Праваабарончы цэнтр «ВЯСНА»

Навіны за 27 верасьня 2010

27.09.2010 Гомель: Апазіцыя не трапіла ў абласны выбаркам

Улады выканалі і перавыканалі квоту: прадстаўнікі палітычных партый і грамадскіх аб'яднанняў у сфармаванай камісіі склалі нават 2/3. Яе сябрамі сталі тыя ж людзі, што працавалі там і на выбарах у мясцовыя Саветы 26 склікання. Цікава, што працуючы на кіруючых пасадах, яны прайшлі ў камісію як прадстаўнікі грамадскіх аб'яднанняў.

27.09.2010 Беларусь можа вярнуцца да непрынятых рэкамендацый ААН

Тое, што Беларусь не прыняла 18 рэкамендацый ААН, не азначае, што дзяржава да іх не вернецца і што яны не могуць быць выкананы. Аб гэтым паведаміў у эфіры тэлеканала АНТ пастаянны прадстаўнік Беларусі пры міжнародных арганізацыях у Жэневе Міхаіл Хвастоў.

27.09.2010 Арыштаваны на 10 сутак Жукоўскі галадае за кратамі

Гомельскі актывіст Кастусь Жукоўскі, арыштаваны на 10 сутак Петрыкаўскім раённым судом нібыта за лаянку й супраціў міліцыі, трымае галадоўку.

27.09.2010 Ініцыятыўная група Лукашэнкі ў Маладэчне была сфармавана прымусова

Маладэчанскіх настаўнікаў прымусова запісвалі ў ініцыятыўную групу кандыдата Лукашэнкі. Па школах, як заўсёды, зверху была спушчана разнарадка, колькі настаўнікаў трэба вылучыць для збору подпісаў за патрэбнага кандыдата. Па словах намесніцы дырэктара адной з маладэчанскіх школаў, сёлета гэта было як ніколі складана.

27.09.2010 Працягваюцца затрыманьні актывістаў па падазрэньні ў падпале расійскай амбасады ў Мінску

25 верасьня стала вядома пра яшчэ аднаго затрыманага актывіста: Ігара Трухановіча. Паводле словаў ягоных бацькоў, Ігара напярэдадні затрыманьня выклікалі на «размову», дахаты ён гэтак і ня вернуўся. У тэлефоннай размове з дзяжурным ІЧУ на вуліцы Акрэсьціна бацькам паведамілі, што Ігар сапраўды знаходзіцца ў іх, ён затрыманы да 27 верасьня па арт. КК РБ 339 (хуліганства). Болей інфармацыі супрацоўнік ІЧУ даць адмовіўся.

27.09.2010 Баранавічы: Толькі “Справядлівы свет” вылучыў прадстаўніка ў склад гарадской выбарчай камісіі

Нягледзячы на тое, што ў Баранавічах дзейнічаюць мясцовыя суполкі Партыі БНФ, дзвюх сацыял-дэмакратычных партыяў, АГП, ініцыятыўная група БХД, але толькі ад партыі левых “Справядлівы свет” вылучаны прадстаўнік у склад гарадской тэрытарыяльнай выбарчай камісіі. Ім стаў актыўны партыец Віктар Цяпін, які неаднаразова балатаваўся кандыдатам у дэпутаты Палаты прадстаўнікоў, а таксама гарадскога Cавета дэпутатаў.

27.09.2010 Гародня: Суд над прафесарам Алесем Астроўскім і грамадскім праваабаронцам Уладзімірам Хільмановічам не адбыўся

23 верасня ў Гародні меўся адбыцца суд над ведамым навукоўцам, прафесарам Алесем Астроўскім і ягонай жонкай Аксанай, а таксама грамадскім праваабаронцам і журналістам Уладзімірам Хільмановічам. На іх былі заведзены адміністрацыйныя справы за арганізацыю пікета ў абарону беларускага школьніцтва, які быў зладжаны 2 верасня перад будынкам гарвыканкаму.

27.09.2010 Яраслава Грышчэню пратрымалі ў пастарунку ўсю ноч

Уначы 25 верасьня ў Менску быў затрыманы маладафронтавец, лідэр праекту “Avangard People” Грышчэня Яраслаў.

27.09.2010 Орша: Прадстаўнікі апазіцыі вылучаныя ў тэрытарыяльныя камісіі

На Аршаншчыне скончыўся працэс вылучэння прадстаўнікоў партый, арганізацый, працоўных калектываў і грамадзян у тэрытарыяльныя камісіі.

27.09.2010 Бабруйск: Алену Мядзведзеву будзе дапытваць мінскі міліцыянт

Бабруйскую актывістку, якая падтрымлівае Уладзіміра Някляева, па тэлефоне выклікалі на допыт 27 верасня ў якасці сведкі. Пры гэтым Алену Мядзведзеву папрасілі перадаць аналагічныя запрашэнні мужу Сяргею Сініцкаму, дачцэ Вераніке Папко і суседцы Алене Чарновай.

27.09.2010 Магілёў: Агучаны планы збору подпісаў за кандыдатаў

План, які стаіць перад ініцыятыўнай групай кандыдата ў кандыдаты ў Прэзідэнты Рэспублікі Беларусь Уладзіміра Някляева, паведаміў каардынатар кампаніі “Гавары праўду!” у Магілёве і кіраўнік яго выбарчага штаба Сяргей Лапуцін.

27.09.2010 Гомельшчына: «Калектыўны партрэт» каманды Кастусёва

Намеснік старшыні Партыі БНФ Рыгор Кастусёў – адзін з прэтэндэнтаў у кандыдаты ў Прэзідэнты Беларусі. Як выглядае «калектыўны партрэт» каманды, якая будзе збіраць подпісы за яго ў Гомельскай вобласці?

27.09.2010 Гомельшчына: «Калектыўны партрэт» каманды Рымашэўскага

Сярод тых, хто плануе вылучацца кандыдатам у Прэзідэнты – Віталь Рымашэўскі, сустаршыня арганізацыйнага камітэта партыі «Беларуская Хрысціянская дэмакратыя» (БХД). На Гомельшчыне каардынатарам будучай ініцыятыўнай групы В. Рымашэўскага з’яўляецца адзін з сябраў БХД Юрый Клімовіч.

27.09.2010 Астравец: Іван Крук не здолеў патрапіць у будучую ініцыятыўную групу Лукашэнкі

Спроба грамадска-палітычнага актывіста Івана Крука адшукаць сляды будучай ініцыятыўнай групы па зборы подпісаў за Аляксандра Лукашэнку скончылася нічым.