25.03.2008 Затрыманні ў Брэсце

Раніцай 25 сакавіка ў Брэсце супрацоўнікамі ДАІ былі затрыманы актывісты Руху “За Свабоду” Канстанцін Балагура і Дзяніс Турчэняк. Ім паведамілі, што ў іх машынах нібыта перабітыя нумары.

25.03.2008 Юрыя Істоміна будуць судзіць сёньня

Юрыя Істоміна ў першай палове дня павінны даставіць у суд. Старшыня абласной арганізацыі АГП Юры Істомін і актывіст Зміцер Бандарчук былі затрыманыя на Гарадзенскім вакзале.

25.03.2008 Пікет у Віцебску скончыўся затрыманьнямі

Сёньня ў Віцебску ля “сіняга дому” мясцовыя актывісты зладзілі пікет, прысвечана 90-угодкаў утварэньня БНР. Некалькі актывістаў трымалі бел-чырвона-белыя балёнчыні і парасоны нацыянальных колераў. Жанчыны разгарнулі вышываны рушнік з сімволікай БНР. Праз некалькі хвілінаў да іх падыйшлі міліцыянты, якія затрымалі Барыса Хамайду, Алену Залескую, Антаніну Піванос і карэспандэнта Рацыі Уладзіміра Жукоўскага.

25.03.2008 Юбілейнае віншаваньне старшыні Рады БНР

Дарагія Суродзічы! Вітаю Вас зь вялікім Юбілеем у жыцыці беларускага народу: дзевяностымі ўгодкамі абвешчаньня незалежнасьці Беларускай Народнай Рэспублікі

25.03.2008 Судзілі Алеся Марачкіна. Прысуд - 5 сутак арышту

У судзе Цэнтральнага раёну Менску датэрмінова разгледжана адміністрацыйная справа мастака Аляксея Марачкіна. Суддзя Тацяна Паўлючук пакарала мастака арыштам на 5 сутак за нецэнзурную лаянку каля Цэнтральнага РУУСу Менска.

Яго пакаралі арыштам на 5 сутак.

25.03.2008 Аліеву і Напорку аштрафавалі за распаўсюд газэт

24 сакавіка ў Ленінскім судзе Менску адбыўся суд над дэмакратычнымі актывісткамі Марыяй Аліевай і Аленай Напоркай, затрыманымі 22 сакавіка ў мікрараёне Серабранка. Жанчын абвінавацілі ў распаўсюдзе газэты “Вольная Серабранка”, у якой зьмяшчаецца інфармацыя пра рыхтаванае шэсьце на Дзень Волі. Справу Алены Напоркі разглядаў судзьдзя Ігар Германовіч, справу Марыі Аліевай – судзьдзя Міхаіл Хома.

25.03.2008 Гомель: арышты за распаўсюд улётак да Дня Волі

24 сакавіка судзьдзя Цэнтральнага раёну Гомеля Марына Дамненка пакарала адміністрацыйнымі арыштамі траіх распаўсюднікаў улётак да Дня Волі. Сем сутак правядзе за кратамі 22-гадовы жыхар Рэчыцы Андрэй Стрыжак, па пяць – 21-гадовы рабочы Дзяніс Грамыка й студэнт Аляксандар Яшанаў

24.03.2008 Затрыманьні моладзі ў Віцебску

Мітынг у цэнтры Віцебска, прысвечаны 90-годдзю ўтварэньня БНР, завяршыўся затрыманьнямі. Прыкладна ў 18-30 каля помніка Уладзіміру Караткевічу сабраліся прадстазнікі палітычных партый, грамадскіх арганізацый моладзь. За акцыяй пільна сачылі супрацоўнікі Кастрычніцкага РАУСа Віцебска.

24.03.2008 Затрыманы вядомы мастак Аляксей Марачкін

У Мінску супрацоўнікамі міліцыі проста ў сваёй майстэрні затрыманы вядомы мастак, старшыня суполкі “Пагоня” Аляксей Марачкін. Сёньня ў другой палове дня ён афіцыйна абвяшчаў пра пачатак напісаньня агульнабеларускай дыктоўкі у Палацы Мастацтваў, якую ладзіла ЗБС “Бацькаўшчына”. Падрабязнасьці затрыманьня высвятляюцца

24.03.2008 Чатырох жодзінскіх актывістаў арыштавалі на сем сутак

Сёньня ў Жодзінскім гарадзкім судзе разглядаліся адміністрацыйныя справы арганізатараў акцыі, прымеркаванай да сьвяткаваньня Дня Волі. Паўла Красоўскага, Юрася Жылку, Аляксандра Камароўскага і Юрыя Сілкіна, якіх абвінавацілі ў арганізацыі несанкцыянаванай акцыі, пакаралі арыштам на сем сутак кожнага.

24.03.2008 Міліцыянты папярэджваюць актывістаў

Да актывіста Руху “За Свабоду” з Кобрына Алеся Меха 23 сакавіка прыйшлі супрацоўнікі міліцыі Кобрынскага РАУС з патрабаваннем падпісаць дакументы, што актывіст папярэджаны аб адміністрацыйнай адказнасці за ўдзел у несанкцыянаваным мітынгу і распаўсюд газет без выходных дадзеных.

24.03.2008 Кэдэбісты штурмуюць кватэру моладзевага актывіста Зьміцера Ясевіча

У гэта час, як толькі што паведаміў актывіст Маладога Фронту, Зьміцер Ясевіч, у яго кватэру спрабуюць прайсьці супрацоўнікі КДБ і байцы спэцназу. Прадстаўнікі праваахоўных ворганаў зараз спрабуюць адчыніць дзьверы, ня маючы на гэта аніякіх афіцыйных дазволаў.

24.03.2008 Святара аштрафавалі за набажэнства

6 сакавіка ў судзе горада Жодзіна адбыўся суд па адміністратыўным матэрыяле начальніка Жодзінскага ГАЎС Шляхціна В.М. на адміністратара-пастара Царквы Хрысьціянаў Веры Эвангельскай “Царква Сьвятой Тройцы” Валянціна Лугоўскага. Яму прысудзілі штраф у памеры 175 000 руб. за парушэньне Закона “Аб масавых мерапрыемствах у РБ”.

24.03.2008 Маладафронтаўцаў зноў штрафуюць

На паседжаньні камісіі па справах непаўнагадовых салігорскага выканкаму 24 сакавіка было прынята рашэньне пакараць штрафам актывістаў моладзевага нацыянальнага руху Хрысьціну Самойлову,Рыгора Астапеню і Івана Шылу ды ягонага бацьку Ўладзімера.

24.03.2008 Журналістку Ірыну Халіп выклікалі ў пракуратуру

Вядомая журналістка Ірына Халіп была выкліканая ў пракуратуру Менска для дачы тлумачэння з нагоды публікацыі на сайце www.charter97.org яе артыкула «Забойства ў прамым эфіры», напісанага ў дзень смерці Ірыны Казулінай.