Праваабарончы цэнтр «ВЯСНА»

Навіны за Лістапад 2011

28.11.2011 Крупкі: за паказаннямі сведкі мінскія міліцыянты прыйшлі ў нядзельны вечар

У Крупках да Аляксандра Бандарэнкі ў мінулую нядзелю ўвечары каля паловы на восьмую завіталі два супрацоўнікі міліцыі, каб «узяць сведкавыя паказанні». Ён быў сведкам масавага затрымання менскім АМАПам крупскіх мужчын у кафэ «Дарожнае» у ноч з 19 на 20 лістапада.

28.11.2011 "Калі заб'еш невінаватага чалавека, потым гэтага не вярнуць"

Сёньня на офісе “Беларускага Хельсінкскага Камітэта” адбылася прэс-канферэнцыя па пытаньні крымінальнай справы аб тэракце 11 красавіка 2011 года ў Менску ў кантэксце праблемы смяротнага пакарання. Любоў Кавалёва агучыла тэкст свайго адкрытага ліста да прэзідэнта Беларусі.

28.11.2011 З гомельскіх удзельнікаў Народнага сходу дзяржава спаганяе амаль 4,5 мільёны рублёў

Агулам за дзень судовых паседжанняў дзяржава спаганяе з удзельнікаў Народнага сходу ў Гомелі амаль 4,5 мільёна рублёў – на такую суму атрымалі штрафаў пяць жыхароў абласнога цэнтру. Самы буйны штраф – 1 мільён 750 тысяч рублёў - атрымаў Дзмітрый Карашкоў.

28.11.2011 Дэпутатаў азнаёмілі з заключэннем Венецыянскай камісіі адносна артыкулу 193-1 Крымінальнага кодэксу

Чыноўнікі выказалі падзяку за накіраваны ім пераклад Заключэння Еўрапейскай камісіі за дэмакратыю праз права (Венецыянскай камісіі) датычна адпаведнасці артыкулу 193-1 Крымінальнага кодэкса Рэспублікі Беларусь міжнародным стандартам правоў чалавека.

28.11.2011 Заява Абсерваторыі адносна затрымання праваабаронцы Андрэя Палуды

Абсерваторыя па абароне правоў праваабаронцаў распаўсюдзіла тэрміновую заяву адносна затрымання 22 лістапада беларускімі памежнымі службамі праваабаронцы Андрэя Палуды, падчас якога былі канфіскаваны дзесяць асобнікаў сумеснага выдання ПЦ “Вясна” і БХК “Прэзідэнцкія выбары 2010: Вынікі незалежнага назірання”.

28.11.2011 Баранавічы: глыбока дыхаць ля гарвыканкама таксама забараняецца

Баранавіцкі гарвыканкам не задаволіў заяўку індывідуальнага прадпрымальніка Мікалая Чарнавуса з просьбай падыхаць дзве гадзіны ў цэнтры горада. Гэта стала вядома з ліста за подпісам кіраўніка справамі гарвыканкама Мікалая Хітрыка, якое атрымаў заяўнік.

28.11.2011 У Віцебскім абласным судзе разглядалі скаргу пра забарону пікетаў

Паводле судовага рашэння, тром віцебскім актывістам, якім на працягу году не дазволілі правесці ніводнага пікету, адміністрацыя Чыгуначнага раёну адмаўляла на законных падставах, што і пацвердзіў 14 кастрычніка Чыгуначны райсуд. Абскардзіць гэта не ўдалося. Але судовая калегія падкрэсліла, што новы закон пра масавыя мерапрыемствы можа паспрыяць у вырашэнні праблем з аховай пікетаў і абслугоўваннем міліцыяй і ЖКГ.

28.11.2011 Замест пракуратуры на скаргу адказаў РАУС

Паўтары месяцы чакаў адказу з пракуратуры Карэліцкага раёна кіраўнік слонімскай суполкі БНФ Іван Шэга. У пракуратуру ён звярнуўся пасля таго, як 8 кастрычніка па дарозе са Слоніма на Мінск яго затрымалі супрацоўнікі ДАІ Карэліцкага РАУС. Іх дзеянні актывіст палічыў незаконнымі і абскардзіў у пракуратуру.

28.11.2011 Гомель: у дзень уступлення ў сілу паправак у закон аб масавых мерапрыемствах актывісты звярнуліся ў суд

Адказнікамі будуць выступаць не толькі Гомельскі гарвыканкам, які забараніў актывістам Уладзіміру Сякерку, Васілю Палякову і Валерыю Клімаву правесці ў абласным цэнтры мітынг, але таксама АУС адміністрацыі Чыгуначнага раёна і Цэнтральная гарадская паліклініка Гомеля, паведамляе “Гомельская вясна”.

28.11.2011 За права быць беларусам у сваёй краіне

Беларускамоўныя беларусы вырашылі ініцыяваць скліканне кангрэса ў сувязі з дыскрымінацыяй беларускамоўных беларусаў у роднай краіне, грубага парушэння з боку ўладаў шэрагу артыкулаў Канстытуцыі Рэспублікі Беларусь, знявагай нацыянальнай годнасці беларусаў і права карыстацца роднай мовай.

28.11.2011 У Гомелі ўдзельнікі Народнага сходу аштрафаваныя

28 лістапада суд Чыгуначнага раёна Гомеля разгледзеў адміністратыўныя пратаколы, складзеныя супрацоўнікамі міліцыі на ўдзельнікаў Народнага сходу, які адбыўся 8 кастрычніка.

28.11.2011 Абсерваторыя па абароне правоў праваабаронцаў асуджае пераслед Валянціна Стэфановіча

“Абсерваторыя рашуча асуджае факты судовага пераследу супраць сп. Стэфановіча, мэтай якога з’яўляецца спыненне ягонай праваабарончай дзейнасці, і заклікае прытрымлівацца стандартаў справядлівага суда”, — гаворыцца ў тэрміновай заяве Абсерваторыі па абароне правоў праваабаронцаў, распаўсюджанай напярэдадні двух слуханняў па справе аб нявыплаце Валянцінам Стэфановічам падаткаў, якія маюць адбыцца 2 снежня 2011 года.

28.11.2011 Начальнік СІЗА адказаў на скаргу Зміцера Дашкевіча

Начальнік віцебскага СІЗА-2 пісьмова адказаў на скаргу палітвязня Зміцера Дашкевіча, паведаміўшы, што 45 лістоў, якія палітвязень адсылаў розным адрасатам, зафіксаваныя ў адпаведных журналах турмы і ў свой час былі дасланыя. Між тым, ніводны напісаны Зміцерам у віцебскім СІЗА-2 ліст да адрасатаў так і не дайшоў.

28.11.2011 Міжнародны ПЭН-клюб асудзіў прысуд Бяляцкаму

Камітэт Міжнароднага ПЭН-клюбу “Пісьменьнікі ў няволі” асудзіў турэмны вырак Алесю Бяляцкаму.

28.11.2011 Крупкі: участковы не пацвердзіў «удар нагой у твар»

28 лістапада ў Крупках прайшло паседжанне суда ў дачыненні да апошняга фігуранта масавых затрыманняў, якія мелі месца ў раённым цэнтры 18 і 19 лістапада. Аляксандр Шыгураў, якога абвінавачвалі ў непадпарадкаванні міліцыі і ў тым, што ён нанёс удар нагой у твар участковаму інспектару Чэпянцу, апраўданы.