Праваабарончы цэнтр «ВЯСНА»

Навіны за 21 верасьня 2012

21.09.2012 Бабруйск: несупадзенне па колькасці прагаласаваўшых у камісіі і назіральнікаў

Кацярына Бярозкіна і Дзмітрый Голуб адзначаюць, што колькасць прагаласаваўшых перманентна не супадае з колькасцю, якую агучвае камісія напрыканцы дня. Гэтыя назіральнікі сцвярджаюць, што нясуць дзяжурства на ўчастку цэлы дзень, і не могуць памыліцца ў лічбах.

21.09.2012 Полацк: на датэрміновае галасаванне заманьваюць ... гароднінай

Сёння ў Полацку каля выбарчых участкаў арганізаваны выязны гандаль сельгаспрадукцыяй. Тыя гараджане, што прыйшлі на датэрміновае галасаванне, могуць заадно набыць гародніну танней.

21.09.2012 АГП, БХД і «Беларускі рух» ацанілі парламенцкую кампанію як горшую за ўсю гісторыю Беларусі

Як адзначыў на прэс-канферэнцыі 21 верасня лідэр АГП Анатоль Лябедзька, ні адна з папярэдніх парламенцкіх кампаній у Беларусі не адпавядала стандартам АБСЕ, але цяперашняя кампанія, на яго думку, з'яўляецца самай горшай.

21.09.2012 Беларускім вязьням даюць камбікорм

Згодна з артыкулам 94 Крымінальна-выканаўчага кодэксу Рэспублікі Беларусь асуджаныя павінны атрымліваць харчаваньне, якое забясьпечвае нармальную жыцьцядзейнасьць арганізму.

21.09.2012 Мінск: трох назіральнікаў ад партыі "Зялёныя" хочуць пазбавіць акрэдытацыі

Адну назіральніцу, па словах Лагуцёнка, хочуць пазбавіць акрэдытацыі за вялікую колькасць пытанняў і скаргаў, яшчэ аднаго назіральніка - за занадта гучныя размовы па тэлефоне, што нібыта замінаюць працы камісіі, а трэцяга - «за кампанію».

21.09.2012 У Пінску запусцілі “інфармацыйную хвалю” за ўдзел у галасаванні

Учора ў Пінску адбыўся адзіны дзень інфармавання з тэматыкай “Выбарчая сістэма Рэспублікі Беларусь. Айчынны і сусветны вопыт”. У межах яго прапагандысцкія групы Брэсцкага аблвыканкам наведалі буйныя прадпрыемствы ААТ “Палессе” і ААТ “Кавліцмаш”, а агітатары з гарвыканкама -- Палескі дзяржуніверсітэт, сярэднія школы №3 і №14 і інш.

21.09.2012 Аўстралійскага тэлежурналіста затрымалі ў аэрапорце «Мінск-2»

Амас Робертс – прадстаўнік аўстралійскага тэлеканала SBS, які меў афіцыйнцю акрэдытацыю пры беларускім МЗС і працаваў тут на працягу тыдня. Журналіст збіраўся выехаць з краіны.

21.09.2012 «Міжнародная амністыя» зрабіла заяву па Беларусі

«Міжнародная амністыя» канстатуе, што ў Беларусі павялічваюцца рэпрэсіі супраць апазыцыі на фоне росту байкоту парламенцкіх выбараў дэмакратычнымі кандыдатамі.

21.09.2012 Светлагорск: колькасць выдаленых назіральнікаў дасягнула 8 чалавек

У Светлагорску агульная колькасць назіральнікаў, якім адмовілі ў праве працягваць назіранне на выбарчых участках, дасягнула 8 чалавек. 21 верасня кандыдат у дэпутаты Сяргей Дайнека накіраваў з гэтай нагоды скаргу ў Цэнтральную выбарчую камісію і Светлагорскую раённую пракуратуру.

21.09.2012 Маладафронтаўца Зміцера Крэмянецкага пакаралі арыштам

21 верасьня суддзя суду Цэнтральнага раёна Менска Міхаіл Есьман асудзіў актывіста адразу па 2 артытулах: 23.4 КаАП (супраціў органам правапарадку) і 17.3 КаАП ( распіццё алкагольных напояў у грамадскім месцы) і пакраў арыштам на 5 сутак.

21.09.2012 Выйшаў даведнік "Падтрымка грамадзянскай супольнасці на Беларусі”

У Даведніку інфармацыя аб 67 беларускіх і замежных фондах і арганізацыях, якія аказваюць фінансавую, інфармацыйную, кансультацыйную, арганiзацыйную і іншыя віды падтрымкі беларускім грамадскім аб’яднанням.

21.09.2012 Баранавічы: датэміновае галасаванне пад пагрозай пазбаўлення стыпендый і месца ў інтэрнаце

Як паведаміў назіральнік Сяргей Гоўша, за тры дні на ўчастку № 21 Баранавіцкай-Усходняй акругі № 6 прагаласавала 801 чалавек, што склала 31, 6% ад спісу. На гэтым участку галасуюць студэнты, якія прапісаныя ва ўніверсітэцкіх інтэрнатах.

21.09.2012 Брэст: студэнтаў тэхнічнага універсітэта таксама прымушаюць галасаваць датэрмінова

Толькі на працягу 19 верасня на згаданым участку прагаласаваў 431 выбаршчык, што з’яўляецца сваеасаблівым рэкордам. Амаль усе, хто прыходзіў у гэты дзень на ўчастак для галасавання, з’яўляюцца студэнтамі БДТУ. Прычым, назіральнікі заўважаюць, што студэнты, як правіла, прыходзяць галасаваць арганізавана і ў той час, калі у іх павінны быць заняткі.

21.09.2012 Івацэвічы: Міліцыянерам загадана прагаласаваць датэрмінова

Намеснік начальніка Івацэвікага РАУС па выхаваўчай працы і жонка пракурора Івацэвіцкага раёна Ларыса Колбік далі каманду прагаласаваць кожнаму супрацоўніку райаддзела да абеда ў першы дзень галасавання, “каб пазбегчы непрыемнасцяў”. Колбік папярэдзіла, што пракантралюе.

21.09.2012 Кандыдат патрабуе сцерці свастыку каля выбарчага ўчастку

"У дзяржаўных СМІ не стамляюцца распавядаць, што выбары – гэта ўсенароднае свята. Дык вось атрымліваецца, што выбаршчыкаў сустракае не плакат, не транспарант і не сцягі ці шарыкі, а трохметровая свастыка на суседнім з выбарчым участкам будынку".