Праваабарончы цэнтр «ВЯСНА»

Навіны за Люты 2012

28.02.2012 Алеся Бяляцкага перавялі ў бабруйскую калонію

Пра гэта паведаміла жонка праваабаронцы Наталля Пінчук, якая 28 лютага наведала менскае СІЗА-1, дзе ён знаходзіўся падчас этапавання.

27.02.2012 Паўторны разгляд адміністратыўнай справы студэнткі БДУ працягнецца 12 сакавіка

Сёньня ў судзе Партызанскага раёну Менска распачаўся паўторны разгляд адміністратыўнай справы студэнткі БДУ Сьвятланы Задзядзюрынай, якую затрымалі каля Чырвонага касьцёла падчас акцыі 19 сьнежня 2011 года. Разгляд справы працягнецца 12 сакавіка.

27.02.2012 Валерый Шчукін выйграў суд

Суд Слуцкага раёна прызнаў вядомага ў краіне праваабаронцу Валерыя Шчукіна невінаватым у справе “імянных рыдлёвак”.

27.02.2012 У Віцебску канцэрт Вайцюшкевіча прайшоў на паддашку

Запланаваны у Віцебскай філармоніі канцэрт Зміцера Вайцюшкевіча 26 лютага быў перанесены ў прыватны клуб.

27.02.2012 Светлагорскія ўлады не будуць ствараць грамадскую камісію па пытаннях будаўніцтва завода беленай цэлюлозы

Завод па вытворчасці сульфатнай беленай цэлюлозы з выпрацоўкай каля 400 тысяч тон у год плануецца пабудаваць за кітайскія інвестыцыі памерам каля 650 мільёнаў даляраў. Гэта не першы канфлікт паміж беларускімі грамадзянамі і ўладамі з-за будаўніцтва прамысловых аб'ектаў, прычым з прыцягненнем кітайскага капіталу.

27.02.2012 У Гародні працягваюць ціснуць на журналістаў

27 лютага а 9-й раніцы незалежнаму журналісту Андрэю Мялешку патэлефанавалі на мабільны тэлефон з абласнога ўпраўлення Камітэту дзяржаўнай бяспекі і запрасілі на “прафілактычную гутарку”. Тэлефанаваўшы прадставіўся маёрам Жукавым.

27.02.2012 У Маладэчне – пратэст супраць інфляцыі (фота)

Наступная з’ява была заўважана ў Маладэчне: на адным са сметнікаў пад надпісам “Месца для збору макулатуры” былі прыклеены дробныя беларускія грошы. Пэўна, нехта хацеў такім чынам выказаць агульныя настроі грамадства: абурэнне абясцэньваннем беларускага рубля.

27.02.2012 Рэха суду над Каваленкам у Першамайскім райсудзе Віцебску

Партыйцы, журналісты, сваякі падсуднага і шараговыя грамадзяне напісалі паўсотні скаргаў на тое, што іх не пусцілі на суд над віцебскім актывістам, які праходзіў з 21 па 24 лютага. “Кніга скаргаў і прапановаў" цяпер запоўненая, трэба заводзіць новую і пісьмова адказваць кожнаму, хто запісаў свае прэтэнзіі.

27.02.2012 Гамяльчукі скардзяцца ў Камітэт па правах чалавека ААН на парушэнне свабоды мірных сходаў

27 лютага гомельскія праваабаронцы Анатоль Паплаўны і Леанід Судаленка накіравалі скаргу ў Камітэт па правах чалавека ААН. Заяўнікі лічаць, што іх правы на свабоду мірных сходаў і выказванне меркаванняў, прадугледжаныя артыкуламі 19 і 21 Міжнароднага пакту аб грамадзянскіх і палітычных правах, былі парушаны беларускімі ўладамі.

27.02.2012 Сёння пераглядаюць справу студэнткі, асуджанай 19 снежня 2011

Папярэдняе рашэнне суда – штраф 25 базавых – было адмененае пасля таго, як дзяўчына падала касацыйную скаргу.

27.02.2012 “Андрэй Саннікаў. Хроніка суднага часу” на YouTube (відэа)

Міні-фільм “Хроніка суднага часу” прысвечаны былому кандыдату ў прэзідэнты Андрэю Саннікаву, які асуджаны на 5 гадоў калоніі ўзмоцненага рэжыму па крымінальнаму артыкулу "масавыя беспарадкі". 8 Сакавіка палітвязень адзначыць за кратамі свой 58-ы дзень народзінаў. Дашлі паштоўку зняволенаму палітыку і падтрымай яго на складаным жыццёвым этапе!

27.02.2012 Гарадзенская пракуратура раздае сакрэтныя… афіцыйныя папярэджанні?

Гражыне Шалкевіч абвешчана афіцыйнае папярэджанне нібыта за працу без афіцыйнай акрэдытацыі. Аднак, даць на рукі пісьмовы дакумент пра гэтае папярэджанне начальнік аддзелу па наглядзе за выкананнем заканадаўства Валерый Павядайка адмовіўся. Просьба журналісткі перапісаць змест і сутнасць папярэджання засталася таксама без задавальнення.

27.02.2012 Наваполацк: Абвешчаны экстрэмістамі без суда і следства

У Наваполацку па мясцовым тэлевізійным канале «ВекторTV» у рамках праграмы навін быў паказаны сюжэт, прысвечаны дзейнасці «ультраправай моладзевай групы». Практычна палова эфірнага часу была прысвечана менавіта наваполацкаму актывісту Дзмітрыю Рыжычэнка.

27.02.2012 Актывіста кампаніі “Гавары праўду” затрымалі ў Слоніме (фота)

У Слоніме 25 лютага грамадскія актывісты кампаніі “Гавары праўду” распаўсюджвалі ўлёткі каля ўваходу на гарадскі рынак. Падчас акцыі да іх падыйшлі двое міліцыянераў і спыталі дакументы. А потым актывіста кампаніі “Гавары праўду” з Мінска Міхася Пашкевіча прывезлі ў Слонімскі РАУС, дзе ён напісаў тлумачальную.