Праваабарончы цэнтр «ВЯСНА»

Навіны за Кастрычнік 2009

22.10.2009 Валянцін Стэфановіч: «Рэпрэсій менш не стала»

Вядомы праваабаронца распавёў, як рэальна ідзе справа з палітычнымі рэпрэсіямі ў Беларусі. Юрыст праваабарончага цэнтра «Вясна» Валянцін Стэфановіч адказаў на пытанні www.charter97.org

22.10.2009 Палітвязьняў не павінна быць!

21 кастрычніка адбылася прэзентацыя кнігі “Палітвязьні: Крымінальныя прысуды, вынесеныя ў 2008 годзе па палітычных матывах”, якая была падрыхтаваная з удзелам Праваабарончага цэнтру “Вясна”. Хоць зборнік і распавядае пра падзеі мінулага году, тым ня менш сама тэма да гэтага часу застаецца актуальнай па шматлікіх прычынах.

22.10.2009 «Барысаў Электронны» - таемны інфарматар радыё «Мінская хваля»?

Навіны, размешчаныя на інфармацыйным сайце «Барысаў Электронны», былі амаль цалкам працытаваны ў навінавым выпуску FM-радыё «Мінская хваля». У канцы выпуску навінаў журналістка выдала ў эфір: «Дзякуем за прадстаўленую інфармацыю аддзел ідэалогіі Барысаўскага райвыканкама».

22.10.2009 Праблема смяротнай кары аднолькава хвалюе і вядомых драматургаў, і простых студэнтаў (фота)

Сярод творчых працаў, дасланых на конкурс у межах кампаніі “Праваабаронцы супраць смяротнага пакарання ў Беларусі”, “Лепшым літаратурным творам” журы назвала п’есу Андрэя Карэліна “БЛІЦ – С ці ТУТ ТАНЧАЦЬ! (хроніка апошніх гадзінаў)”. “Лепшым публіцыстычным творам” стала эсэ студэнткі юрыдычнага факультэту Інстытута правазнаўства Вікторыі Старасценка.

22.10.2009 Шведскія дэпутаты далучыліся да кампаніі “Стоп 193.1!”

Група дэпутатаў нацыянальнага парлямэнту Швэцыі, якая на дадзены момант старшынюе ў Эўразьвязе, далучылася да кампаніі “Стоп 193.1!”. Швэдзкія парлямэнтары накіравалі адпаведныя заявы ў Менск напярэдадні прыняцьця рашэньня па санкцыях супраць шэрагу службовых беларускіх асобаў.

22.10.2009 “Берасьцейскай вясьне” зноў адмовілі ў рэгістрацыі

Пра гэта “Свабодзе” паведаміў праваабаронца з Берасьця Ўладзімер Малей: “Сёньня мы атрымалі адказ з Галоўнага ўпраўленьня юстыцыі аблвыканкаму. І там гаворыцца, што ксэракопія не зьяўляецца дакумэнтам, і з гэтай нагоды нам адмаўляюць у рэгістрацыі.

22.10.2009 На акцыях апазіцыі да журналістаў прыставяць прэс‑афіцэраў МУС

Беларуская міліцыя ў бліжэйшы час зменіць фармат працы на масавых, у тым ліку палітычных мерапрыемствах. Пра гэта паведаміў сёння журналістам намеснік міністра ўнутраных спраў Беларусі Яўген Полудзень.

22.10.2009 Праваабаронца Сяргей Гоўша напамінае МЗС РБ пра іх абавязкі

Праваабаронца з Баранавіч Сяргей Гоўша накіраваў паўторную заяву ў Міністэрства замежных спраў РБ, каб выказаць нязгоду з высновай МЗС аб тым, што Факультатыўны пратакол не накладае на дзяржаву абавязкаў па выкананні рэкамендацый Камітэта па правах чалавека ААН.

22.10.2009 Справа аб збіцці прафесара Андрэя Каляды закрыта

У Савецкім РУУС Менска заяўляюць, што справа аб збіцці Андрэя Каляды закрыта ў сувязі «з адсутнасцю ў дзеяннях падследчага склада злачынства».

22.10.2009 Парушэньні перапісу на Гарадзеншчыне

У Горадні пераспісчыкі адказы грамадзянаў у перапісныя лісты пішуць алоўкам. Мясцовыя актывісты БХД упэўненыя, гэта робіцца дзеля магчымасці сфальсіфікаваць вынікі перапісі адносна пытання роднай мовы.

22.10.2009 Андрэй Бандарэнка абвясціў галадоўку

Андрэй Бандарэнка, былы незалежны кандыдат у дэпутаты, абвінавачаны ў эканамічным злачынстве і асуджаны без усялякіх доказаў да 7 гадроў пазбаўлення волі з канфіскацыяй маёмасці, абвясціў у турме галадоўку ў знак пратэсту супраць несправядлівага абвінавачання.

22.10.2009 Пабываўшы 16 кастрычніка ў Мінску, дзяўчына вярнулася дамоў з гематомамі

Пасля разгону пікета памяці зніклых палітыкаў на Кастрычніцкай плошчы дваццацігадовая Інга Абрамава нейкі час не вярталася ў Брэст. Цяпер прыехала і згадзілася распавесці пра той дзень.

22.10.2009 Актывіста апазіцыі збілі міліцыянеры

Супрацоўнікі Мастоўскага раённага аддзела ўнутраных спраў збілі актывіста партыі “Грамада”(БСДГ) Зміцера Кучуна.Бягучым часам законнасць дзеяння міліцыянтаў правярае пракуратура.

21.10.2009 Ж.-Э.Хольцапфель спадзяецца, што Беларусь увядзе мараторый на смяротную кару

Увядзенне мараторыя на смяротнае пакаранне з’яўляецца ключавым элементам для далейшага развіцця ўзаемаадносінаў паміж Еўрасаюзам і Беларуссю. Пра гэта 20 кастрычніка падчас круглага стала, прысвечанага завяршэнню праекта міжнароднай тэхнічнай дапамогі “Спрыянне шырэйшаму ўжыванню міжнародных стандартаў у галіне правоў чалавека падчас адпраўленняў правасуддзя ў Рэспубліцы Беларусь”, заявіў ў размове з Еўрарадыё кіраўнік прадстаўніцтва Еўрапейскай камісіі ў Беларусі Жан-Эрык Хольцапфель.

21.10.2009 Мінюст адмовіў у рэгістрацыі Беларускай партыі працоўных

Міністэрства юстыцыі адмовіла ў рэгістрацыі Беларускай партыі працоўных (БПП), гаворыцца ў паведамленні, размешчаным 20 кастрычніка на сайце міністэрства.