Праваабарончы цэнтр «ВЯСНА»

Навіны за Кастрычнік 2008

22.10.2008 Заява Грамадскага аб’яднання «Беларуская асацыяцыя журналістаў» аб становішчы са СМІ і свабодай выказвання ў Беларусі

Сітуацыя ў сферы сродкаў масавай інфармацыі ў Беларусі пагаршаецца, нягледзячы на дэкларацыі аб пачатку дыялогу паміж афіцыйным Мінскам і Захадам.

22.10.2008 Свабода прэсы: Беларусь сярод апошніх

Беларусь заняла 154 месца сярод 173 ў рэйтынгу свабоды СМІ за 2008 год. Гэты рэйтынг штогод вызначае ў Парыжы міжнародная праваабарончая арганізацыя "Рэпартэры бязь межаў". Справаздачы арганізацыі рыхтуюцца ў цесным супрацоўніцтве з незалежнымі журналісцкімі арганізацыямі многіх краін сьвету.

22.10.2008 Суд — завочны, штраф — рэальны

21 кастрычніка актывіст АГП і назіральнік за выбарамі ад АДС з Калінкавічаў Дзяніс Рабянок атрымаў па пошце пастанову Ельскага раённага суду. Тамтэйшы судзьдзя Сігай завочна вынес пастанову — аштрафаваць актывіста за парушэньне заканадаўства аб выбарах на 1 мільён 50 тысяч беларускіх рублёў. Гэта складае ў эквіваленце блізу 500 даляраў.

22.10.2008 Ярмошына адмаўляецца даваць лічбы

У сваім адказе актывісту Руху за Свабоду Карэну Акопаву старшыня ЦВК Лідзія Ярмошына тлумачыць адмову даваць звесткі пра колькасць тых, што галасавалі датэрмінова: маўляў, просьба актывіста не грунтуецца на нормах Выбарчага кодэксу.

21.10.2008 Сьвята паэзіі ў гонар Сыса

26 кастрычніка ў межах кампаніі «Будзьма» ў вёсцы Гарошкаў, што непадалёк ад Рэчыцы, адбудзецца свята паэзіі ў гонар Анатоля Сыса.

21.10.2008 Эўрадэпутатам не далі беларускай візы, бо ніхто й не прасіў

На працягу апошніх дзён незалежныя сродкі масавай інфармацыі ў Беларусі й за мяжою, са спасылкай на прэс-службу Эўрапарлямэнту, распаўсюджвалі інфармацыю пра заклік эўрадэпутатаў да ўладаў у Менску “зьняць забарону на ўезд у Беларусь з палітыкаў краін ЭЗ”. Як даведалася Беларуская служба Польскага радыё, гэтае паведамленьне не адпавядае сапраўднасьці, паколькі цягам апошніх двух-трох месяцаў ніводзін з эўрадэпутатаў не спрабаваў атрымаць беларускай візы.

21.10.2008 Журналіст “Газэты выборчай” Анджэй Пачобут атрымаў часовую акрэдытацыю

Журналіст “Газэты выборчай” Анджэй Пачобут атрымаў часовую акрэдытацыю Міністэрства замежных спраў Беларусі. Паводле законадаўства, на працягу 2 месяцаў журналіст будзе мець магчымасьць легальнай працы на тэрыторыі краіны.

21.10.2008 Прадпрымальнікі рыхтуюць марш пратэсту

Прыватныя гандляры з рынкаў у Беларусі пачалі падрыхтоўку да вулічнай акцыі ў Менску, якую назвалі “Маршам прадпрымальнікаў”.

20.10.2008 Чатыры гады таму забілі Вераніку Чаркасаву

20 кастрычніка спаўняецца чатыры гады з дня забойства Веранікі Чаркасавай - беларускай журналісткі, якая апошнія гады свайго жыцця працавала ў недзяржаўнай газеце «Салідарнасць».

20.10.2008 Стартаваў фотаконкурс «Будзьма беларусамі!»

Адкрытая грамадская кампанія «Будзьма!» абвяшчае конкурс фотаздымкаў. Прапанаваныя на конкурс здымкі павінны ўяўляць сабою дакументальнае ці мастацкае ўвасабленне вобразаў, партрэтаў і сітуацый, якія ў аўтараў асацыюцца з Беларуссю ці беларусамі.

20.10.2008 На весь Магілёў роднае слова вывучаюць усяго шэсць малых

Колькасць дзетак у адзінай у Магілёве беларускамоўнай садковай групе магла быць значна большай, аднак гэтаму замінаюць улады.

20.10.2008 Дэпутатам Эўрапарлямэнту не далі візаў у Беларусь

Старшыня Эўрапарлямэнту і кіраўнікі фракцыяў 16 кастрычніка заклікалі беларускія ўлады «зьняць забарону на ўезд у Беларусь з палітыкаў краін ЭЗ».

20.10.2008 Вярхоўны суд адмовіў А.Шарэнду, аштрафаванаму за акцыю прадпрымальнікаў

Вярхоўны суд не задаволіў скаргу брэсцкага актывіста апазіцыі Андрэя Шарэнды. Апазіцыянер абскарджваў штраф у 50 базавых велічыняў за ўдзел 21 студзеня 2008 года ў акцыі пратэсту прадпрымальнікаў у Мінску.

20.10.2008 Франака Вячорку дапыталі ў Шарамеццева-2

З-за допыту Франака Вячоркі самалёт у адным з маскоўскіх аэрапортаў затрымалі на цэлую гадзіну – інцыдэнт адбыўся пасля таго, як супрацоўнікі памежнай службы знайшлі моладзевага актывіста ў адмысловым спісе беларускіх невыяздных.

17.10.2008 "Дробныя хуліганы" судяцца з Берасцейскім гарвыканкамам

17 кастрычніка старшыня суда Ленінскага раёна Берасця Пётр Баброўскі пачаў разгляд скаргі 19-ці так званых "дробных хуліганаў" - грамадскіх актывістаў, якія ў розныя часы адседзелі за кратамі ў ізалятары часовага ўтрымання.