Праваабарончы цэнтр «ВЯСНА»

Навіны за Сьнежань 2012

19.12.2012 У Мастоўскім раёне ДАІ “палюе” на раварыстаў

У Мастоўскім раёне супрацоўнікі дарожнай аўтаінспекцыі пачалі сапраўднае паляванне на раварыстаў. У мястэчку Луна за з’яўленне на дарозе на ровары былі аштрафаваныя два мясцовыя жыхары – адзін на 100 тысяч рублёў, іншы – на 300 тысяч. Пры тым міліцыянты не тлумачылі, што канкрэтна парушылі вяскоўцы.

19.12.2012 У Віцебску затрымалі двух прыхільнікаў БХД

Аляксей Кішчук і Станіслаў Лаўрэнаў знаходзяцца ў Першамайскім РАУС. Машыну, якой кіраваў Лаўрэнаў, спыніла ДАІ. Інспэктары вырашылі праверыць дакумэнты і ў кіроўцы і ў пасажыра.

19.12.2012 Візіт у Мінск еўрачыноўніка наўрад ці пацягне за сабой вызваленне палітзняволеных, мяркуюць эксперты

Візіт у Мінск дырэктара дэпартамента Расіі, Усходняга партнёрства, Цэнтральнай Азіі, рэгіянальнага супрацоўніцтва і АБСЕ Еўрапейскай службы знешніх дзеянняў Гунара Віганда наўрад ці пацягне за сабой вызваленне палітзняволеных, мяркуюць аналітыкі.

19.12.2012 Баранавічы: да другой гадавіны Плошчы актывісты наведалі бацьку Мікалая Статкевіча

Да другой гадавіны падзей 19 снежня ў Мінску баранавіцкія грамадскія актывісты наведалі бацьку экс-кандыдата ў прэзідэнты Мікалая Статкевіча -- Віктара Паўлавіча. Віктар Паўлавіч паведаміў гасцям, што кожны тыдзень атрымоўвае лісты ад сына і стараецца своечасова яму адказваць.

19.12.2012 Сяргея Каваленку 19 снежня выклікалі на “прафілактычную гутарку”

На гутарку выклікае інспектар крымінальна-выканаўчай інспекцыі Віцебска Таццяна Карась. “Мэту і тэму «прафілактычнай размовы» з маім мужам агучыць яна адмовілася,” – кажа жонка былога палітвязня Алена Каваленка.

19.12.2012 Эксперты: Падзеі двухгадовай даўніны аслабілі апазіцыю, але не змянілі характар улады

Роўна два гады таму ў Беларусі адбыліся выбары прэзідэнта, якія завяршыліся жорсткім разгонам апазіцыйнага мітынгу і арыштам актывістаў дэмсіл, у тым ліку тых, хто прэтэндаваў на пасаду кіраўніка дзяржавы.

19.12.2012 Магілёўскі суд пакінуў актывіста БХД на прафуліку ў КДБ (дакумент)

Учора, 18 снежня, суд Ленінскага раёна Магілёва ў асобе суддзі Юрчанкі пры поўнай згодзе пракурора Паляковай адмовіў у задавальненні скаргі актывіста аргкамітэта партыі “Беларуская Хрысціянская Дэмакратыя” Алега Аксёнава супраць УКДБ.

19.12.2012 Медыкаў прымусова падпісваюць на “Слонімскі веснік”

Галоўны ўрач Слонімскай цэнтральнай раённай бальніцы Юрый Пяцельскі загадаў усім загадчыкам аддзяленняў бальніцы выпісаць раённую газету “Слонімскі веснік” на 2013 год – па пяць асобнікаў на аддзяленне. Каб выканаць загад, загадчыкі аддзяленняў, дактары і малодшы медперсанал пайшлі ў складчыну .

19.12.2012 Савет Рэспублікі лічыць дастатковай папулярызацыю беларускай мовы

Адказ з Савета Рэспублікі Нацыянальнага сходу Беларусі прыйшоў аўтару ідэі грамадзянскай ініцыятывы «Справаводства па-беларуску!» Ігару Случаку. Нагадаем, гомельскі актывіст прапаноўваў увесці інавацыю: даплочваць прэмію тым чыноўнікам і супрацоўнікам арганізацый, якія вядуць сваю дакументацыю па-беларуску.

19.12.2012 Два гады пасля Плошчы: палітвязні па-ранейшаму за кратамі, улады парушаюць правы чалавека

Праваабаронцы канстатуюць сітуацыю з правамі чалавека ў 2012 годзе “стабільна кепскую”, як зрэшты і ў 2011. Тэндэнцыя прыціскання грамадзянска-палітычных правоў, адміністратыўны і крымінальны пераслед у адносінах да апанентаў рэжыма працягваецца.

19.12.2012 Жыхарам Гомеля нагадалі аб другой гадавіне Плошчы (фота)

Актывісты ініцыятывы «Голы кароль» распаўсюдзілі ў Гомелі ўлёткі, у якіх нагадалі пра сумную для беларускай гісторыі дату – 19 снежня 2010 году, калі каля тысячы чалавек былі збіты і змешчаны на Акрэсціна, а кандыдаты у прэзідэнты атрымалі турэмныя тэрміны.

19.12.2012 У Горках сям’я з маленькімі дзецьмі жыве ў экстрэмальных умовах

У горадзе Горкі две сям’м жывуць у доме без ацяплення і гарачай вады, пры тым, што тэмпература паветра на вуліцы апускаецца ніжэй за -20 С. Дом № 6 па вуліцы Ціміразева быў расселены перад “Дажынкамі”, аднак дзве сям’і адмовіліся пакідаць займаемыя кватэры, бо ім не прадставілі раўназначнае жыллё.

19.12.2012 Брэст: незалежная журналістка судзіцца з калегам з дзяржаўнага выдання

На 20 снежня ў судзе Маскоўскага раёна Брэста прызначаны разгляд справы паводле позвы фотажурналісткі Міланы Харытонавай, якая спрабуе абараніць свой гонар, годнасць і дзелавую рэпутацыю. У якасці адказчыка - карэспандэнт дзяржаўнай газеты “Брестский вестник” Уладзімір Міневіч.

19.12.2012 Салігорск: праз лукашэнкаўскі загад разбураюць сістэму аздараўлення ў дзіцячым цэнтры

Сёлетні прыезд Аляксандра Лукашэнкі ў сталіцу шахцёроў перакуліў звыклае жыццё работнікаў салігорскага Дзіцячага рэабілітацыйна-аздараўленчага цэнтру "Зялёны бор”. І пакуль зусім не ў лепшы бок.

19.12.2012 Салігорцам распавялі пра скрадзеныя 19 снежня 2010 году выбары

Напярэдадні 19 снежня ў Салігорску з’явіліся інфармацыйныя матэрыялы, прысвечаныя падзеям 19 снежня 2010 года і іх наступствам. Большасць улётак належыць Аб’яднанай грамадзянскай партыі і заклікае грамадзянаў далучыцца да кампаніі “За сумленныя выбары без Лукашэнкі”.