Праваабарончы цэнтр «ВЯСНА»

Навіны за Сьнежань 2012

18.12.2012 «Новы час» не трапляе да Мікалая Статкевіча

Рэдакцыя змагаецца за права палітвязня атрымліваць незалежнае выданне.

18.12.2012 Дэпутаты ўхвалілі забарону на звальненьне

17 сьнежня дэпутаты Палаты прадстаўнікоў прынялі да ведама прэзыдэнцкі дэкрэт ад 7 сьнежня 2012 году «Аб дадатковых захадах па разьвіцьці дрэваапрацоўчай прамысловасьці». За гэта прагаласавалі 102 дэпутаты, супраць галасаваў адзін дэпутата, два не галасавалі.

18.12.2012 Алег Алкаеў: Я збіраю справу, якую накірую ў следчыя органы Беларусі

Былы кіраўнік СІЗА №1 Алег Алкаеў абяцае абнародаваць новыя матэрыялы і факты, звязаныя з выкраданнем і верагодным забойствам напрыканцы 90-х гадоў лідараў апазіцыі - выконваючага абавязкі старшыні Вярхоўнага Савета Беларусі Віктара Ганчара, бізнесоўца Анатоля Красоўскага, былога кіраўніка МУСа Юрыя Захаранкі і журналіста Змітра Завадскага.

18.12.2012 Дашкевіч і Лобаў: два гады за кратамі. Сёння Дашкевіч павінен быў выйсці на волю

Сёння, 18 снежня 2012 г., спаўняецца два гады з моманту арышту актывістаў "Маладога фронту" Змітра Дашкевіча і Эдуарда Лобава, з таго часу яны знаходзяцца за кратамі.

18.12.2012 Магілёўская міліцыя не жадае прызнаваць свае памылкі

Замест таго, каб афіцыйна папрасіць прабачэнне за ганебны артыкул на сваім сайце пра праваабаронцу Барыса Бухеля і абвергнуць яго, начальнік упраўлення УУС Магілёўскага аблвыканкама Балейка адказаў, што ён не ўтрымлівае ганебных звестак і падставаў для яго абвяржэння няма.

18.12.2012 Барысаў: пікеты “Скралі выбары, каб распрадаць краіну” забароненыя

Усе чацвёра барысаўскіх заяўнікаў пікетаў “Скралі выбары, каб распрадаць краіну”, прымеркаваных да другой гадавіны Плошчы-2010, атрымалі пісьмовыя забароны на правядзенне мерапрыемстваў з Барысаўскага райвыканкама.

18.12.2012 Замест следчых дзеянняў – збор асабістай інфармацыі

Паралельна з пошукам злачынцаў, “пінкертоны” са Следчага камітэту стараюцца атрымаць як мага болей асабістай інфармацыі ад удзельнікаў розных нефармальных груповах і гэтак званых "радыкальных арганізацый".

18.12.2012 Праваабарончая праграма “Людзьмі звацца!” на Радыё Рацыя

“Падзея тыдня” прысвечаная самаму масаваму і працягламу пераследу гамадскіх актывістаў за ўшанаванне памяці братоў Каліноўскіх, якое штогод праходзіць у Свіслачы. У рубрыцы "Асоба. Дзяржава. Грамадства" – гутарка з намеснікам старшыні ПЦ "Вясна" Валянцінам Стэфановічам.

17.12.2012 Вярхоўны суд не бачыць парушэння ў адмове вядзення судаводства па-беларуску (дакумент)

Вось ўжо 5-ты месяц Сяргей Гоўша дамагаецца, каб суд Баранавіцкага раёна і г. Баранавічы выдаў яму пастановы аб узбуджэнні выканаўчай вытворчасці на беларускай мове. Аднак суддзі заўзята дасылаюць яму ўсе судовыя дакументы на рускай мове, нягледзячы на тое, што ён пісьмова і ў вуснай формах настойліва просіць суддзяў дасылаць лісты па-беларуску.

17.12.2012 Рабочым – прымусовую працу, афіцыйным прафсаюзам – забавы

На сайце Гомельскага абласнога аб'яднання прафсаюзаў дарма можна шукаць нейкі каментар з нагоды Дэкрэта №9. Але ёсць інфармацыя, чым занятыя прафсаюзныя лідэры: пагутарылі «аб парадку дакументальнага афармлення і падаткаабкладання навагодніх падарункаў», «абмяняліся вопытам па арганізацыі і правядзенню культурна-масавых мерапрыемстваў».

17.12.2012 Экалагічная сітуацыя з вадаёмам у вёсцы Вычулкі чыноўнікаў не хвалюе

Жыхары вёскі Вычулкі, якая ўваходзіць у межы горада Брэста, атрымалі адказ на свой зварот да прэзідэнта Аляксандра Лукашэнкі. Яны скардзіліся на забруджанне мясцовага вялікага вадаёма, раней багатага флорай і фаўнай. Адказ прыйшоў з Брэсцкага абласнога выканаўчага камітэта за подпісам намесніка старшыні аблвыканкама Якава Бухавецкага.

17.12.2012 Юрысты рыхтуюць прававую ацэнку Дэкрэта №9

Прававы інспектар прафсаюза радыёэлектроннай прамысловасці па Брэсцкай вобласці і праваабаронца Ўладзімір Малей разам з іншымі юрыстамі прафсаюза рыхтуе дакумент, у якім будзе дадзена прававая ацэнка Дэкрэта Аляксандра Лукашэнка № 9 ад 7 снежня 2012 года “Аб дадатковых мерах па развіцці дрэваапрацоўваючай прамысловасці”.

17.12.2012 Дзвюм слонімскім газетам -- розныя ўмовы распаўсюду

Сябры Слонімскага згуртавання дэмакратычных сіл праводзяць акцыю па збору подпісаў сярод жыхароў Слонімскага раёна пад зваротам з заклікам прыняць неабходныя меры і ўключыць “Газету Слонімскую” у сістэму распаўсюду праз РУП “Белпошта”, а таксама праз кіёскі “Белсаюздрук”.

17.12.2012 Брэст: гарадскія ўлады забаранілі ўсе дзевяць пікетаў АГП

Мясцовыя актывісты Аб'яднанай грамадзянскай партыі накіравалі заяўкі ў Брэсцкі гарвыканкам, каб атрымаць дазвол на правядзення 19 снежня дзевяці пікетаў у розных месцах абласнога цэнтру. Як паведаміў старшыня абласной арганізацыі АГП Уладзімір Вуек, ва ўсіх выпадках адказ уладаў быў адмоўны.

17.12.2012 Чакаецца рашэнне па справе Міколы Уласевіча

У Астравецкім раённым судзе а 17-й гадзіне пачынаецца заключнае паседжанне суду па адміністрацыйнай справе Мікалая Уласевіча, якога вінавацяць нібыта ў непадпарадкаванні службовым асобам (артыкул 23.4 КаАП). Апошняе, ужо сёмае па ліку паседжанне, прайшло 13 снежня і доўжылася з 14-й гадзіны дня ажно да 22-й гадзіны вечару (!).