Праваабарончы цэнтр «ВЯСНА»

Навіны за 21 верасьня 2012

21.09.2012 Праваабаронца Алесь Бяляцкі вычарпаў усе магчымасьці для абскарджваньня прысуду на нацыянальным узроўні

Зьняволены старшыня Праваабарончага цэнтру “Вясна” Алесь Бяляцкі атрымаў рашэньне Вярхоўнага Суду па нагляднай скарзе на прысуд, вынесены яму судом Першамайскага раёна Менска 24 лістапада 2011 года. Пра гэта стала вядома з ліста палітвязьня намесьніку старшыні ПЦ “Вясна” Валянціну Стэфановічу.

21.09.2012 Ціск на праваабаронцу Таццяну Рэвяку ўзмацняецца

Да кампаніі па застрашэнні сябры Рады ПЦ “Вясна” і прэзідэнта Беларускага Дому правоў чалавека ў Вільні далучыліся падаткавыя органы. Інспекцыя Міністэрства па падатках і зборах РБ па Першамайскім раёне г.Мінска патрабуе ад Таццяны Рэвяка прадстаўлення дэкларацыі пра даходы і маёмасць за сем гадоў.

21.09.2012 Баранавічы: участковыя камісіі не падтрымалі прапановы назіральнікаў

Выбарчая камісія ўчастка № 21 Баранавіцкай-Усходняй выбарчай акругі № 6 не падтрымала сёння на сваім пасяджэнні прапановы назіральнікаў па адкрытасці і празрыстасці падліку галасоў. Падлік галасоў будзе па старой, адпрацаванай у розныя часы методыцы: каб ніхто не бачыў бюлетэняў і за каго ў сапраўднасці прагаласаваў выбаршчык.

21.09.2012 Гарадзенскі дзяржаўны ўніверсітэт: гісторыкі і сацыёлагі – шэрагамі на ўчасткі

На факультэце гісторыі і сацыялогіі гэтай навучальнай установы намеснік дэкана Мікалай Мыслівец і выкладчык Сяргей Амелька сабралі іншагародніх студэнтаў на занятках і павялі на датэрміновае галасаванне на выбарчы ўчастак.

21.09.2012 Бабруйск: Незалежныя журналісты і назіральнікі – непажаданыя для сябраў камісій

На ўчастку № 11 (САШ № 1) у сябраў камісіі адбыўся сапраўдны эмацыйны ўсплёск, калі на ўчастак завітаў журналіст “Белгазеты” Дзмітрый Растаеў. Яны выклікалі дырэктара школы і пачалі выстаўляць яго за дзверы з крыкам: “Панапрыходзяць тут! Усе выбары на нервах! Хутка і назіральніка адсюль выганім!”

21.09.2012 Бабруйск: назіральнікі адзначаюць невялікую яўку

Але ёсць і выключэнні. На ўчастку № 4, які знаходзіцца ў будынку гімназіі №2, з кожным днём больш і больш прагаласаваўшых, па 60-70 чалавек у дзень. Аказалася, у гімназіі раптоўна пачалі штодня праводзіць бацькоўскія сходы.

21.09.2012 Народ пра выбары: “Не дурыце мне галаву!” (відэа)

У роліку засведчаны хібы і парушэнні падчас выбарчай кампаніі – несумленная агітацыя праўладных кандыдатаў, пластылінавыя пячаткі на скрынях для галасавання.

21.09.2012 Актывіста «Гавары праўду!» затрымалі за заклік да байкоту

Аляксей Мікуліч распаўсюджваў улёткі на тэрыторыі 101-й Фрунзенскай акругі. Яго затрымалі міліцыянты і павезлі ў раённы аддзел міліцыі.

21.09.2012 Дзейны дэпутат парламента заклікае галасаваць за Вадзіма Дзевятоўскага

Наваполацкая "Новая газета" надрукавала справаздачу дзейнага сябра Савета Рэспублікі Нацыянальнага Сходу РБ, сябра Парламенцкага сходу Саюза Беларусі і Расіі Валерыя Рабца. Спадар Рабец расказвае пра сваю парламенцкую дзейнасць і заклікае навапалачан галасаваць за кандыдата Вадзіма Дзевятоўскага, бо ён "гатовы годна стаяць на абароне інтарэсаў горада і яго жыхароў".

21.09.2012 Няскораны («загад — адмова — удар, загад — адмова — удар...»)

Прапануем чытачам эксклюзіўныя ўрыўкі з дзённіка палітвязня Ігара Аліневіча, напісанага ім у сумнавядомай «амерыканцы» — турме КДБ. Дзённік нам перадала маці зняволенага, Валянціна Аліневіч.

21.09.2012 Андрэя Дынько выключылі са сьпісу невыязных

Шэф-рэдактар «Нашай Нівы» Андрэй Дынько атрымаў ліст зь Міністэрства ўнутраных спраў Беларусі, у якім выказваюцца выбачэньні, што яго памылкова ўключылі ў сьпіс невыязных. Ліст датуецца 9 верасьня, але Андрэю Дынько ён дасланы толькі цяпер.

21.09.2012 Аўстралійскага тэлежурналіста затрымалі ў аэрапорце «Мінск-2»

Журналіст збіраўся выехаць з краіны пасля падрыхтоўкі тут рэпартажу. Паводле папярэдніх звестак, у яго забралі апаратуру і носьбіты інфармацыі.

21.09.2012 У Магілёве назіральніка ад АГП выдалілі з выбарчага ўчастка

Старшыня ўчастковай выбарчай камісіі №70 Вера Цыркунова вынесла пісьмовае папярэджанне назіральніку Юрыю Дарашэнкі і адначасова пазбавіла яго акрэдытацыі на ўчастку. Сваё рашэнне яна матывавала тым, што ён замінае працы выбарчай камісіі.

21.09.2012 Светлагорск: назіральнікі вярнуліся на выбарчыя ўчасткі

Выбарчыя ўчасткі былі без назірання з боку дэмакратычных сіл ад некалькіх гадзін да аднаго дня – на меркаванне прадстаўнікоў апазіцыі, гэта павялічыла магчымасці для фальсіфікацый.

21.09.2012 У Магілёве назіральніка ад “Справядлівага свету” хочуць выдаліць з участка

Назіральнік ад Беларускай партыі левых “Справядлівы свет”, прафесар Беларуска-Расейскага ўніверсітэта Валеры Беразіенка кажа, што члены ўчастковай камісіі абвінавацілі яго ў парушэнні артыкула 13 Выбарчага кодэкса, нібыта ён замінае працы камісіі.