Праваабарончы цэнтр «ВЯСНА»

Навіны за Люты 2013

15.02.2013 Адвакат Аўтуховіча: Спадзяюся, новага тэрміну яму не "прышыюць"

Павел Сапелка днямі атрымаў ліст ад свайго падапечнага – палітвязня Мікалая Аўтуховіча. Праўда, падрабязна пераказваць змест адвакат адмовіўся, спаслаўшыся на тое, што ён датычыць дробных побытавых справаў.

15.02.2013 Беларусь — у дзесятцы найбольш цэнзурных краінаў

Такую выснову зрабіў міжнародны Камітэт у абарону журналістаў (CPJ).

15.02.2013 У Вене праходзіць канферэнцыя АБСЕ “Інтэрнэт-2013: фармаванне палітыкі па абароне свабоды СМІ"

З Беларусі запрошаныя прадстаўнік Аператыўна-аналітычнага цэнтра пры Прэзідэнце РБ Уладзімір Рабаволаў, заснавальнік TUT.by Юрый Зісер і галоўная рэдактарка "Хартыі-97" Наталля Радзіна.

15.02.2013 Актывістцы Юліі Сьцяпанавай адмовілі ў завядзеньні крымінальнай справы

Фрунзэнскі РАУС Менску адмовіў актывістцы Юліі Сьцяпанавай у завядзеньні крымінальнай справы супраць нападнікаў. Роўна месяц таму 14 студзеня тыя зьбілі яе, павалілі ў сьнег і абрэзалі валасы.

15.02.2013 Яўген Васьковіч правёў у ШІЗА больш за 150 сутак

Пасля прысуду палітвязень Яўген Васьковіч амаль кожны чацвёрты дзень знаходзіўся ў карцары. З траўня 2011 года ў яго было каля 40 спагнанняў, больш за 20 разоў ён трапляў у штрафны ізалятар.

15.02.2013 Аляксей Стук: Утрыманне Статкевіча і Бяляцкага адпавядае іх злачынствам

“У беларускіх турмах ёсць недахопы ва ўмовах утрымання, але яны ў рамках Крымінальна-выканаўчага кодэкса і іншых заканадаўчых актаў”. Такое меркаванне выказаў намеснік генеральнага пракурора Аляксей Стук.

15.02.2013 Брэст: гарадскі савет дэпутатаў не хоча інфармаваць выбаршчыкаў па бюджэтных пытаннях

Такую выснову можна зрабіць з адказу, які атрымаў кіраўнік Брэсцкай абласной арганізацыі БСДП (Грамада) Ігар Маслоўскі. У сваім звароце ён прапанаваў выстаўляць на сайце гарвыканкама бюджэт Брэста і справаздачу аб яго выкананні.

15.02.2013 На Магілёўшчыне ўзяліся за адукацыю ідэолагаў

К 2014 году мэтавыя пляцоўкі па развіццю ідэалагічнай практыкі будуць створаны ў кожным раёне вобласці. Тым часам у вобласці адчуваецца недахоп спецыялістаў дадзенай спецыяльнасці. На дадзены момант не хапае сем ідэолагаў у аддзелах выканкамаў.

14.02.2013 Другі этап дыктоўкі ў Бабруйску будзе прысвечаны любові да роднай мовы

У Бабруйску плануецца другі этап агульнанцыянальнай дыктоўкі. Нагадаем, што першы быў прысвечаны Кастусю Каліноўскаму, другі будзе прымеркаваны да Міжнароднага дня роднай мовы, але пройдзе крыху раней – 18 лютага.

14.02.2013 Алесь Бяляцкі на паўгады пазбаўлены спатканняў

Алесь Бяляцкі пазбаўлены спатканняў, якія ён мусіў атрымаць у бліжэйшыя паўгады. Гэтую інфармацыю 13 лютага пацвердзіла адміністрацыя Бабруйскай калоніі № 2, дзе ўтрымліваецца палітвязень.

14.02.2013 Гомель: помнікі архітэктуры размалёўваць можна, помнік Леніну – не (дакумент з мноствам арфаграфічных памылак)

Упраўленне архітэктуры і горадабудаўніцтва Гомельскага гарвыканкаму даслала адказ на зварот грамадскага актывіста Кастуся Жукоўскага. Сэнс «беларускіх словаў» цяжка зразумець. Напрыклад, як зразумець выраз «ваша прапанова заслугоўвае заўвагу?», ці «няма клопату аб неабходнасці яго упрыгоджання»?

14.02.2013 Бялынічы: “хваля салідарнасці” з беларускімі палітвязнямі

Бялыніцкія актывісты аргкамітэта па стварэнню партыі БХД пачалі правядзенне інфармацыйнай кампаніі ў абарону палітвязняў “Хваля салідарнасці”, якая па ініцыятыве аргкамітэту БХД будзе праводзіцца ў розных гарадах Беларусі.

14.02.2013 Гомельская міліцыя: бел-чырвона-белы сцяг не адносіцца да забароненай сімволікі

Грамадскі актывіст Кастусь Жукоўскі атрымаў адказ з Цэнтральнага РАУС Гомеля на сваю скаргу. Нагадаем, апазіцыянер вывесіў над сваім домам бел-чырвона-белы сцяг у гонар угодкаў паўстання Кастуся Каліноўскага. Пасля гэтага яму пачалі тэлефанаваць невядомыя, якія пагражалі арыштам і суткамі за вывешванне сцягу.

14.02.2013 Ірыне Халіп дазволілі выехаць зь Беларусі

Аляксандар Лукашэнка заявіў на прэсавай канфэрэнцыі 15 студзеня, што журналістка сама ня хоча нікуды ехаць, а насамрэч ёй ніхто не перашкаджае.

14.02.2013 16 лютага будзе ўручана прэмія “Люблю Беларусь”

Малады Фронт запрашае ўсіх на ўрачыстую цэрэмонію ўручэньня штогадовай прэміі “Люблю Беларусь”. Нагадваем, у гэтым годзе вы можаце дапамагчы вызначыць пераможцаў!