Навіны за 27 верасьня 2010
27.09.2010 Удзельнікі Форуму праваабаронцаў: Становішча з правамі чалавека ў Беларусі застаецца недапушчальна кепскім і патрабуе сістэмных захадаў па выпраўленні
Удзельнікамі ІІ Беларускага праваабарончага форуму былі ўхвалены два вельмі важных дакументы: Стратэгія беларускага праваабарончага руху “Правы чалавека 2010: гарызонты будучыні” і Рэзалюцыя «Становішча з правамі чалавека ў Беларусі застаецца недапушчальна кепскім і патрабуе сістэмных захадаў па выпраўленні».
27.09.2010 Барысаў: Хто ўвайшоў у склад раённай выбарчай камісіі?
Раніцай 27 верасня адбылося сумеснае паседжанне прэзідыума раённага Савета дэпутатаў і раённага выканаўчага камітэта па фарміраванні Барысаўскай раённай тэрытарыяльнай выбарчай камісіі. Аб персанальным складзе камісіі будзе вядома толькі ў сераду. На дадзены момант ёсць інфармацыя толькі аб тым, што з 19 прэтэндэнтаў адабраны 13. З вялікай цяжкасцю аднаму з прэтэндэнтаў на сяброўства ў камісіі, дэмакратычнаму актывісту Алегу Мацкевічу ўдалося даведацца, хто і якім шляхам вылучаўся ў склад камісіі.
27.09.2010 Пінск: У гарадской камісіі прадстаўнікоў палітычных партый не будзе
Варта адзначыць адсутнасць прадстаўнікоў палітычных партыяў у пінскай гарадской камісіі. Адмову ва ўключэнні ў склад камісіі атрымалі прадстаўнік апазіцыйнай партыі “Справядлівы свет” і праўладнай Камуністычнай партыі Беларусі.
27.09.2010 На прадпрыемствы Бярозаўшчыны зачасцілі інфармацыйна-прапагандысцкай групы
У Бярозаўскім райвыканкаме вонкава (у выглядзе нагляднай інфармацыі) нічога пакуль не нагадвае пра будучыя выбары. Затое на прадпрыемствах часцейшымі сталі сустрэчы працоўных калектываў з “інфармацыйна-прапагандысцкімі групамі” “ў рамках адзінага дня інфармавання насельніцтва”.
27.09.2010 Магілёў: Мясцовыя ўлады дэманструюць адкрытасць
“У Магілёўскім гарвыканкаме нам далі план, пазначылі месца і час, дзе і калі будуць праведзены сумесныя пасяджэнні кіраўніцтва Магілёўскага гарвыканкама і Прэзідыума гарадскога Савета дэпутатаў, а таксама кіраўніцтва Магілёўскага аблвыканкама і Прэзідыума абласнога Савета дэпутатаў па фарміраванні раённых камісій”, - гаворыць праваабраронца Барыс Бухель.
27.09.2010 Слуцк: Сябра БХК будзе прысутнічаць на паседжанні па фармаванні раённай камісіі
Паседжанне адбудзецца 28 верасня ў Слуцкім райвыканкаме. Як паведаміў Віталь Амяльковіч, ліст за подпісам старшыні выканкаму Уладзіміра Даманеўскага ён атрымаў 25 верасня.
27.09.2010 Сетка дамоў правоў чалавека заклікае беларускія ўлады выконваць міжнародныя стандарты ў галіне правоў чалавека
22-23 верасня ў Вільні адбылася Штогадовая сустрэча Сеткі дамоў правоў чалавека - форума супрацоўніцтва паміж існуючымі і ствараемымі Дамамі правоў чалавека, якія аб'ядноўваюць 70 НДА ў 15 краінах. Удзельнікамі Штогадовай сустрэчы СДПЧ у Вільні сталі праваабаронцы з 17 краін.
27.09.2010 Гродзенская міліцыя склала пратакол на Хрысціну Шацікаву
Супрацоўнікі гродзенскай міліцыі склалі пратакол аб адміністрацыйным правапарушэнні ў дачыненні да магілёўскай праваабаронцы грамадскай кампаніі “Наш дом” Хрысціны Шацікавай.
27.09.2010 Гарадзеншчына: Грамадска-палітычныя актывісты ў чаканні фармавання тэрытарыяльных выбарчых камісій
Гарадзенскія грамадска-палітычныя актывісты чакаюць інфармацыі пра дзень і час правядзення пасяджэнняў выканкамаў па фармаванні тэрытарыяльных выбарчых камісій. Колькасць вылучэнцаў у іх ад дэмакратычных партый параўнальна невялікая.
