Праваабарончы цэнтр «ВЯСНА»

Навіны за Верасень 2012

25.09.2012 Віншаванні для Алеся Бяляцкага: Amnesty International

"Мы жадаем Алесю хутчэйшага вызвалення і аднаўлення справядлівасці. Мы паважаем Алеся, захапляемся ім і цэнім яго працу. Мы жадаем яму моцнага здароўя, трываласці і моцы духу. Сям’і Алеся мы жадаем надзеі, веры і цярпення".

25.09.2012 Віншаванні для Алеся Бяляцкага: Штэфан Фюле

Штэфан Фюле, Еўрапейскі камісар па пытаннях пашырэння і палітыкі еўрапейскага добрасуседства, перадае віншаванні праваабаронцу-юбіляру: “Перадусім, я зычу Вам моцнага здароўя і моцнага духу, каб выстаяць супраць несправядлівасці, учыненай супраць Вас і іншых людзей”.

25.09.2012 Віншаванні для Алеся Бяляцкага: Міжнародная федэрацыя за правы чалавека

“Дарагі Алесь, сардэчна віншуем Вас з цудоўным юбілеем - радасным днём, нягледзячы на сумныя абставіны! Мы вельмі рады, што нам усім выдалася радасць і гонар працаваць разам з Вамі, дамагаючыся абароны правоў чалавека ў рэгіёне Усходняй Еўропы і па-за яе межамі..."

25.09.2012 “Вясноўцы”: З юбілеем, шаноўны Алесь! Чакаем!

Сябры Праваабарончага цэнтру “Вясна” распачынаюць 25 верасня, дзень 50-годдзя свайго кіраўніка Алеся Бяляцкага, самымі нясцерпнымі спадзяваннямі: каб усе нашыя сны і мары пра вызваленне Алеся як найхутчэй здзейсніліся!

25.09.2012 У Аршанскім раёне сябры ўчастковай камісіі ратаваліся ўцёкамі

Кур'ёзны выпадак адбыўся ў вёсцы Прыдняпроўе Аршанскага раёна. Участковая камісія прыехала з вынасной урнай да пажылых людзей праводзіць галасаванне дома. Нядоўга думаючы, бабуля выхапіла з свайго плота драўляны кол і накінулася на няпрошаных гасцей.

25.09.2012 На Аршаншчыне галасаванне дома пабіла ўсе рэкорды

Аршанская гарадская акруга № 26. Тут да прыкладу на ўчастку № 26 у спісах для датэрміновага галасавання лічылася 157 чалавек, але пры адкрыцці скрыні датэрміновага галасавання ў ёй выявілася 283 бюлетэня. Камісія парушэнняў не ўгледзела.

25.09.2012 У Оршы на ўчастку зніклі несапраўдныя бюлетэні

У першы дзень датэрміновага галасавання выдаваліся бюлетэні, у якіх прысутнічала прозвішча Аляксея Тіханенкава, які напярэдадні быў зняты з выбараў. Аднак у выніковым пратаколе па выніку выбараў на гэтым участку несапраўдных бюлетэняў няма ...

25.09.2012 Праваабаронца Павал Левінаў патрабуе прызнаць вынікі галасавання несапраўднымі

Паводле звестак Паўла Левінава, назіральнікі палічылі, што 23 верасня на ўчастак №52 прыйшлі 876 выбаршчыкаў. Але ў выніковым пратаколе была пазначаная колькасць 1599 чалавек – на 723 выбаршчыкі болей.

25.09.2012 Полацк: назіральнік падае скаргі ў пракуратуру і акруговую камісію

Скарга пададзеная ў акруговую камісію на дзеянні старшыні ўчастковай камісіі № 31 Сяргея Капітана, які адмовіўся паказаць назіральніку спісы для галасавання па месцы знаходжання выбаршчыкаў.

25.09.2012 Мастоўская акруговая камісія правяла выніковае паседжанне…ноччу

Калі незалежная назіральніца Святлана Рудкоўская прыйшла ў акружную камісію, выявілася, што выніковае паседжанне ўжо адбылося, а члены камісіі ў асобным пакойчыку “святкуюць” заканчэнне выбарчай кампаніі.

25.09.2012 Бабруйск: Лічбы па галасаванні па месцы жыхарства нерэальна вялікія

На дадзены момант падаць скаргі ў сувязі з падменай вынікаў галасавання выказалі назіральніцы Ніна Федзяева, Аляксандра Сьянава і Ірына Уварава. Яны збіраюцца накіроўваць іх у АВК, ЦВК і пракуратуру.

25.09.2012 Баранавічы: Назіральнік просіць пракуратуру разабрацца з нечканым “ростам” спісу жадаючых прагаласаваць дома

24 верасня Галіна Ярашэвіч напісала заяву ў пракуратуру горада, у якой просіць праверыць факты прымусовага галасавання па месцы жыхарства.

24.09.2012 Парламенцкія выбары ў рэгіянальным зрэзе: Магілёў

У адрозненні ад мінулых кампаній, мясцовыя СМІ устрымліваліся ад палівання брудам апазіцыі і апазіцыйных кандыдатаў. Мясцовая ўлада не была зацікаўлена ў тым, каб назіральнікі выкрывалі фальсіфікацыі на выбарах. Выбаршчыкі прагаласавалі па-свойму – нагамі, то бок яны проста не прыйшлі на выбары, і ўлады мусілі выкручвацца і штучна завышаць яўку выбаршчыкаў.

24.09.2012 Віншаванні для Алеся Бяляцкага: “Індэкс цэнзуры”

Супрацоўнікі брытанскай праваабарончай арганізацыі “Індэкс цэнзуры” (Index on Censorship) далучыліся да віншавальнага тыдня для Алеся Бяляцкага.

24.09.2012 Маладэчна: Для акруговай камісіі выбары ўжо скончыліся, дзя назіральнікаў – працягваюцца.

24 верасня раніцай Эдуард звярнуўся ў акруговую камісію, каб атрымаць выніковы пратакол. Намесніца кіраўніка камісіі Люцыя Арловіч паведаміла, што пратакол ён атрымае толькі пазней, на пасяджэнні камісіі, а зараз камісія не працуе.