Праваабарончы цэнтр «ВЯСНА»

Навіны за Студзень 2008

26.01.2008 У Гародні ізноў затрыманы Уладзімір Ларын, у офісе АГП прайшоў ператрус

Сёньня ў другой палове дня на адным з гарадзенскіх рынкаў супрацоўнікамі міліцыі быў затрыманы мясцовы актывіст, адзін з лідэраў гарадской арганізацыі АГП Уладзімір Ларын. Яго неўзабаве даставілі ў Ленінскі РАУС Гародні.

26.01.2008 Гарадзенскія “даішнікі” ўпалявалі праваабаронцу Віктара Сазонава

У Гародні раніцай 26 студзеня супрацоўнікі ДАІ спынілі аўтамабіль мясцовага праваабаронцы і актывіста Віктара Сазонава. Даішнікі, верагодна доўга чакалі ў двары, калі аўтамабіль кранецца з месца. Але не тэхнічны стан аўтамабіля цікавіў іх: найперш яны намагаліся знайсьці зачэпку, каб затрымаць старшыню Гарадзенскай абласной арганізацыі партыі Грамада (БСДГ) Віктара Сазонава і старшыню Гарадзенскай абласной арганізацыі партыі БНФ Сяргея Мальчыка, які таксама знаходзіўся ў аўтамабілі.

25.01.2008 Зьміцер Жалезьнічэнка абвясьціў галадоўку

Зранку ў ваенкамаце Зьмітра прымусілі тэрмінова прайсьці мэдычны агляд. Хлопец у апошнія дні цярпеў на высокі крывяны ціск, прымаў лекі, меў даведку, але камісія не зьвярнула ўвагі на гэтую акалічнасьць. Адлічанаму студэнту прыставілі суправаджальніка, і ён вадзіў Зьмітра ад дзьвярэй да дзьвярэй.

25.01.2008 На час візіту Лукашэнкі ў Жодзіне актывіста трымаюць пад хатнім арыштам

Пад хатнім арыштам утрымліваюць сёння ў Жодзіне Смалявіцкага раёна старшыню міжнароднага грамадскага аб’яднання “Саюз Чарнобыль Беларусі” Аляксандра Валчаніна. У яго кватэры адключаны тэлефон і доступ да Інтэрнэту.

25.01.2008 Рабочыя патрабуюць звальнення дырэктара

Шэсцьдзесят iнвалiдаў па зроку, якiя працуюць на гомельскiм прыватным унiтарным прадпрыемстве "Святлатэхнiка", падпiсалiся пад адозвай да прэзiдэнта Беларусi з просьбай аб змене дырэктара прадпрыемства.

25.01.2008 Што рабіць невінаватаму асуджанаму?

Ня ўсе прысуды бываюць справядлівыя. Што рабіць невінаватаму, чыя віна прызнаная судом? Якімі шляхамі шукаць вызваленьня?

25.01.2008 Плануецца міжнародная канферэнцыя па сітуацыі са СМІ ў Беларусі

Міжнародная канферэнцыя па сітуацыі з мас-медыя ў Беларусі, магчыма, адбудзецца ў траўні г. г. Такая ініцыятыва абмяркоўвалася 24 студзеня ў Страсбургу на паседжанні падкамітэту па СМІ камітэту Парламенцкай асамблеі Рады Еўропы па культуры, навуцы і адукацыі, — паведаміла прэс-службе ГА «БАЖ» адна з удзельніц сустрэчы, кіраўніца брусельскага «Офісу за дэмакратычную Беларусь» Вольга Стужынская.

25.01.2008 Брыль і Сапега нарэшце прапісаліся на менскіх вуліцах

Міністэрства юстыцыі зацвердзіла рашэнне Мінскага гарсавета па прысваенні новым вуліцам сталіцы імёнаў народнага пісьменніка Беларусі Янкі Брыля і канцлера Вялікага княства Літоўскага Льва Сапегі.

25.01.2008 Супраць Андрэя Кіма ўзбуджана крымінальная справа

На Андрэя Кіма, затрыманага 21 студзеня пасьля мітынгу прадпрымальнікаў, заведзена крымінальная справа паводле арт. 364 КК РБ («гвалт, альбо пагроза гвалту ў адносінах да работніка міліцыі»). Пра гэта паведаміла «НН» маці хлопца Тацяна Кім.

25.01.2008 Зьмітра Жалезьнічэнку тэрмінова забіраюць у войска

Як паведаміла маці адлічанага студэнта Ала Фёдараўна, сёньня раніцай Зьміцер адправіўся ў ваенкамат па позве, каб паведаміць, што ён хварэе і раённы тэрапеўт накіраваў яго ў паліклініку па месцы вучобы (дыягназ - гіпертанія), аднак у ваенкамаце на гэта не зьвярнулі ніякай увагі. Менавіта зараз гомельскага моладзевага актывіста, студэнта-выдатніка, адлічанага з вучобы па палітычных матывах, ужо афармляюць дакументы для службы ў чыгуначных вайсках у Жлобін.

24.01.2008 У Гомелі парушаюцца правы працоўных хімзаводу.

Ужо паўгады супрацоўнікі гомельскага хімічнага заводу вымушаныя штодня пераадольваць больш за тры кіламетры пехатой, каб дабрацца да працы. Учора такая сітуацыя скончылася смяротным сыходам.

24.01.2008 Горкі: 500 подпісаў супраць АЭС

Горацкія грамадзкія актывісты сабралі больш за пяцьсот подпісаў жыхароў раёну супраць будаўніцтва атамнай электрастанцыі.

24.01.2008 Канферэнцыя міжнародных няўрадавых арганізацый Рады Еўропы заклікала вызваліць Здвіжкова

Удзельнікі Канферэнцыі міжнародных няўрадавых арганізацый Рады Еўропы заклікалі беларускія ўлады даць магчымасць існаваць незалежным СМІ і вызваліць усіх палітвязняў, сярод якіх яны назвалі Аляксандра Здвіжкова. Пра гэта гаворыцца ў адмысловай рэзалюцыі па Беларусі, прынятай у Страсбургу 22 студзеня.

24.01.2008 У Беларусі будзе свой “Інстытут нацыянальнай памяці”

У Менску заснаваны аргкамітэт для стварэньня грамадзкай арганізацыі “Інстытут нацыянальнай памяці”. Адначасна аднаўляе працу грамадзкі трыбунал для дасьледаваньня злачынстваў сталінізму ў Беларусі.