аксана Сматрэнка 18 чэрвеня на пасяджэнні круглага стала ў Мінску.

19.06.2013 Трое вязняў, што ўцяклі з ваўкавыскай калоніі, затрыманыя

Затрыманыя трое асуджаных, якія ўцяклі ў мінулую суботу з ваўкавыскай калоніі №11. Іх затрымалі сёння каля 12:00 у Шчучынскім раёне.

19.06.2013 Гайдукову могуць перакваліфікаваць абвінавачванне

Старшыня Камітэта дзяржаўнай бяспекі Беларусі Валер Вакульчык пракаментаваў у парламенце справу Андрэя Гайдукова.

19.06.2013 Генпракурор пра сьмяротныя прысуды: Зноў лямант у СМІ

Генэральны пракурор Беларусі Аляксандар Канюк выказаў незадаволенасьць пазыцыяй мэдыяў і праваабаронцаў адносна вынесеных нядаўна ў краіне двух сьмяротных прысудаў — у Гомелі і Горадні.

19.06.2013 Дэпутаты прынялі закон пра канфіскацыю аўто

У п’янага кіроўцы, якога цягам аднаго году двойчы затрымлівалі ў нецьвярозым выглядзе за рулём аўтамабіля, аўто будуць канфіскоўваць.

19.06.2013 У Бруселі гаварылі пра беларускія незалежныя СМІ

На паседжанні еўрапейскай камісіі па культуры па запрашэнні еўрадэпутата з Польшчы Марка Мігальскага прысутнічалі прадстаўнікі Беларускага Радыё Рацыя (Яўген Вапа, старшыня ўправы) інтэрнэт-парталу “Хартыя ‘97” (Наталля Радзіна, галоўны рэдактар) і тэлеканала Белсат (Аляксей Дзікавіцкі, дырэктар інфармацыйных праграм).

19.06.2013 Баранавічы: начальнік ГАУС прызнаў парушэнне правілаў дарожнага руху сваімі супрацоўнікамі

Людзі ў міліцэйскай форме пераходзяць магістраль дзе і як каму ўздумаецца, ігнаруючы пешаходныя пераходы. Чарнавус зафіксаваў гэта на 4-х здымках і накіраваў іх міністру ўнутраных спраў. Той адрэагаваў вельмі хутка. Здымкі былі адпраўлены ў Брэсцкае ўпраўленне ўнутраных спраў. Адтуль па вертыкалі ў Баранавіцкі ГАУС.