Праваабарончы цэнтр «ВЯСНА»

Навіны за Ліпень 2011

25.07.2011 Партыя БНФ пакінула свой офіс у цэнтры Мінска

Партыя БНФ развіталася са сваім офісам у цэнтры Мінска. Пасля судовых спрэчак з камунальнікамі ўлады прамусілі партыю з’ехаць з «выспы сваободы», якая праіснавала 20 год.

25.07.2011 Лісты ад Аляксандра Класкоўскага-малодшага ідуць да 12 дзён

Карэспандэнцыя Аляксандра Класкоўскага, асуджанага па справе аб масавых беспарадках у Мінску 19 снежня, даходзіць з калоніі ў Шклове выбарачна і са спазненнем. Пра гэта паведаміў яго бацька, журналіст Аляксандр Класкоўскі.

25.07.2011 Фільм “Прычына смерці – прочырк” прэзентуецца ў Беларускім Доме правоў чалавека

У Беларускім Доме правоў чалавека ў Вільні праходзіць серыя прэзентацый дакументальнага фільма “Прычына смерці - прочырк” пра праблему смяротнага пакарання ў Беларусі. Падчас прэзентацый праходзяць дыскусіі, дзе стваральнікі фільма і праваабаронцы абмяркоўваюць з гасцямі пытанне смяротнага пакарання. Прагляд фільма адбудзецца сёння, 25 ліпеня, і пачнецца ў 20:30. Наступная прэзентацыя - 3 жніўня. Да ўдзелу запрашаюцца ўсе жадаючыя.

25.07.2011 Камітэт па правах чалавека ААН прызнаў парушэнне правоў заснавальнікаў “Грамадзянскай альтэрнатывы” (+тэкст Меркаванняў Камітэта)

Гомельскія грамадскія актывісты Уладзімір Кацора, Леанід Судаленка і Ігар Нямковіч, якім у 2004 годзе было адмоўлена ў рэгістрацыі грамадскага аб’яднання “Грамадзянская альтэрнатыва”, азнаёміліся з Меркаваннямі Камітэта па правах чалавека ААН, куды яны звярталіся з адпаведным паведамленнем у 2005 годзе.

25.07.2011 Брэсцкі абласны суд не задаволіў скаргу Алеся Леўчука

Суд пакінуў без зменаў рашэнне, прынятае на карысць газеты "Знамя Юности".

25.07.2011 “Супрацоўнік МУС не мусіць думаць інакш, як улада”

Пасля таго, як Максім Плятнёў, супрацоўнік Дэпартаменту аховы МУС РБ Ленінскага раёну Гародні, сказаў свайму начальству, што ён найперш грамадзянін сваёй краіны і мае права на ўласную думку, яму проста прапанавалі звольніцца па згодзе бакоў. Так яшчэ адзін гарадзенец стаў беспрацоўным.

25.07.2011 Месцазнаходжанне Змітра Бандарэнкі невядомае

Дзмітрыя Бандарэнку, які сёння раніцай быў дастаўлены ў бальніцу, павезлі ў невядомым напрамку людзі ў цывільным.

25.07.2011 У Гародні ўдзельнікі акцый маўклівага пратэсту пачалі абскарджваць прысуды

Гарадзенскія ўдзельнікі маўклівых акцый пратэсту Аляксей Аляксандраў і Ігар Грыгалец, асуджаныя на 1 050 000 і 875 000 беларускіх рублёў адпаведна, ужо падалі скаргі ў Гарадзенскі абласны суд. Таксама абскарджвае рашэнне раённага суда Канстанцін Каплін, удзельнік акцыі з пратэзам рукі, які, па словах міліцыянтаў, нібыта пляскаў у ладкі.

25.07.2011 Ежы Бузэк: абыходжанне з Бандарэнкам - агіднае і бесчалавечнае

Кіраўнік Еўрапарламента Ежы Бузэк асудзіў дзеянні беларускіх уладаў у дачыненні да палітвязня.

22.07.2011 У Напаволацку за акцыю 20 ліпеня давалі папярэджаньні і штрафы (абноўлена)

Сёньня ў судзе горада Наваполацка адбыліся судовыя паседжаньні па адміністратыўных справах грамадзянаў, затрыманых пасьля акцыі 20 ліпеня. Юрый Рудкоўскі атрымаў штраф у 3 базавыя велічыні, ягонай маці, Людміле Рудкоўскай суд вынес папярэджаньне.

22.07.2011 Ці стане «катаванне» злачынствам у Беларусі?

Міністэрства ўнутраных спраў Рэспублікі Беларусь выступае за ўвядзенне ў Крымінальны Кодэкс Рэспублікі Беларусь вызначэння тэрміна «катаванне». Інфармацыю аб гэтым атрымала ў адказ на свой зварот выпускніца «Адукацыйнага курсу па правах чалавека» Ксенія Дубіцкая.

22.07.2011 Мінгарсуд не задаволіў касацыйныя скаргі яшчэ шасці фігурантаў справы 19 снежня

Мінскі гарадскі суд пакінуў без задавальнення касацыйныя скаргі яшчэ шасці фігурантаў крымінальнай справы аб масавых беспарадках 19 снежня — Уладзіміра Лобана, Андрэя Федаркевіча, Дзмітрыя Дароніна, Сяргея Казакова, Яўгена Сакрэта і Віталя Мацукевіча. Такое рашэнне прыняла 22 ліпеня калегія Мінгарсуда пад старшынствам Уладзіміра Сцяпуркі.

22.07.2011 26 ліпеня БНФ будуць прымусова высяляць з офіса

Ліст аб высяленні прыйшло ў офіс Партыі БНФ. У ім гаворыцца пра тое, што кіраўніцтва партыі павінна прадаставіць бесперашкодны доступ у памяшканне работнікаў ЖРЭА.

22.07.2011 Анатоль Паплаўны міністру юстыцыі : “Суддзя, якая мяне судзіла, надалей не мае права ажыццяўляць правасуддзе”

Праваабаронца Анатоль Паплаўны просіць міністра юстыцыі Віктара Галаванава даць прававую ацэнку дзеянням суддзі суду Цэнтральнага раёна Гомеля пры ажыццяўленні службовых паўнамоцтваў. У прыватнасці, Паплаўнага цікавіць, чаму суддзя не прыняла пад увагу практычна не запоўнены пратакол аб адміністратыўным правапарушэнні, паводле якога ён быў асуджаны на 15 сутак арышту.

22.07.2011 Прысуды Някляеву, Дзьмітрыеву ды іншым удзельнікам Плошчы пакінулі бязь зьменаў

22 ліпеня Менскі гарадзкі суд пакінуў у сіле прысуды Ўладзімеру Някляеву, Андрэю Дзьмітрыеву, Аляксандру Фядуце, Натасьсі Палажанцы, Віталю Рымашэўскаму, Сяргею Вазьняку, Уладзімеру Лобану, Алегу Федаркевічу, Яўгену Сакрэту, Сяргею Казакову, Дзьмітрыю Дароніну, Віталю Мацукевічу.