Праваабарончы цэнтр «ВЯСНА»

Навіны за 10 кастрычніка 2009

10.10.2009 Праваабаронцы нагадалі пра праблему смяротнага пакарання ў Беларусі (фота)

10 кастрычніка, у Сусветны дзень барацьбы супраць смяротнага пакарання, прадстаўнікі праваабарончых арганізацыяў нагадалі грамадскасці пра праблему смяротнага пакарання ў Беларусі. Як высветлілася з размоваў з мінакамі, у той час, калі ў краіне выносяцца смяротныя прысуды, не ўсе грамадзяне нават ведаюць пра наяўнасць гэтага віду пакарання ў дзяржаве.

10.10.2009 У Наваполацку затрыманыя ўдзельнікі акцыі супраць смяротнага пакарання (абноўлена)

У Наваполацку супрацоўнікі міліцыі затрымалі праваабаронцу Зміцера Салаўёва, а таксама моладзевых актывістаў Аліну Кучарэнку і Юрыя Палонскага. Затрыманне адбылося падчас інфармацыйнай акцыі, прымеркаванай да Сусветнага дню барацьбы супраць смяротнага пакарання ў межах кампаніі “Праваабаронцы супраць смяротнага пакарання ў Беларусі”.

10.10.2009 Пераможцы конкурсу творчых працаў па тэме смяротнага пакарання атрымалі свае ўзнагароды

Імёны пераможцаў конкурсу творчых працаў, які праходзіў у межах кампаніі “Праваабаронцы супраць смяротнага пакарання ў Беларусі”, былі названыя 10-га кастрычніка, у Сусветны дзень барацьбы супраць смяротнага пакарання.

10.10.2009 У Бярозе – акцыя ў падтрымку беларускай мовы

На вуліцах Бярозы грамадскія актывісты распачалі акцыю “Назаві беларускую мову роднай і хатняй!” Гэта звязана з пытаннем у анкеце пра родную мову пад час перапісу Таму што упершыню побач з пытаннем - родная мова – у дужках удакладняецца: мова, засвоенная першай у раннім дзяцінстве. Актывісты лічаць падводным камнем такое удакладненне.

10.10.2009 Замежныя СМІ пра Беларусь: 2-9 кастрычніка

За мінулы год беларускім урадам быў зроблены шэраг крокаў з пазітыўным сігналам. На вельмі высокім узроўні неаднаразова сцвярджалася, што на гэтым не будзе пастаўлена кропка. З пункту гледжання ЕС падобныя абяцанні яшчэ не ў дастатковай ступені выкананы.

10.10.2009 Ганну Бунько аштрафавалі цішком

Актывістку "Маладога Фронту" Ганну Бунько аштрафавалі на 175 тыс. рублёў за флэшмоб, прымеркаваны да 70-й гадавіны падпісаньня Пакта Молатава-Рыбэнтропа.

10.10.2009 Расійскага навукоўцу, які прыехаў на слуханні па АЭС, арыштавалі на 7 сутак

Фізіка-атамшчыка, каардынатара маскоўскай групы "Экаабарона" Андрэя Ажароўскага 9 кастрычніка асудзілі на 7 сутак за дробнае хуліганства і непадпарадкаванне супрацоўнікам міліцыі.