Праваабарончы цэнтр «ВЯСНА»

Навіны за Кастрычнік 2010

27.10.2010 Гродна: На адзін пікет – пяць машын з міліцыяй

Грамадскія актывісты Зміцер Бандарчук і Алег Калінкоў вывесілі расцяжку з партрэтам Някляева на гродзенскім старым мосце. Там жа яны збіралі подпісы ў падтрымку свайго прэтэндэнта ў кандыдаты ў прэзідэнты. Праз 15 хвілін да пікетоўшчыкаў пад’ехала ажно 5 аўтамашын, у якіх былі і міліцыянты з аўтаматамі.

27.10.2010 Мінск: Сябру ініцыятыўнай групы Саннікава звольнілі з працы

Дырэктар мінскага заапарку, дзе на працягу года працавала Ірына Пятрова, паведаміў ёй, што ў бюджэце ўстановы няма грошай, каб плаціць заробак дадзенай супрацоўніцы.

27.10.2010 Магілёў: У раённым выбаркаме ў рэгістрацыйным журнале запісы робяць алоўкам

У Магілёўскай раённай выбарчай камісіі пры прыёме падпісных лістоў частка графаў у рэгістрацыйным журнале запаўняецца алоўкам. Пра гэта паведамляе сябра ініцыятыўнай групы Андрэя Саннікава Таццяна Шамбалава.

27.10.2010 Мазыр: Дакумент бясследна знік з сайта райвыканкама

Пасля публікацыі “Праваабаронцаў за свабодныя выбары” матэрыяла пад назвай “Вертыкальшчыкі ўпаўнаважылі сябе складаць пратаколы аб парушэнні выбарчага заканадаўства”, рашэнне Мазырскага выканкама бясследна знікла з сайта райвыканкама.

27.10.2010 "Аршанская газета" няўмела працуе над памылкамі

Ужо пісалася пра казус, які меў месца ў Оршы. Сутнасць у тым, што Аршанскі гарвыканкам, змяняючы межы ўчасткаў, унёс змены не ва ўчасткі па выбарах прэзідэнта, а ва ўчасткі па выбарах у мясцовыя Саветы, якія прайшлі ўвесну.

27.10.2010 Лельчыцкае “Светлае жыццё”, а хто ж сыйшоў першым?

У паведамленні расказваецца, як яшчэ адзін прэтэндэнт на пост прэзідэнта Беларусі, Сяргей Рыжоў, заявіў аб спыненні збору подпісаў і сыходзе з выбарчай кампаніі. Хто сышоў першым з дыстанцыі - для чытачоў застаецца загадкай.

27.10.2010 Баранавічы: Назіральнік Сяргей Гоўша накіраваў заяву ў ТВК

Сяргей Гоўша заявіў пра жаданне прысутнічаць пры правядзенні праверак Баранавіцкай ТВК сапраўднасці подпісаў выбаршчыкаў у падпісных лістах. Таму назіральнік просіць камісію загадзя паведамляць яму па тэлефоне не толькі пра дзень і час пасяджэнняў выбарчай камісіі, але і пра месца і час правядзення праверак падпісных лістоў.

27.10.2010 У Магілёў Някляеў прыехаў з празрыстай скрыняй

26 кастрычніка Магілёў наведаў прэтэндэнт на пасаду прэзідэнта Уладзімір Някляеў. На працягу больш чым гадзіны ён размаўляў з магілёўцамі і адказваў на іх пытанні.

27.10.2010 Магілёў: Назіранне расцэньваецца як умяшальніцтва ў працу камісіі

Наведванне праваабаронцам Барысам Бухелем Кастрычніцкай раённай выбарчай камісіі 11 і 15 кастрычніка расцэнена як прамое ўмяшальніцтва ў працу гэтай камісіі. Гэта вынікае з адказу Магілёўскай абласной выбарчай камісіі на скаргу праваабаронцы адносна адсутнасці адзінай працэдуры рэгістрацыі падпісных лістоў.

27.10.2010 Аршанскія раённыя чыноўнікі масава запісаліся ў ініцыятыўную групу Лукашэнкі

Цалкам процілеглая сітуацыя па горадзе Орша. Тут у складзе групы наогул няма ні аднаго кіраўніка навучальнай установы або прадпрыемства.

27.10.2010 Віцебская міліцыя не знайшла таго, хто збіў Андрэя Лядоўскага

Пра гэта пацярпеламу збіральніку подпісаў паведаміў супрацоўнік Першамайскага РАУС Віцебску. Але актывіст збіраецца настойваць, каб хулігана ўсё ж адшукалі.

27.10.2010 Гродна: Ва ўчастковыя камісіі вылучаюць цэлымі спісамі

Па некаторых дамах зафіксаваныя выпадкі, што да людзей прыходзяць і прапаноўваюць падпісацца за вылучэнне ў склад участковай камісіі вялікага спісу чалавек – патэнцыйна цэлага яе складу.

27.10.2010 Бабруйск: Супрацоўнікам структураў МНС і МУС забаронена падпісвацца за апазіцыйных прэтэндэнтаў

Сябры ініцыятыўных групаў даволі часта сутыкаюцца з праблемай, калі бабруйчане жадаюць пакінуць подпіс, але баяцца.

27.10.2010 Брэст: На пікетах па збору подпісаў акрамя рэальных прэтэндэнтаў з'явіліся віртуальныя

У некалькіх месцах у горадзе можна было бачыць і іншага прэтэндэнта - Уладзіміра Някляева. Праўда, пакуль гаворка ідзе не пра самога лідэра грамадзянскай кампаніі "Гавары праўду!", а яго "віртуальную" выяву, выкананую ў поўны рост.

27.10.2010 Барысаў: Забаранілі назіраць

Назіральнікі ў Барысаўскай ТВК Марына Статкевіч і Алег Мацкевіч атрымалі сёння адказ на свае звароты ў Барысаўскую тэрытарыяльную выбарчую камісію з просьбай дазволіць ім назіраць за працэдурай праверкі сапраўднасці сабраных за патэнцыйных кандыдатаў на прэзідэнцкі пост подпісаў.