Праваабарончы цэнтр «ВЯСНА»

Навіны за Лістапад 2009

04.11.2009 Леанiда Тарасенку памылкова пасадзiлi ў турму на пяць гадоў

Даказваючы сваю невiнаватасць, мужчына правёў у месцах пазбаўлення волi 14 месяцаў. I з часам дабiўся поўнага апраўдання. Дзяржава павiнна сплацiць Леанiду Тарасенку грашовую кампенсацыю. Да таго ж цяпер пракуратура цiкавiцца мiлiцыянерам, якi распачаў крымiнальную справу i грамадзянамi, якiя далi хлуслiвыя паказаннi.

04.11.2009 Алесь Мех скардзіца на дзеянні міліцыянтаў

Грамадскі і палітычны актывіст Алесь Мех звярнуўся ў суд Кобрынскага раёна са скаргай на дзеянні міліцыі пад час “Дажынак” у Кобрыне 19 верасня бягучага года. Мех просіць прызнаць незаконным затрыманне па ананімнаму званку і запатрабаваць з пракуратуры Кобрынскага раёна матэр’ялы праверкі па яго заяве.

04.11.2009 Сем тысяч прадпрыемстваў возьмуць на працу п'яніц

Што да вынікаў прымусовага ўладкавання пазбаўленых бацькоўскіх правоў пітушчых грамадзян, то нейкіх сур'ёзных станоўчых зрухаў не назіраецца. Аднак мясцовыя органы ўлады працягваюць ужываць дадзеную практыку, штогод павялічваючы колькасць прадпрыемстваў, якія абавязаны браць на працу падобны кантынгент працаўнікоў.

04.11.2009 Па 700 тысяч штрафу - за бел-чырвона-белыя сьцягі

Судзьдзя Кастрычніцкага райсуду Эдгар Мартырасян аштрафаваў віцебскіх актывістаў Тараса Сургана і Сяргея Каваленку — на 20 базавых велічынь кожнага — за правядзеньне несанкцыянаванай акцыі з выкарыстаньнем нацыянальных сьцягоў.

04.11.2009 Сукала зноў адмовіўся абмяркоўваць праблему судовых адпісак з групай жанчын

Старшыня Вярхоўнага суда Валянцін Сукала 2 лістапада пяты раз адмовіўся абмяркоўваць праблему судовых адпісак з групай жанчын, якія пацярпелі ад асабліва цяжкіх злачынстваў, не згодных з рашэннямі судоў па сваіх грамадзянскіх справах і крымінальных справах сваіх блізкіх.

04.11.2009 Мінінфармацыі абяцае «спыняць любыя спробы дэзінфармаваць насельніцтва краіны»

Пра гэта заявіла журналістам першая намесніца міністра інфармацыі Лілія Ананіч, — перадае агенцтва БелТА. Дзяржаўнае інфармагенцтва ўдакладняе, што каментар прагучаў у звязку з «ажыятажам, які раздзьмуваецца некаторымі СМІ… адносна захворвальнасці ВРВІ і грыпам».

03.11.2009 Праваабаронцы ў чарговы раз заклікалі МЗС выконваць міжнародныя абавязацельствы Рэспублікі Беларусь

Праваабаронцы накіравалі зварот у Міністэрства замежных спраў на імя міністра Сяргея Мартынава з нагоды рэгістрацыі ў Камітэце па правах чалавека ААН індывідуальнага звароту Васіля Юзэпчука, асуджанага да смяротнага пакарання.

03.11.2009 Палітычнае рашэнне аб будаўніцтве АЭС у Астраўцы прынята

Больш таго, яно не з’яўляецца тэмай грамадскіх абмеркаванняў! Так заяўляе Міністэрства энэргетыкі Рэспублікі Беларусь у адказах на скаргі, якія атрымліваюць з міністэрства беларускія грамадзяне.

03.11.2009 70% грамадзянскага сектару Беларусі - пад пагрозай турэмнага зняволення

2 лістапада ў Мінску сабраліся ўдзельнікі канферэнцыі 'Форум грамадзянскай супольнасці 'Усходняга партнёрства': парадак дня для Беларусі'. Асноўнай мэтай імпрэзы - узгадненне пазіцый перад паседжаннем 16-17 лістапада ў Брусэлі І Форуму грамадзянскай супольнасьці шасці паслясавецкіх краінаў, запрошаных да ўдзелу ў праграме Еўразвязу 'Усходняе партнёрства'.

03.11.2009 У Гомелі сарвалі вечарыну “На Дзяды”

2 лістапада ў Гомелі была сарваная вечарына “На дзяды”. Зь ініцыятывы гарадзкой суполкі Таварыства беларускай мовы імя Ф. Скарыны яна мелася адбыцца ў абласным доме творчасьці на праспэкце Кастрычніка.

03.11.2009 Віцебск: затрыманьне за бел-чырвона-белыя сьцягі

Некалькі прадстаўнікоў дэмакратычных сілаў Віцебску 2 лістпада прайшлі па горадзе зь бел-чырвона-белымі сьцягамі, сьцягам стваранай партыі БХД і руху “Маладая Беларусь”.

02.11.2009 Гомельскіх журналістаў затрымалі за апытанне на вуліцы

30 кастрычніка ў Гомелі былі затрыманыя незалежныя журналісты Таццяна Бублікава і Алег Ражкоў. Інцыдэнт здарыўся ў момант, калі журналісты праводзілі на вуліцах горада відэаапытанне. У мінакоў пыталіся, што яны думаюць наконт эпідэміі «свінога» грыпу.

02.11.2009 Паведамленне беларускі зарэгістравана ў Камітэт па ліквідацыі дыскрымінацыі ў адносінах да жанчын ААН

Атрымана паведамленне з упраўлення Вярхоўнага камісара па правах чалавека аб рэгістрацыі паведамлення берасцейскай грамадскай актывісткі Інгі Абрамавай ў Камітэце па ліквідацыі дыскрымінацыі жанчын. Паведамленне зарэгістравана пад № 23 ад 2009 года.

02.11.2009 У Віцебску затрымалі актывістаў Моладзі БНФ

1 лістапада супрацоўнікі міліцыі затрымалі двух актывістаў Моладзі БНФ: Сяржука Зьвёздачкіна і кіраўніка віцебскай абласной арганізацыі Аляксандра Кузьняцова па дарозе з Віцебску ў Менск.