Праваабарончы цэнтр «ВЯСНА»

Навіны за 19 кастрычніка 2010

19.10.2010 У першай мінскай школе настаўнікаў абавязалі збіраць подпісы

Як стала вядома, адміністрацыя сярэдняй школы №1, якая месціцца ў Кастрычніцкім раёне сталіцы, загадала кожнаму настаўніку школы прынесці па 16 подпісаў за Аляксандра Лукашэнку.

19.10.2010 У Малечы адміністрацыі ўстановаў падпісваюць падначаленых за Лукашэнку

У мястэчку Малеч Бярозаўскага раёна падчас збору подпісаў за вылучэнне кандыдатам у прэзідэнты А.Лукашэнкі выкарыстоўваецца адміністрацыйны рэсурс. Напрыклад, загадчык Малецкай сельскай бальніцы Аляксандр Серада наказвае асабіста кожнаму супрацоўніку бальніцы прынесці пашпарт і ў яго кабінеце паставіць подпіс за Лукашэнку.

19.10.2010 “Рассакрэчаны” месцы працы сяброў Мінскай раённай камісіі

Зараз можна пабачыць, што ў спісе раённай камісіі шэсць чалавек з трынаццаці -- супрацоўнікі розных службаў райвыканкама, ад сацыяльнай да ідэалагічнай, вылучаныя ў тым ліку і шляхам збору подпісаў ад грамадзян.

19.10.2010 Берасцейшчына: Грамадзян пераконваюць у правільнасці цяперашняга курсу развіцця дзяржавы

21 кастрычніка ў Брэсцкай вобласці адбудзецца адзіны дзень інфармавання насельніцтва. У гэты дзень інфармацыйна-прапагандысцкія групы выканаўчых камітэтаў насельных пунктаў вобласці правядуць сустрэчы ў працоўных калектывах і з насельніцтвам па месцы жыхарства. Тэма сустрэчаў – “Усебеларускі народны сход – досвед дэмакратыі”.

19.10.2010 Збіральніцу подпісаў не пусцілі ў інтэрнат Віцебскага камбіната хлебапрадуктаў

Алена Шабуня збіраецца праверыць, ці насамрэч існуе такое рашэнне, ці гэта прыватная ініцыятыва адміністрацыі хлебакамбінату. Пакуль што яна падала скаргу ў абласную выбарчую камісію.

19.10.2010 Бабруйск: Цікавасць да пікетаў не спадае

Бабруйскія сябры ініцыятыўных групаў прэтэндэнтаў у кандыдаты адзначаюць, што жыхары горада па-ранейшаму цікавяцца пікетамі - задаюць пытанні, падпісваюцца. Але асаблівую ўвагу ў выбаршчыкаў выклікаюць візіты ў горад саміх прэтэндэнтаў ці іх папулярных калегаў.

19.10.2010 У Добрушы ўжо ацанілі выбары як "дэмакратычныя і празрыстыя"

Зараз толькі ідзе збор подпісаў за магчымых кандыдатаў у прэзідэнты, а ў Добрушы ўжо ацанілі выбары як «дэмакратычныя і празрыстыя». Артыкул з такім загалоўкам з'явіўся ў раённай газеце «Добрушскі край».

19.10.2010 Беларускія эколягі не задаволеныя плянамі разьвіцьця Нарачанскага краю.

Яны спадзяюцца, што да іх меркаваньня ўсё ж прыслухаюцца.

19.10.2010 Салігорск: "Аператыўнасць" мясцовых уладаў выклікае здзіўленне

Інтэрнэт-старонка Салігорскага райвыканкама, прысвечаная выбарам прэзідэнта, істотна абнавілася. Адпаведная рубрыка папоўнілася дакументамі, большасць з якіх былі актуальнымі акурат месяц таму. А насамрэч актуальнай інфармацыі аб утварэнні ўчасткаў для галасавання на сайце дагэтуль няма.

19.10.2010 ЦВК: Прапанова праваабаронцаў можа быць разгледжана пры далейшым удасканаленні выбарчага заканадаўства

19 кастрычніка Сяргей Гоўша і Карней Пятровіч атрымалі адказ з ЦВК за подпісам Лідзіі Ярмошынай. Баранавіцкія праваабаронцы звярталіся ў Цэнтрвыбаркам з нагоды таго, што два сябры гарадской ТВК уваходзяць у ініцыятыўную групу А.Лукашэнкі, і прапаноўвалі ўнесці адпаведныя змены ў заканадаўства, каб забяспечыць роўныя прававыя магчымасці перадвыбарчай дзейнасці ўсім прэтэндэнтам на пасаду прэзідэнта.

19.10.2010 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі.

19.10.2010 Што трэба ведаць журналісту, які асвятляе выбары?

Беларуская асацыяцыя журналістаў звяртае ўвагу на адпаведны раздзел у рубрыцы «Прэса і выбары», якая з нядаўняга часу працуе на сайце арганізацыі.

19.10.2010 Барысаў: Прадпрымальнікі смяюцца над спробай "пакупкі галасоў"

Прадпрымальнікі барысаўскіх рынкаў з сарказмам ўспрымаюць ідэю мясцовага выканкаму аб стварэнні так званага Савета па развіцці прадпрымальніцтва. ІП-шнікі трактуюць гэтую ініцыятыву як спробу ўлады "купіць" іх галасы.

19.10.2010 Мікалай Дзядок ня ведае, калі адбудзецца суд

Мікалай Дзядок, якому 1 кастрычніка прад’явілі абвінавачваньне ва ўдзеле ў акцыі каля генштаба Міністэрства абароны супраць беларуска-расейскіх вайсковых вучэнняў «Захад–2009» дагэтуль ня ведае, калі адбудзецца суд.

19.10.2010 Віцебск: Затрымалі зборшчыка подпісаў Алеся Галаваня

Прычына затрымання для А.Галаваня засталася незразумелай: яму патлумачылі, што ён нібыта падазраецца ў крымінальным злачынстве. Але чамусьці забралі менавіта бел-чырвона-белы сцяг “у якасці рэчавага доказу”.