Праваабарончы цэнтр «ВЯСНА»

Навіны за Кастрычнік 2008

24.10.2008 Жыхары Дружнага збіраюцца стварыць рэспубліканскую экалагічную арганізацыю

Жыхары пасёлка Дружны (Мінская вобласць) маюць намер стварыць рэспубліканскую экалагічную арганізацыю. Аб гэтым паведаміла ўдзельніца грамадскай кампаніі супраць будаўніцтва ў рэгіёне завода па вытворчасці пестыцыдаў Анастасія Рысявец.

24.10.2008 Сахараўская прэмія — кітайскаму палітвязьню

Ляўрэатам прэміі імя Андрэя Сахарава “За свабоду думкі” стаў кітайскі палітычны актывіст Ху Цзя, які цяпер знаходзіцца ў турме. Пра гэта абвясьціў сёньня старшыня Эўрапарлямэнту Ханс-Герт Пётэрынг. На прэмію імя Сахарава вылучаўся сёлета і экс-кандыдат у прэзыдэнты, былы палітвязень Аляксандар Казулін.

23.10.2008 А.Мілінкевіч пойдзе ў Мінюст чацьвёрты раз

У Магілёве сёньня адбыўся чарговы ўстаноўчы сход грамадзкага аб’яднаньня “Рух “За свабоду”.

23.10.2008 Прадпрымальнік супраць дзяржаўнай газэты

Суд горада Баранавічы 23 кастрычніка разглядаў пазоў прадпрымальніка Мікалая Чарнавуса аб абароне гонару і годнасьці да газэты Баранавіцкага гарвыканкаму «Наш край».

23.10.2008 Рэдактара незалежнай газеты абвінавацілі ў адміністратыўным правапарушэньні

20 кастрычніка рэдактар недзяржаўнага выдання «Брестский курьер» Мікалай Аляксандраў быў выкліканы ў абласную пракуратуру, дзе мусіў даць тлумачэнні наконт скаргаў, накіраваных на газету двума жыхарамі Брэста. У выніку на сп. Аляксандрава склалі пратакол аб адміністратыўным правапарушэнні «за неналежнае выкананне заканадаўства аб зваротах грамадзян», які днямі будзе накіраваны для разгляду ў суд.

23.10.2008 З «Борисовских новостей» патрабуюць 15 тысяч долараў за маральную шкоду

Рэдакцыя газеты «Борисовские новости» атрымала зыск у суд ад рэдактаркі мясцовай газет¬ы «Адзінства», заснавальнікам якой з’яўляецца Барысаўскі раённы выканаўчы камітэт. Рэдактарка «Адзінства» Вера Пратасевіч палічыла, што ў артыкуле «Предвыборная стряпня или очередная ложь», надрукаваным у «Борисовских новостях», былі закранутыя яе гонар і годнасць.

23.10.2008 Кошт шэнгенскіх візаў пакуль не зьнізяць

У Эўрапейскага зьвязу пакуль няма плянаў пачаць перамовы зь беларускім бокам адносна зьмяншэньня кошту шэнгенскіх візаў. Пра гэта паведамілі ў прэсавай службе вярхоўнага прадстаўніка ЭЗ па зьнешняй палітыцы Хавіера Саляны.

23.10.2008 Суды над апазыцыйнымі кандыдатамі ў дэпутаты працягваюцца

У сераду Ельскі раённы суд завочна аштрафаваў актывіста АГП, назіральніка Дзяніса Рабянка быццам бы за парушэньне заканадаўства аб выбарах на 500 даляраў. Сёньня ў Баранавічах адбудзецца судовы працэс паводле пазову былога кандыдата ў дэпутаты Мікалая Чарнавуса аб абароне гонару і годнасьці. У чаканьні суду былы віцебскі міліцыянт Андрэй Левінаў.

22.10.2008 Шматдзетныя сем'і ня маюць, дзе жыць

На Віцебшчыне пустуюць больш як 600 "прэзыдэнцкіх" дамкоў, і амаль столькі ж шматдзетных сем”яў ня маюць уласнага жытла.

22.10.2008 Арганiзацыi пенсiянераў зноў адмоўлена ў рэгiстрацыi

Мiнiстэрства юстыцыi адмовiла ў рэгiстрацыi рэспублiканскага грамадскага аб'яднання беларускiх пенсiянераў "Наша пакаленне", паведамiла БелаПАН кiраўнiк iнiцыятыўнай групы па яго стварэннi Таццяна Зялко.

22.10.2008 Беларускія незалежныя газеты ізноў аказаліся «за бортам» падпісной кампаніі

Падпісная кампанія на перыядычныя выданні на 2009 год распачалася ў Беларусі тыдзень таму – 15 кастрычніка. Пра гэта прэс-службе БАЖ паведаміла намесніца начальніцы ўпраўлення распаўсюду друкаваных СМІ РУП «Белпошта» Аксана Чычко. Між тым, шэраг недзяржаўных грамадска-палітычных газет у чарговы раз не патрапілі ў падпісны каталог «Белпошты».

22.10.2008 Ці адновяць Івана Шылу ў школе?

31 кастрычніка ў Салігорскім раённым судзе будзе разглядацца справа аб выключэньні маладафронтаўца Івана Шылы са школы.

22.10.2008 ЗША пакідае санкцыі

ЗША пакуль ня бачаць неабходнасьці ў далучэньні да рашэньня Эўразьвязу аб частковым прыпыненьні візавых санкцыяў адносна беларускіх чыноўнікаў. Пра гэта ў інтэрвію Reuters заявіў намесьнік дзяржсакратара ЗША Дэйвід Мэркель.

22.10.2008 Міколу Аўтуховічу не дазволілі працаваць кіроўцам таксоўкі

Палітвязьню Міколу Аўтуховічу, якому зьняволеньне замянілі на абмежаваньне свабоды па месцы жыхарства, не дазволілі працаваць кіроўцам таксоўкі.

22.10.2008 ТБМ хоча, каб у законе аб мовах не было “ці” і “або”

Таварыства беларускай мовы імя Францішка Скарыны 26 кастрычніка правядзе Х зьезд арганізацыі. Стратэгія ТБМ – пашырэньне шэрагаў прыхільнікаў, зьмены ў законе аб мовах , беларускамоўная адукацыя. Алег Трусаў прапануе таксама Аляксандру Лукашэнку заплянаваць свой удзел у сьвяткаваньні юбілею Грунвальду.