Праваабарончы цэнтр «ВЯСНА»

Навіны за Лістапад 2009

12.11.2009 Кіраўніцтва "Еўрарадыё" звязвае дазвол на акрэдытацыю свайго карпункта з "пэўнымі дамоўленасцямі" ў рамках дыялогу Беларусі з ЕС

Дазвол на акрэдытацыю карпункта "Еўрапейскае радыё для Беларусі" звязаны з перамовамі Беларусі і Еўрасаюза. Такое меркаванне ў інтэрв'ю БелаПАН выказаў старшыня праўлення "Еўрарадыё" Дзмітрый Новікаў, каментуючы інфармацыю аб дазволе беларускага МЗС на адкрыццё ў краіне карпункта радыёстанцыі.

12.11.2009 Ці зарэгіструюць газэту "Салігорск Плюс"?

Вось ужо некалькі месяцаў у Салігорску цягнецца спроба рэгістрацыі незалежнай газэты "Салігорск Плюс". Мясяц назад заснавальніку беспадстаўна вярнулі рэгістрацыйныя дакумэнты. Але ж дакумэнты былі пададзены зноў. Цягам тыдня міністэрства інфармацыі мусіць даць чарговы адказ.

12.11.2009 “Міжнародная амністыя” прызнала Ігара Коктыша вязьнем сумленьня

Праваабарончая арганізацыя “Міжнародная амністыя” прызнала беларускага грамадзяніна, якога ўтрымліваюць у сімфэропальскім сьледчым ізалятары, вязьнем сумленьня. 30-гадовы Ігар Коктыш абвінавачваецца беларускай пракуратурай у наўмысным забойстве. Ад 25 чэрвеня 2007 году ён знаходзіцца ў СІЗА на тэрыторыі Ўкраіны і чакае экстрадыцыі.

11.11.2009 Маці Андрэя Жука звярнулася да прэзідэнта з просьбай пра памілаванне сына (дададзены тэкст Звароту)

Змагаючыся за жыццё свайго сына, маці Андрэя Жука спрабуе выкарыстаць усе магчымыя сродкі - як міжнародныя механізмы прававой абароны, так і індывідуальны зварот да прэзідэнта краіны. 10 лістапада Святлана Жук праз сродкі масавай інфармацыі звярнулася да Аляксандра Лукашэнкі з просьбай пра памілаванне сына, смяротны прысуд якому ўступіў у сілу пасля разгляду касацыйнай скаргі ў Вярхоўным Судзе.

11.11.2009 У Менску запалілі феерверк у гонар беларускіх палітвязняў

Відовішчная акцыя з патрабаваннем вызваліць палітвязняў прайшла ўвечары 10 лістапада ў цэнтры Менска. Актывісты грамадзянскай кампаніі «Еўрапейская Беларусь» павесілі транспарант «Свабоду палітвязням» на мосце над вуліцай Няміга. Таксама моладзевыя актывісты запалілі феерверк.

11.11.2009 Затрыманы віцебскі апазыцыянэр Барыс Хамайда

Сёння ў Віцебску затрымалі Барыса Хамайду.

11.11.2009 Наста Палажанка паскардзілася ў пракуратуру на міліцыянтаў

Намесьніца старшыні "Маладога Фронту" Наста Палажанка накіравала заяву ў пракуратуру Першамайскага раёну Менска з нагоды незаконнага затрыманьня й ўтрыманьня ў РАЎСе цягам 6 гадзін без падставаў на тое й незаконную канфіскацыю інфармацыйных матэрыялаў да кампаній "Маладога Фронту".

10.11.2009 Амбасадар Ізраілю заявіў аб праявах расізму ў Беларусі

У Беларусі склалася катастрафічная сітуацыя з юдзейскімі cупольнасцямі. Пра гэта амбасадар Ізраілю Эдуард Шапіра заявіў 9 лістапада ў Менску на міжнароднай канферэнцыі, прысвечанай хрысціянска-юдзейскаму дыялогу.

09.11.2009 Сёння адзначаюцца 20-я ўгодкі падзення Берлінскай сцяны

20-я ўгодкі падзення Берлінскай сцяны прыпадаюць на 9 лістапада. У 1989 годзе быў знішчаны сімвал падзелу не толькі Берліна і нямецкай нацыі, але і ўсёй Еўропы. Народныя выступленні ў ГДР паскорылі змены, якія падтрымалі як Захад, так і Савецкі Саюз. У выніку, ужо ў 1990 годзе Нямеччына стала адзінай дзяржавай.

09.11.2009 Паводле амністыі вызваленыя 2 126 чалавек

У выніку прымянення закона аб амністыі, выкананне якога завершана 7 лістапада, з закрытых устаноў Беларусі вызвалены 2.126 чалавек. Пра гэта паведаміла начальнік спецыяльнага аддзела ўпраўлення аператыўна‑рэжымнай работы дэпартамента выканання пакаранняў (ДВП) МУС Беларусі Жанна Батурыцкая.

09.11.2009 Цярпімасць. Павага. Дыялог

З 9 па 30 лістапада ў зале дакументаў міжнародных арганізацый (пам. 207g) адкрыта тэматычная выстаўка “Цярпімасць. Павага. Дыялог”, прымеркаваная да Міжнароднага дня, прысвечанага цяпімасці.

09.11.2009 Два пратаколы за аднаго Леніна

У дачыненні да сябраў аргкамітэту БХД з Навагрудка Дар’і Бахур і Юрася Казака складзены пратаколы аб адміністрацыйным правапарушэньні. Іх вінавацяць у нанясеньні шкоды помніку Леніну, што стаіць у цэнтры горада.

09.11.2009 Аўтуховіча і Асіпенку не выпускаюць

Cледства па справе ваўкавыскіх прадпрымальнікаў Мікалая Аўтуховіча і Уладзіміра Асіпенкі працягнута на месяц — да 8 снежня, паведаміў праваабаронца Алег Воўчак. Як паведаміў праваабаронца БелаПАН, яму пра гэта стала вядома вечарам пятніцы.

09.11.2009 ЕС папросяць пракантраляваць выкананне правоў журналістаў у Беларусі

Міжнародная федэрацыя журналістаў мае намер звярнуцца ў структуры Еўрасаюза з просьбай пракантраляваць беларускі ўрад у справе выканання правоў журналістаў. Пра гэта ў Берліне заявіў генеральны сакратар арганізацыі Айдан Уайт.

09.11.2009 Затрымалі за вянок

7 лістапада міліцыянты спынілі машыну прыхільніка Руху “За Свабоду” Юрася Карэтнікава і без тлумачэння прычыны затрымання загадалі рушыць у Кастрычніцкі РАУС.