27.09.2010 Апазіцыя не будзе прадстаўлена і ў гарадской камісіі Оршы
Нягледзячы на тое, што ў склад гэтай камісіі было вылучана 5 прадстаўнікоў апазіцыі, ні водны з іх уключаны ў камісію не быў. Больш таго, іх кандыдатуры нават не выносіліся на абмеркаванне. Начальнік аддзела арганізацыйна-кадравай працы Аршанскага гарвыканкама Віктар Калачоў зачытаў ўдзельнікам паседжання прапанаваны спіс з 13 чалавек, за які ўсе члены выканкама і прэзідыума Савета дэпутатаў аднагалосна прагаласавалі. Аб тым, што ў склад камісіі прэтэндуюць і іншыя кандыдатуры, на агульным паседжанні не паведамлялася.
27.09.2010 Мазыр: Праваабаронца наракае на абмежаванасць інфармацыі пра выбарчы працэс
27 верасня мазырскі праваабаронца Уладзімір Целяпун, удзельнік кампаніі “Праваабаронцы за справедлівыя выбары”, меў сустрэчу з кіраўніком справамі Мазырскага райвыканкаму М. Пашынскім. Нагодай для візіта праваабаронцы з’явілася немагчымасць яго прысутнасці на сумесным паседжанні членаў райвыканкама і Прэзідыума райсавета па ўтварэнні Мазырскай раёнай выбарчай камісіі па выбарах прэзідэнта - з-за абмежавай інфармаванасці грамадства аб месцы і часе паседжання.
27.09.2010 Салігорск: Дэмсілы не вылучалі сваіх прадстаўнікоў у тэрытарыяльную камісію
Па папярэдняй інфармацыі, прадстаўнікоў сваёй ініцыятыўнай групы ў Салігорску маюць Сяргей Гайдукевіч, Юры Глушакоў, Рыгор Кастусёў, Аляксандр Лукашэнка, Алесь Міхалевіч, Уладзімір Някляеў, Яраслаў Раманчук, Віталь Рымашэўскі, Андрэй Саннікаў. Але ніводны з штабоў патэнцыйных кандыдатаў у рэгіёне не паклапаціўся пра тое, каб мець сваіх прадстаўнікоў у складзе Салігорскай тэрытарыяльнай камісіі.
27.09.2010 Мазыр: У грамадзянаў не прынялі заяву на вылучэнне свайго прадстаўніка ў склад выбаркаму
25 верасня, каля 9.30 – 10.00 раніцы, адзін з групы грамадзянаў Рыгор Крывіцкі прынёс у райвыканкам рэгістраваць заяву, але яна не была прынятая. У кабінеце №101, які працуе па прынцыпу “адно вакно”, яму адказалі, што такія заявы там не рэгіструюцца і не прымаюцца. Супрацоўніца райвыканкаму нават не патлумачыла пенсіянеру, куды яму неабходна звярнуцца. Супрацоўніца службы аховы не прапусціла Р. Крывіцкага ў прыёмную райвыканкама, патлумачыўшы, што субота і нядзеля выходныя дні і там нікога няма, а кіраўнік справамі райвыканкама быў, але ўжо сыйшоў.
27.09.2010 Бабруйск: Алена Мядзведзева праходзіць у якасці сведкі па крымінальнай справе Някляева
Сёння, 27 верасня, адбыўся допыт Алены Мядзведзевай. З бабруйскай актывісткай кампаніі “Гавары праўду!” размаўляў старэйшы следчы следчага ўпраўлення папярэдняга даследчага аддзела ГУУС Мінскага гарвыканкама Дзяніс Дышчанка.
27.09.2010 Прадстаўнікоў АГП не ўключылі ў склад раённых выбаркамаў у Добрушы, Калінкавічах і Буда-Кашалёве
У Буда-Кашалёве сябра АГП Уладзімір Цітуленка вылучаўся як па партыйнаму пратаколу ад зарэгістраванай раённай структуры, так і шляхам заяваў грамадзян. Але ў склад камісіі ён уключаны не быў. Таксама ўлады не ўключылі ў раённыя камісіі сяброў АГП Дзяніса Рабянка (Калінкавічы) і Адама Варанца (Добруш).
2024: Красавік Сакавік Люты Студзень
2023: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2022: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2021: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2020: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2019: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2018: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2017: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2016: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2015: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2014: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2013: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2012: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2011: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2010: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2009: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2008: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2007: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2006: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2005: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2004: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2003: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень
2002: Сьнежань Лістапад Кастрычнік Верасень
