Праваабарончы цэнтр «ВЯСНА»

Навіны за Студзень 2008

24.01.2008 Актывіст Руху беларусізуе Акрэсціна

Памочнік Аляксандра Мілінкевіча Алесь Лагвінец распрацаваў беларускамоўны бланк заявы на прыём перадачаў арыштаваным.

24.01.2008 БКДП вінаваціць пракуратуру ў бязьдзейнасьці

Беларускі кангрэс дэмакратычных прафсаюзаў зьвярнуўся да гэнэральнага пракурора Пятра Міклашэвіча з заявай на бязьдзейнасьць пракуратуры Ленінскага раёну Менску. Больш за месяц БКДП не атрымоўвае ад раённага пракурора адказу на заяву аб неправамоцных дзеяньнях міліцыі.

24.01.2008 Створаная ініцыятыва «Эўрапейская Беларусь»

Намесьнік старшыні Партыі БНФ Віктар Івашкевіч, лідэр БСДП «НГ» Мікола Статкевіч, каардынатар «Хартыі-97» Андрэй Саньнікаў і былы палітвязень Міхаіл Марыніч на сёньняшняй прэс-канфэрэнцыі заявілі пра стварэньне ініцыятывы «Эўрапейская Беларусь».

24.01.2008 З вяртаннем на волю, Зміцер!

Аляксандр Мілінкевіч пра вызваленне Зміцера Дашкевіча.

24.01.2008 Вінцук Вячорка: "Непрадказальныя рашэньні - сьведчаньне адсутнасьці судовай сыстэмы ў краіне"

23 студзеня паводле рашэньня суду са шклоўскай калоніідатэрмінова вызвалены палітвязень, моладзевы лідэр Зьміцер Дашкевіч

24.01.2008 Суд прызнаў Аляксандра Крутога віноўным і накіраваў яго на лячэньне

У Нясьвіжскім судзе абвешчаны прысуд па крымінальнай справе Аляксандра Крутога. Ён прызнаны віноўным у зьдзяйсьненьні крымінальнага злачынства па арт. 368 КК РБ - публічная абраза прэзідэнта краіны. У сувязі з тым, што дзеяньні асуджанага не нясуць вялікай пагрозы для грамадзтва, Аляксандр Круты вызвалены ад пакараньня, а крымінальная справа спыненая. Паколькі падчас сьледства ў дачыненьні да абвінавачанага праводзілася судова-медыцынская экспертыза, якая ўстанавіла, што Аляксандр Круты хворы на паранаідальную шызафрэнію, матэрыялы накіраваныя ў медустанову з мэтай правядзеньня стацыянарнага лячэньня ва ўмовах звычайнага рэжыму.

24.01.2008 Зьміцер Дашкевіч: Турма толькі ўмацавала маю веру

Гутарка са Зьмітром Дашкевічам адбываецца празь некалькі гадзін пасьля ягонага вызваленьня. Мы вяртаемся на адной машыне ў Менск з Воршы, куды Зьміцер змог дабрацца з шклоўскай калёніі. Здаецца, што размова не пачнецца ніколі, бо тэлефон былога палітвязьня проста разрываецца — жадаючых паразмаўляць з Дашкевічам вельмі шмат, ён жа нікому ня можа адмовіць. Нарэшце, на маё шчасьце, у мабільніку садзіцца батарэя і я спакойна магу ўключыць дыктафон.

24.01.2008 Палітвязень Зьміцер Дашкевіч на волі!

23 студзеня са Шклоўскай калёніі вызвалілі Зьмітра Дашкевіча. Палітвязень сам пазваніў сябрам з пошты Шклову і сказаў, што яго вызвалілі датэрмінова паводле рашэньня суду. Пра гэта паведаміла журналістка “Нашай Нівы” Юлія Дарашкевіч.

23.01.2008 Беларуская літаратура і сучасны кнігагандаль

У Беларусі змяншаюцца наклады кніг на беларускай мове, але павялічваецца колькасць назваў. Ці ёсць іх выданне бізнесам ва ўмовах цяперашней сітуацыі ў кніжным гандлю і стаўлення дзяржавы да беларускай мовы?

23.01.2008 КДБ цікавіцца замежнымі канфэрэнцыямі

КДБ выклікала на гутарку Вольгу Лісаковіч, якая ўдзельнічала ў жаночай канфэрэнцыі ў Вільні.

23.01.2008 Гомельшчына: замоўлена 57 пікетаў у падтрымку апазыцыйных партыяў

На пачатак лютага на Гомельшчыне замоўлены мітынг і 57 пікетаў у падтрымку ПКБ, іншых апазыцыйных структураў і грамадзкіх арганізацыяў.

23.01.2008 Суд над Аляксандрам Крутым: “Псіхіятрыя ў якасьці зброі супраць палітычных апанентаў”

Сёньня ў Нясьвіжы ў 16-00 будзе абвешчаны прысуд па крымінальнай справе Аляксандра Крутога. Ён абвінавачваецца ў публічнай абразе прэзідэнта яшчэ ў траўні 2003 года (артыкул 368 Крымінальнага Кодэксу РБ). Адвакатам на судзе выступае Марыяна Сямешка. Гэты працэс атрымаў шырокі грамадскі рэзананс, паколькі пад час сьледства ў дачыненьні да Крутога праводзілася судова-медыцынская экспертыза, якая ўстанавіла, што А. Круты хворы на паранаідальную шызафрэнію. Вось як ацэньвае ганебную практыку выкарыстаньня карнай псіхіятрыі віцэ-прэзідэнт Міжнароднай федэрацыі правоў чалавека Алесь Бяляцкі: “Мы, праваабаронцы, глыбока занепакоены тым фактам, што псіхіятрыя ў Беларусі ўсё часьцей і часьцей выкарыстоўваецца ў якасьці зброі супраць палітычных апанентаў улады. Гэтая форма ўціску на дэсідэнтаў была шырока распаўсюджаная ў Савецкім Саюзе. За 2007 год мы адзначылі некалькі выпадкаў ужываньня псіхіятрыі як сродка пакараньня ці ўціску на грамадзкіх і палітычных актывістаў.

23.01.2008 Апошні прысуд затрыманаму пад час акцыі 21 студзеня – 15 сутак арышту

Прадпрымальнік з Гомеля Няпомняшчы Уладзімір быў затрыманы пад час акцыі прадпрымальнікаў 21 студзеня, ноч правеў у спецпрыёмніку-размеркавальніку на Акрэсьціна. Аднак учора ягоны лёс так і ня быў высветлены. Як стала вядома ПЦ “Вясна”, ён быў асуджаны судом Маскоўскага раёну Менска на 15 сутак адміністрацыйнага арышту. Такім чынам агульная колькасьць пакараных рашэньнямі судоў удзельнікаў мітынгу прадпрымальнікаў склала 22 чалавекі.

23.01.2008 Жалезьнічэнку і Салаўёву паўторна адлічылі

Улады працягваюць перасьлед актыўнай студэнцкай моладзі. Па другому разу адміністрацыі ВНУ адлічылі раней адноўленых на вучобе студэнтаў Зьмітра Жалезьнічэнку з Гомелю і Кацярыну Салаўёву з Полацку.