Праваабарончы цэнтр «ВЯСНА»

Навіны за Лістапад 2009

09.11.2009 Затрыманыя актывісты “Маладога фронту”

7 лістапада раніцай раніцай супрацоўнікі міліцыі прэвентыўна затрымалі актывістку “Маладога Фронту” Насту Палажанку. Яна паспела паведаміць на “Радыё Свабода” па тэлефоне, што міліцыянты пагражаюць ёй крымінальнай справай паводле артыкулу 193 (дзейнасьць ад імя незарэгістраванай арганізацыі).

09.11.2009 Галадоўніка А.Бандарэнку паклалі ў турэмны шпіталь

З 19-га кастрычніка працягвае галадоўку прадпрымальнік Андрэй Бандарэнка. Ён пратэстуе супроць прысуду, вынесенага Першамайскім раённым судом Менску.

06.11.2009 Андрэй Пачобут: “Праз міліцыю, КДБ людзей прымушаюць адмовіцца ад удзелу ў нашым Саюзе палякаў - улады тэстуюць рэакцыю Захаду”

У лістападзе мусіць вырашыцца пытанне пра санкцыі Еўразвязу ў дачыненні да беларускіх уладаў. У пераліку патрабаванняў, выстаўленых міжнароднай супольнасцю да афіцыйнага Менску падчас такзванага тэставага перыяду, фігуруе такі неабходны крок як захаванне правоў і свабодаў тых беларускіх грамадзянаў, якія адносяцца да нацыянальных меншасцяў. Гэты пункт быў уведзены Еўразвязам з ініцыятывы польскага боку. Неабходнасць такога патрабавання выкліканая складанай сітуацыяй, у якой апынуўся Саюз палякаў на Беларусі на чале з Анжалікай Борыс. Пра праблемы польскай нацыянальнай меншасці – старшыня Галоўнай Рады непрызнаванага ўладамі Саюзу палякаў, журналіст, уласны карэспандэнт “Газеты Выборчай” Андрэй Пачобут.

06.11.2009 Прысуд вілейскім актывістам пакінулі без зменаў

6 лістапада Мінскі абласны суд не задаволіў скаргі актывістаў дэмакратычнага руху з Вілейскага раёна Аляксея Сюдака, Уладзіміра Малерчука і Алеся Наркевіча.

06.11.2009 Агляд-хроніка парушэньняў правоў чалавека ў Беларусі, кастрычнік 2009 году

10 кастрычніка адзначаўся Міжнародны дзень супраць сьмяротнага пакараньня, таму менавіта гэтая тэма набыла найбольшую актуальнасьць у грамадзка-палітычным жыцьці Беларусі. Пытаньне адмены сьмяротнага пакараньня (увядзеньня мараторыя) зьяўляецца адным з прыярытэтных у дыялогу паміж Еўрасаюзам і Беларусьсю, аднак беларускія ўлады не сьпяшаюцца дэманстраваць прагрэс у гэтым накірунку.

06.11.2009 Пургурыдэса не пусцілі ў Беларусь

Хрыстос Пургурыдэс у 2004 годзе быў спецдакладчыкам ПАРЕ па Беларусі і займаўся расследаваннем палітычных знікненняў. Ягоныя даклады пра зніклых людзей у Беларусі, а пазней — пра злоўжыванні ў сістэме крымінальнага правасуддзя ў Беларусі, атрымалі вялікі міжнародны розглас і падвысілі ўвагу да сітуацыі з правамі чалавека ў Беларусі.

06.11.2009 На заводзе “Нёман” затрымалі журналістаў

Супрацоўнікі міліцыі затрымалі на шклозаводзе “Нёман” у Бярозаўцы журналістаў Аляксандра Дзянісава і Аляксандра Хілімона. Журналісты рыхтавалі сюжэт пра сытуацыю на заводзе.

06.11.2009 Вернік пакараны буйным штрафам

6 кастрычніка судзьдзя Цэнтральнага раёну Гомеля Рыгор Дзьмітрэнка прызнаў вінаватым верніка царквы “Сьведкі Еговы” Дзьмітрыя Смыка ва ўхіленьні ад прызыву ў войска і пакараў яго штрафам у памеры 100 базавых велічыняў, што складае 3,5 мільёна рублёў.

06.11.2009 Мінінфармацыі не зарэгістравала недзяржаўную газету «Мар’інагорскую»

Міністэрства інфармацыі вярнула заснавальніку недзяржаўнай грамадска-палітычнай рэгіянальнай газеты «Мар’інагорская» дакументы, накіраваныя для дзяржаўнай рэгістрацыі выдання.

06.11.2009 Акцыя прайшла без затрыманьняў

Актывісты “Маладога фронту” 5 лістапада правялі акцыю ў цэнтры Менску з патрабаваньнем аб’ектыўнай інфармацыі пра захворваньні на грып у Беларусі.

06.11.2009 Суд Менскай вобласьці разгледзіць справу вялейскіх актывістаў

Сёння, 6 лістапада, у Менскім абласным судзе распачнецца разгляд скаргі траіх актывістаў дэмакратычнага руху зь Вялейкі на рашэньне раённага суду.

05.11.2009 Павел Сапелка: “Дзяржава абавязаная ўзяць на сябе адказнасць за плады выхавання сваіх грамадзянаў”

Адвакат Павел Сапелка далучыўся да кампаніі “Праваабаронцы супраць смяротнага пакарання” і падпісаў петыцыю, звернутую да беларускіх уладаў з патрабаваннем адмяніць смяротнае пакаранне ў нашай краіне.

05.11.2009 Незалежныя прафсаюзы падалі пазоў у суд

Беларускі Кангрэс Дэмакратычных Прафсаюзаў падаў беспрэцэндэнтны пазоў у суд аб ухіленні дыскрымінацыі ў сферы працоўных адносін па прыкмеце прыналежнасці да прафсаюзу.

05.11.2009 Дырэктарку «Белсата» не пусцілі ў Беларусь

Агнешцы Рамашэўскай, якая збіралася па запрашэнні арганізатараў Мінскага форуму XII прыехаць у Беларусь 4 лістапада, адмовілі ў беларускай візе. Гэтую інфармацыю яна пацвердзіла сёння ўвечары прэс-службе БАЖ. Па яе словах, адмовілі ёй без усялякіх тлумачэнняў.