Праваабарончы цэнтр «ВЯСНА»

Навіны за 20 кастрычніка 2009

20.10.2009 Арыгінальны погляд на праблему смяротнага пакарання (фота)

Арганізатары творчага конкурсу ў межах кампаніі “Праваабаронцы супраць смяротнага пакарання ў Беларусі” прапануюць вашай увазе працы пераможцаў у намінацыі “Арыгінальны погляд” - міні-тэорыю матэматыка Міхася Булавацкага і графіку праграміста, дызайнера Сяргея Дзядзюля.

20.10.2009 Сябры партыі БХД зьбяруцца на плошчы

Сёння прыйшоў адказ з апошняга з 11 памяшканняў, куды звярталіся каардынатары па стварэнні партыі “Беларуская Хрысціянская Дэмакратыя” з просьбай дазволіць правядзенне паўторнага Устаноўчага З’езду. Адміністрацыя Малай залі Палаца Рэспублікі адмовіла БХД з той прычыны, што ў 11 гадзін 31 кастрычніка ў памяшканні запланавана правядзенне іншага мерапрыемства.

20.10.2009 За беларускую мову ўсё яшчэ затрымліваюць

Супрацоўнікі міліцыі затрымалі лідэра “Маладога фронту” Зьмітра Дашкевіча, ягоную намесьніцу Насту Палажанку і актывіста арганізацыі Дзяніса Карнова.

20.10.2009 Свабода друку ў Беларусі: лепшая за Расею, горшая за Ірак

Міжнародная праваабарончая арганізацыя «Рэпартэры бязь межаў» апублікавала штогадовы рэйтынг свабоды прэсы. Беларусь заняла ў ім 151-е месца з 175.

20.10.2009 Праваабаронцаў Брэста не запрасілі на 20-годдзе партнёрства з Равенсбургам

Трое праваабаронцаў звярнуліся ў Брэсцкі гарвыканкам з просьбай, каб іх афіцыйна запрасілі на ўрачыстасці, прымеркаваныя да 20-х Угодкаў партнёрства гарадоў у Брэсце. На днях яны атрымалі адмоўны адказ па прычыне таго, што "згодна з планам прыбывання афіцыйнай дэлегацыі, сустрэча з прадстаўнікамі грамадскіх аб’яднанняў, палітычных партый, прыватных асоб не прадугледжана”.

20.10.2009 Камітэт па правах чалавека ААН прыняў да разгляду скаргу мінчанкі Галіны Юбко

Камітэт па правах чалавека ААН у Жэневе (Швейцарыя) прыняў да разгляду скаргу мінчанкі Галіны Юбко.

20.10.2009 Дзясяты аштрафаваны на 700 тысяч, адзінаццаты — на 1 мільён 750 тысяч

19 кастрычніка судзьдзя Чыгуначнага раёну Гомеля Ільля Сьвірыдаў аштрафаваў кіраўніка Жлобінскай раённай арганізацыі ПКБ Валера Рыбчанку на 700 тысяч рублёў. Гэта ўжо дзясяты па ліку грамадзкі актывіст з 16-ці, якія месяц таму меліся зладзіць ланцуг памяці пра зьнікненьне палітыка Віктара Ганчара й бізнэсоўца Анатоля Красоўскага. Актывісты ішлі ходнікам на пляц Паўстаньня, але іх схапіў спэцназ. Агульная сума штрафаў дасягнула 10 мільёнаў 325 тысяч рублёў.

20.10.2009 Верніку ваенкамат не прапанаваў альтэрнатыўную службу

Сёньня ў судзе Цэнтральнага раёну Гомеля працягвалася слуханьне крымінальнай справы ў дачыненьні да верніка пратэстанцкай царквы “Сьведкі Еговы” Дзьмітра Смыка. З падачы гарадзкога ваенкамату пракуратура абвінавачвае спадара Смыка ва ўхіленьні ад прызыву на вайсковую службу. З ініцыятывы судзьдзі Рыгора Дзьмітрэнкі, які разглядае справу супраць верніка, у суд сёньня выклікалі ня толькі прадстаўніка ваенкамату Бурсевіча, але й гарадзкога ваенкама палкоўніка Вячаслава Цацарына.

20.10.2009 У Сьветлагорску судзяць “Левы марш”

У Сьветлагорскім раённым судзе 19 кастрычніка распачаўся разгляд адміністрацыйнай справы супраць кіраўніка мясцовай арганізацыі Партыі камуністаў Беларускай Сьвятланы Міхальчанкі. Яе абвінавачваюць у распаўсюдзе 3 верасьня партыйнага бюлетэня “Левы марш”, які ня меў поўных выходных зьвестак.