Праваабарончы цэнтр «ВЯСНА»

Навіны за Чэрвень 2009

26.06.2009 За лёс бяздомных жывёл таксама даводзіцца змагацца

Пракуратура Маскоўскага раёна Мінска даслала адказы грамадзянам, якія прасілі правесці праверку прадпрыемства “Фаўна горада” ў сувязі з негуманным стаўленнем да бяздомных жывёл, якія ўтрымліваліся на гэтым прадпрыемстве. (Падрабязней - тут). Пры гэтым, работнікі юстыцыі не прыдумалі нічога лепшага, акрамя таго, што безпадстаўна пераадрасавала скаргі кіраўніцтву аб’яднання “Мінская гарадская жыллёвая гаспадарка”. Як кажуць: “на каго скардзіліся – тыя і меры прымаць будуць”.

26.06.2009 Эмануіл Зэльцэр прыпыніў галадоўку да 30 чэрвеня

Пра гэта паведаміў адкават Зьміцер Гарачка. Ён ўдакладніў, што галадоўка прыпыненая да 30 чэрвеня. Адвакат адмовіўся камэнтаваць прычыны такога рашэньня.

26.06.2009 Напішы сцэнар для мультфільма!

Кампанія “Стоп 193.1” абвяшчае конкурс на сцэнар да мультфільма, прысьвечанага ўжываньню артыкула 193.1 Крымінальнага кодэксу Рэспублікі Беларусь да грамадзкіх актывістаў.

25.06.2009 Алесь Бяляцкі: Патрабаванне ПАРЕ - дадатковы стымул для сяброў “Вясны” працягваць сваю працу

Пытанне пра рэгістрацыю праваабарончай арганізацыі “Наша Вясна” стаіць асобным пунктам у рэзалюцыі ПАРЕ, што прадугледжвае вяртанне беларускаму парламенту статуса спецзапрошанага.

25.06.2009 У Наваполацку суд не задаволіў пазоў актывіста да супрацоўнікаў ГАУС

23 чэрвеня ў Наваполацку суд разглядаў пазоў грамадскага актывіста Антона Ясіновіча аб кампенсацыі маральнага урону за неправапраўныя дзеянні супрацоўнікаў ГАУС. Незаконнасць дзеянняў міліцыянераў пасля шматлікіх скаргаў пацвердзіла пракуратура Віцебскай вобласці. Аднак суд адмовіў у задавальненні пазову, прызнаўшы дзеянні супрацоўнікаў ГАУС абгрунтаванымі.

25.06.2009 Удзельнікі акцыі памяці Юрыя Захаранкі пакараныя штрафамі і арыштам

Судзьдзя Цэнтральнага райсуду Гомеля Марына Дамненка пакарала ўдзельнікаў акцыі памяці гвалтоўна зьніклага былога міністра ўнутраных справаў Юрыя Захаранкі, Васіля Папова, Пятра Кузьняцова, Юрася Захаранку і Анатоля Паплаўнага штрафам ў памеры 10 базавых велічыняў, а Ўладзіміра Кацору адміністрацыйным арыштам на 3 сутак. Пікет актывісты АДС зладзілі 7 траўня ля будынку ўправы абласной міліцыі.

25.06.2009 Арцёма Дубскага будуць судзіць 7 ліпеня

Асіповіцкі суд вызначыўся з датай судовага паседжаньня ў справе актывіста “Маладога фронту” Арцёма Дубскага. Яго абвінавачваюць у парушэньні правілаў адбыцьця пакараньня.

25.06.2009 “Спадчыне” адмоўлена ў рэгістрацыі

Галоўнае ўпраўленне юстыцыі Гарадзенскага аблвыканкама адмовіла ў дзяржаўнай рэгістрацыі грамадскаму культурніцка-асветніцкаму аб’яднаню “Спадчына” з Бярозаўкі.

25.06.2009 Судовая сістэма гатова да ўвядзення мараторыю на смяротнае пакаранне

Судовая сістэма Беларусі гатова да ўвядзення мараторыю на смяротнае пакаранне, заявіў журналістам 25 чэрвеня старшыня Вярхоўнага суда Валянцін Сукала.

25.06.2009 Справа Крука перанесеная

Разгляд справы астравецкага актывіста "Руху За Свабоду" Івана Крука, якому інкрымінуюць распаўсюд нелегальнай літаратуры, перанесены на 25 чэрвеня. Учора ў Астравецкім судзе Іван Крук прад'явіў два хадатайніцтвы.

25.06.2009 Суд у Гомелі можа скончыцца галадоўкай

Сёньня, 25 чэрвеня ў Цэнтральным судзе Гомеля будуць разгледжаныя пяць адміністрацыйных спраў супраць мясцовых дэмакратычных актывістаў – удзельнікаў акцыі памяці гвалтоўна зьніклага генерала Юрыя Захаранкі. Акцыя з партрэтамі экс-міністра ўнутраных спраў ладзілася 7 траўня ля будынку ўправы абласной міліцыі.

24.06.2009 ПАРЭ патрабуе ад Беларусі зарэгістраваць "Нашу Вясну"

Справаздача ПАРЭ аб сітуацыі ў Беларусі

24.06.2009 Міжнародны Фонд па абароне праваабаронцаў Front Line далучыўся да кампаніі "Стоп артыкулу 193.1!"

Міжнародны Фонд па абароне праваабаронцаў Front Line 24 чэрвеня выступіў з заявай пра падтрымку кампаніі "Не артыкулу 193.1!", якую ў Беларусі праводзіць Асамблея НДА. Front Line заклікае адмяніць артыкул 193.1 КК Рэспублікі Беларусь, паколькі ён абмяжоўвае дзейнасць законных праваабарончых арганізацыяў і супярэчыць палажэнням Усеагульнай Дэкларацыі Правоў Чалавека і Міжнароднаму пакту пра грамадзянскія і палітычныя правы, у якім Беларусь бярэ ўдзел.

24.06.2009 Гарадзенскія праваабаронцы супраць смяротнага пакарання

Трое сутак запар ў Гародні праходзіла акцыя “Праваабаронцы супраць смяротнага пакарання”. Да гэтай акцыі, ініцыяванай гарадзенскімі праваабаронцамі пазбаўленага рэгістрацыі Праваабарончага Цэнтру “Вясна” далучыліся моладзевыя актывісты БСДГ, АГП, Маладых Дэмакратаў і Грамадзянскага Форуму.

24.06.2009 Віктар Гумінскі: Мы адменім смяротнае пакаранне не дзеля патрабавання ПАСЕ

Старшыня Камісіі па нацыянальнай бяспецы Палаты прадстаўнікоў Віктар Гумінскі лічыць, што ў Беларусі могуць адмяніць смяротнае пакаранне. Але зробяць гэта не дзеля патрабаванняў ПАСЕ, а таму што беларусы змяніліся з часоў рэферэндума 1996 года. Нагадаем, што тады большасць прагаласавала за тое, каб пакінуць вышэйшую меру пакарання.