15.08.2009 Іван Шыла: Варта адрозьніваць прызыў і ізаляцыю чалавека

Іван Шыла знаходзіцца ў адпачынку дома ў Салігорску. Франак Вячорка дагэтуль пазбаўлены звальненьня. Яго салдацкі адпачынак скарацілі да 5 сутак. Адпачынак Зьмітра Хведарука адкладзены на нявызначаны тэрмін.

14.08.2009 Прэс-канферэнцыя: «10 гадоў палітычным выкраданням»

Прэс-канферэнцыя адбудзецца 17 жніўня ў 11.00 у офісе Партыі БНФ у Менску.

Удзельнікі мерапрыемства – маці выкрадзенага ў Беларусі журналіста Вольга Завадская, жонка зніклага віцэ-спікера Вярхоўнага Савета Беларусі Зінаіда Ганчар, праваабаронца, юрыст Гары Паганяйла.

14.08.2009 Зварот праваабаронцаў пра моўную дыскрымінацыю ў войску ізноў пераадрасаваны

Зварот прадстаўнікоў ПЦ “Вясна” з патрабаваннем спыніць незаконны пераслед і ціск на ваенаслужачага Ф. Вячорку ды іншых беларускамоўных служачых у чарговы раз перанакіраваны – у Гомельскую міжгарнізонную ваенную пракуратуру. Пра гэта праваабаронцам афіцыйна паведаміў Першы намеснік Беларускага ваеннага пракурора падпалкоўнік юстыцыі А.М. Кот.

14.08.2009 Суд адмовіў у задавальненні скаргі бярозаўскай "Спадчыны"

Гарадзенскі абласны суд вынес рашэнне па скарзе сяброў культурна-асветніцкага аб’яднання з Бярозаўкі “Спадчына”. Грамадскія актывісты абскарджвалі адмову упраўлення юстыцыі ў рэгістрацыі арганізацыі.

14.08.2009 Дзень цвярозасці ў Гародні

У крамах у гэты дзень не прадаюць алкаголь. Але заспець алкаголікаў знянацку цяжка. Таваразварот алкаголю за дзень да такіх акцыяў толькі павялічваецца. Гарадзенцы скептычна, але з разуменнем ставяцца да ініцыятывы гарвыканкаму.

14.08.2009 Анжаліку Борыс вінавацяць у нацыяналізме і фінансавых парушэннях

Старшыню непрызнаванага ўладамі Саюзу палякаў у Беларусі Анжаліку Борыс, выклікалі ў Аддзел па барацьбе з эканамічнымі злачынствамі Ленінскага раёну Гародні. Міліцыя паведаміла, што пачалася праверка падначаленых ёй грамадскіх і эканамічных структураў. Прычынай разбіральніцтва стаў ананімны ліст.

14.08.2009 Апазыцыянэраў апраўдалі, міліцыянтаў — да адказнасьці

Ваўкавыскі раённы суд перагледзеў справу 8 сябраў АГП і апраўдаў іх. У дачыненьні да міліцыянтаў, якія складалі пратаколы, вынесена прадстаўленьне на імя кіраўніка РАУС з тым, каб той вырашаў, да якой адказнасьці іх прыцягваць — крымінальнай ці адміністрацыйнай.

14.08.2009 Генпракурор пагадзіўся з жанчынамі, якія змагаюцца з беззаконнем

13 жніўня генеральны пракурор Рыгор Васілевіч прыняў у сябе групу жанчынаў, прадстаўніц грамадскай ініцыятывы «Жанчыны супраць беззаконня ў судах і пракуратуры».

14.08.2009 Амніставаны Аляксандр Баразенка

Фігурант «справы чатырнаццаці» Аляксандр Баразенка амніставаны.

14.08.2009 Гарадзенскі абласны суд не задаволіў скаргу Івана Крука

Гарадзенскі абласны суд пакінуў без зменаў пастанову Астравецкага раённага суда, паводле якой актывіст грамадскай ініцыятывы “Астравецкая атамная - гэта злачынства” Іван Крук атрымаў штраф у буйным памеры за распаўсюд друкаваных выданняў.

13.08.2009 Алесь Бяляцкі: Працэс рэгістрацыі для нас як праваабаронцаў мае не меншае значэнне, чым сам факт рэгістрацыі

Алесь Бяляцкі, абраны старшыня незарэгістраванай уладамі праваабарончай арганізацыі “Наша Вясна”, віцэ-прэзідэнт Міжнароднай федэрацыі правоў чалавека (FIDH), асэнсоўвае працэс рэгістрацыі, падводзіць вынікі і дзеліцца планамі.

13.08.2009 Пракуратура не бачыць падстаў для адмены артыкула 193.1 Крымінальнага Кодэксу

Міжнароднае грамадзкае аб’яднаньне “Грамадзянская Беларусь” (Чэхія) атрымала з Генеральнай пракуратуры Рэспублікі Беларусь адказ на сваю прапанову аб скасаваньні артыкула 193-1 Крымінальнага кодэкса (“Незаконныя арганізацыя дзейнасьці грамадзкага аб’яднаньня, альбо фонда, альбо ўдзел у іх дзейнасьці”). Праваабаронцы заклікалі беларускія ўлады перагледзець усе нормы беларускага заканадаўства, якія забараняюць дзейнасьць незарэгістраваных аб’яднаньняў.

13.08.2009 За адмову ад размеркавання выпускнікоў штрафуюць на 14 тысячаў даляраў

Два гады таму адмовіцца ад размеркавання каштавала 17 мільёнаў беларускіх рублёў, а зараз – практычна 40.

13.08.2009 Пратэстанты не пусцілі судовых выканаўцаў у царкву

Рашэнне не пускаць у храм любых службовых асобаў было прынятае вернікамі ў адказ на спробы ўладаў адабраць будынак. 13 жніўня прыкладна ў 9.30 тры судовыя выканаўцы спрабавалі прайсці на тэрыторыю менскай царквы «Новае жыццё» Рэлігійнага аб'яднання супольнасцяў хрысціянаў поўнага Евангелля ў Рэспубліцы Беларусь і ўручыць вернікам нейкую паперу.

13.08.2009 Палітвязень Арцём Дубскі на працягу 16 дзён трымаў галадоўку пратэсту

13 жніўня адвакатка Тамара Сідарэнка сустракаліся з Арцёмам Дубскім. Падчас сустрэчы стала вядома, што арыштаваны актывіст «Маладога фронту» на працягу 16 дзён -- з 29 ліпеня па 13 жніўня -- трымаў галадоўку пратэсту.