У Маладэчне – пратэст супраць інфляцыі (фота)

Наступная з’ява была заўважана ў Маладэчне: на адным са сметнікаў пад надпісам “Месца для збору макулатуры” былі прыклеены дробныя беларускія грошы. Пэўна, нехта хацеў такім чынам выказаць агульныя настроі грамадства: абурэнне абясцэньваннем беларускага рубля. Распаўсюд падобных настрояў пацьвярджаюць словы касіра адной з мясцовых крамаў Ірыны:

- Апошнім часам я стамілася выслухваць ад людзей, што грошы ўжо не змяшчаюцца ў кашалёк, а купіць на іх можна ўсё менш.

Фота зроблена відавочцам на камеру мабільнага.