Праваабарончы цэнтр «ВЯСНА»

Навіны за Кастрычнік 2008

17.10.2008 Ці стане беларуская статыстыка незалежнай?

У інтэрвію «Экономической газете» старшыня Нацыянальнага статыстычнага камітэту Ўладзімер Зіноўскі патлумачыў рэарганізацыю Мінстату неабходнасьцю выкананьня прынцыпу незалежнасьці пры ажыцьцяўленьні прафэсійнай статыстычнай дзейнасьці.

17.10.2008 Праваабаронцу Таццяну Гацуру спынілі з-за кніг

16 кастрычніка пасьля апоўдня супрацоўнікі Стаўбцоўскага РАЎС спынілі машыну намесніцы старшыні БХК Таццяны Гацуры на трасе "Брэст-Менск". "Я не ведаю, навошта мне сказалі Вас спыніць. Я патэлефаную і спытаю, што рабіць з Вамі далей", - паведаміў Таццяне супрацоўнік міліцыі Аляксандр М. (прозвішча праваабаронца не запомніла). У выніку ў Таццяны Гацуры праверылі багаж (з сабой яна везла торбы з кнігамі), перапісалі пашпартныя дадзеныя і адпусцілі без растлумачэння прычын такой пільнай увагі.

17.10.2008 Канфіскавалі, але адпусцілі...

Днямі на сталічным рынку "Шабаны" супрацоўнікі міліцыі затрымалі прадпрымальніка Паўла ЯЛАВІКА. Міліцыянтаў выклікалі з адміністрацыі рынку, калі ўбачылі, што Павел распаўсюджвае сярод прадпрымальнікаў бюлетэнь, які выпускаюць актывісты прадпрымальніцкага руху.

17.10.2008 Беларускаму народнаму фронту не далі памяшканьняў для сьвяткаваньня юбілею

Беларускаму народнаму фронту “Адраджэньне”, які 19-га кастрычніка сьвяткуе 20-годдзе свайго стварэньня, уладамі адмоўлена ў прадастаўленьні вялікіх памяшканьняў у Менску для правядзеньня юбілейных урачыстасьцяў.

17.10.2008 Уладзімер Кацора зьвяртаецца ў Канстытуцыйны суд і КДБ

Намеснік старшыні Гомельскай абласной арганізацыі Аб’яднанай грамадзянскай партыі Уладзімір Кацора звярнуўся ў Канстытуцыйны суд з патрабаваннем выканаць рашэнне Камітэта ААН па правах чалавека аб аднаўленні дзейнасці грамадскага аб’яднання «Грамадзянскія ініцыятывы».

17.10.2008 Анатолю Гатоўчыцу аддалі ноўтбук і відэакамеру

Гомельскаму журналісту Анатолю Гатоўчыцу вярнулі ўсе рэчы, забраныя ў яго падчас ператрусу 27 сакавіка.

17.10.2008 Сойм партыі БНФ падвёў вынікі выбарчай кампаніі

Асноўным пытаннем Сойму было абмеркаванне і падвядзенне вынікаў мінулай выбарчай кампаніі.

17.10.2008 Акцыі салідарнасці прайшлі без затрыманьняў, але…

16 кастрычніка ў многіх гарадах Беларусі прайшлі традыцыйныя акцыі салідарнасьці ў памяць аб зніклых палітыках, апазіцыянерах і журналістах. На гэты раз міліцыя не затрымлівала ўдзельнікаў акцый, але вяла назіраньне і відэаздымкі.

17.10.2008 Звольнены міліцыянт патрабуе 55 мільёнаў за паклёп

Кастрычніцкі суд Віцебску пачаў разгляд заявы былога ўчастковага інспэктара Андрэя Левінава, які вінаваціць супрацоўнікаў абласной управы МУС у распаўсюдзе паклёпніцкіх зьвестак.

17.10.2008 Маладафронтавец Дубскі папрасіў прытулку ва Ўкраіне

Фігурант «Працэсу чатырнаццаці» Арцём Дубскі папрасіў палітычнага прытулку ва Ўкраіне. Супраць хлопца была заведзеная крымінальная справа артыкуле 415 УК РБ (Ухіленьне ад адбываньня пакараньня ў выглядзе абмежаваньня волі). Такая самая справа летась была заведзеная супраць Артура Фінькевіча, тады маладзён атрымаў паўтара году зьняволеньня.

16.10.2008 Епіскапа змясьцілі ў ізалятар

Памежнікі затрымалі ў аэрапорце “Менск-2” і зьмясьцілі ў ізалятар для дэпартаваных асобаў эпіскапа Вэніяміна Бруха. Прычыну дэпартацыі і затрыманьня яму не паведамілі.

16.10.2008 Адваявалі страйкам 4 тысячы рублёў

Мінуў тыдзень пасьля страйку швейнага цэху фабрыкі пухова-пер’евых вырабаў у Слоніме, падчас якога работніцы дамагаліся падвышэньня заробку. Улады гораду й адміністрацыя прадпрыемства абяцалі выправіць сытуацыю. Што за гэты час зьмянілася на фабрыцы?

16.10.2008 Юры Чаусаў: «Германія ужо прызнае, што беларускія праваабаронцы непажаданыя асобы ў Еўропе?”

Праваабаронца Уладзімер Лабковіч і палітолаг Юры Чаусаў пракаментавалі ў інтэрвію “Польскаму радыё” адмову амбасады Германіі выдаць беларускім праваабаронцам шэнгенскія візы.

16.10.2008 Беларуска-нямецкі праваабарончы круглы стол

Сёння ў Берліне, у будынку бундэстага, праходзіць беларуска-нямецкі праваабарончы круглы стол. У форуме на тэму "Беларусь пасля выбараў: ці час для палітычнага збліжэння?" прымаюць удзел і дэпутаты нямецкага парламенту