Праваабарончы цэнтр «ВЯСНА»

Навіны за Верасень 2012

24.09.2012 Віншаванні для Алеся Бяляцкага: Беларускі дом правоў чалавека ў Вільні

Свае віншаванні юбіляру перадаюць супрацоўнікі Беларускага дому правоў чалавека на чале з дырэктарам Ганнай Герасімавай.

24.09.2012 Віншаванні для Алеся Бяляцкага: Беларусы Канады

“Мы верым, што цуды здараюцца, і спадзяемся, што хутка сваякі, сябры і знаёмыя змогуць абняць Вас і паціснуць Вашую мужную руку, а ўсе салідарныя з Вамі людзі змогуць прачытаць, нарэшце, радасную навіну: "Бяляцкі на волі!" Мы верым, што і сітуацыя на Радзіме хутка зменіцца". .

Урад Беларусі адмаўляецца супрацоўнічаць з Камітэтам па правах чалавека ААН па справе Алеся Бяляцкага ў той час, як умовы яго зняволення становяцца больш жорсткімі

24.09.2012 Урад Беларусі адмаўляецца супрацоўнічаць з Камітэтам па правах чалавека ААН па справе Алеся Бяляцкага ў той час, як умовы яго зняволення становяцца больш жорсткімі

Урад Беларусі адказаў на скаргу ў Камітэт па правах чалавека ААН, якая была пададзеная па даручэнні Алеся Бяляцкага яго жонкай Наталляй Пінчук, а таксама падпісана Антуанам Бернарам, Генеральным дырэктарам Міжнароднай Федэрацыі за правы чалавека (FIDH), віцэ-прэзідэнтам якой з'яўляецца Алесь Бяляцкі.

24.09.2012 Дэпутата Савановіча вылучылі ад калектыва ЖЭС-48 фіктыўна

Супрацоўнікі камунальнага прадпрыемства склалі скаргу ў Мінскую гарадскую пракуратуру. Яны просяць прыцягнуць да адказнасці старшыню ЖРЭА-1 Фрунзенскага раёна Васіля Шашка. Менавіта ён адказваў за фіктыўнае фармаванне спісу дэлегатаў, якія нібыта падтрымлівалі кандыдатуру Міхаіла Савановіча на вылучэнне ў дэпутаты. Насамрэч жа супрацоўнікі ЖЭС-48 з Савановічам ніколі не былі знаёмыя, пра ягоную дзейнасць на пасадзе старшыні Мінгарсавета нічога не ведаюць.

24.09.2012 Назіральнікі АБСЕ: Выбары ў Беларусі нельга назваць свабоднымі і бесстароннімі

Даклад прэзентаваны 24 верасня на брыфінгу ў Мінску. Канчатковы даклад назіральнікаў АБСЕ плануецца падрыхтаваць на працягу двух месяцаў.

24.09.2012 У Менску былі затрыманыя моладзевыя назіральнікі (абноўлена)

Па інфармацыі праваабаронцаў на 15.30, затрыманых назіральнікаў моладзевага праекту “Назіранне за выбарамі: тэорыя і практыка” пачалі адпускаць з РУУСу Цэнтральнага раёна Менска. Ва ўсіх узялі адбіткі пальцаў, знялі на відэа. Супрацоўнікі міліцыі не далі ніякіх тлумачэнняў наконт прычыны затрымання і пратаколаў на затрыманых не складалі.

24.09.2012 Віншаванні для Алеся Бяляцкага - ад калегаў, сяброў і знаёмых (дадаецца)

Выказваем шчырую падзяку ўсім, хто далучаецца да віншавальнага тыдня для Алеся Бяляцкага. У “Вясну” працягваюць прыходзіць цёплыя лісты і фотаздымкі з віншаваннямі юбіляру – ад партнёраў, калегаў, сяброў, знаёмых і проста неабыякавых да лёсу зняволенага праваабаронцы людзей.

24.09.2012 Братам Дварэцкім прысудзілі 3 сутак арышту

Судзілі ў судзе Партызанскага раёне па артыкуле 23.4 КаАП – непадпарадкаванне міліцыі. У суботу іх затрымалі падчас расклейвання налепак за байкот. Суддзя - Мар'яна Валчкова.

24.09.2012 Старшыні выбарчых камісій: лічым так, як нас навучылі на трэнінгах

Старшыня УВК Людміла Мячына разгледзела заяву аднаасобна, без правядзення паседжання камісіі і напісала, што “працэдура падліку галасоў і устанаўленне вынікаў галасавання была адпрацаваная з членамі камісіі пры правядзенні трэнінгу”.

24.09.2012 Брэст: толькі на адным участку невядома калі прагаласавала амаль паўтысячы выбаршчыкаў

Незалежная назіральніца Валянціна Шорах, якая разам з іншымі калегамі ўсе дні галасавання адсочвала выбарчы працэс на участку №31 Брэсцкай-Заходняй акругі №1, што знаходзіўся на прадпрыемстве “Водаканал”, паведаміла пра істотныя адрозненні ў лічбах, якія тычацца яўкі выбаршчыкаў.

24.09.2012 Стэфановіч: “Беларусь набліжаецца да савецкіх стандартаў выбараў”

Па меркаванні намесніка старшыні ПЦ “Вясна” Валянціна Стэфановіча, Беларусь набліжаецца да савецкіх стандартаў выбараў, калі людзям абыякава, за каго галасаваць і як праходзяць выбары наогул. Менавіта праз гэта істотна скарачаецца яўка выбаршчыкаў.

Выніковая справаздача па назіранні за выбарамі дэпутатаў Палаты прадстаўнікоў Нацыянальнага сходу Рэспублікі Беларусь пятага склікання

24.09.2012 Выніковая справаздача па назіранні за выбарамі дэпутатаў Палаты прадстаўнікоў Нацыянальнага сходу Рэспублікі Беларусь пятага склікання

Кампанія «Праваабаронцы за свабодныя выбары» лічыць, што выбарчы працэс прайшоў з сур’ёзнымі парушэннямі прынцыпаў дэмакратычных і справядлівых выбараў, замацаваных стандартамі АБСЕ і беларускім заканадаўствам. Атмасфера палітычнага пераследу і рэпрэсій апанентаў улады, на фоне якой праходзіла выбарчая кампанія, абмежаванні падчас фарміравання выбарчых камісій, агітацыйнай кампаніі, негатыўна паўплывалі на свабоду выбару. Непразрыстасць падліку галасоў не дае падставаў сцвярджаць, што вынікі выбараў адлюстроўваюць волевыяўленне беларускага народа.

24.09.2012 Баранавічы: “Куратары груп не прымушалі, а толькі інфармавалі студэнтаў…”

Куратары Баранавіцкага дзяржаўнага універсітэта Наталля Маісеенка і Ганна Верамейка не прымушалі студэнтаў да датэрміновага галасавання, а толькі інфармавалі іх аб магчымасці такога галасавання на працягу 18-22 верасня.

24.09.2012 Гародня: На многіх участках -- “прыпіска” галасоў

Падвядзенне вынікаў выбараў у Гародні была адзначана сур’ёзнымі “прыпіскамі” камісій колькасці прыйшоўшых на ўчасткі. На розных выбарчых участках камісіі дапісвалі ў выніковы пратакол ад 100 да 500 да рэальнай колькасці прыйшоўшых і прагаласаваўшых.

24.09.2012 Полацк: Міхальчанка прайграў Гуйвік

За праўладную кандыдатуру - Наталлю Гуйвік, старшыню Полацкага гарадскога Савета дэпутатаў прагаласавала больш за 56% выбаршчыкаў, за вядучага АНТ Аляксея Міхальчанка - крыху больш за 22%, за прадстаўніка «Справядлівага свету» Аляксея Філімонава - каля 9%.