Праваабарончы цэнтр «ВЯСНА»

Навіны за Верасень 2007

13.09.2007 Рэчыцкіх дэмакратаў папярэджваюць аб прэвентыўных арыштах падчас “Дажынак”

Як паведаміў лідэр мясцовых прадпрымальнікаў Леанід Невар, 21-22 верасня ў Рэчыцы адбудзецца афіцыйнае свята працаўнікоў вёскі “Дажынкі 2007”. Гарадскія ўлады займаюцца не толькі добраўпарадкаваннем цэнтральных вуліцаў і месцаў масавага адпачынку. Як стала вядома Рацыі, рэчыцкае кіраўніцтва засцерагаецца праблемаў, якія нібыта могуць стварыць ім мясцовыя дэмакраты напярэдадні рэспубліканскага фэста.

13.09.2007 У Баранавіч асуджаны маці і дачка Шакуцькі

У Баранавічах прайшлі адміністрацыйныя суды над Ганнай і Тацянай Шакуцька. Маці і дачка былі затрыманы міліцыянтамі 10 верасьня разам з 23 актывістамі, якія сабраліся падтрымаць актывіста “Маладога Фронту” Яраслава Грышчэню.

13.09.2007 Іллю Богдана будуць судзіць за летнік моладзі БНФ

Намесьнік старшыні Рады моладзі БНФ Ілля Богдан атрымаў позву ў суд Заводзкага раёну гораду Менску.

13.09.2007 “Справа Алейніка” жыве і перамагае: з ГДУ адлічылі студэнта-выдатніка

Дэкан матэматычнага факультэту Гомельскага дзяржаўнага ўнівэрсытэту імя Францішка Скарыны Сяргей Жогаль уручыў студэнту-выдатніку 3 курсу Зьміцеру Жалезьнічэнку выпіску з загаду рэктара Аляксандра Рагачова пра адлічэньне з унівэрсытэту. Афіцыйна ў загадзе напісана: “за сыстэматычнае парушэньне Правілаў унутранага распарадку ўнівэрсытэту”.

12.09.2007 Што патрэбна КДБ ад Сяргея Ушакова, або Пра стыль і метады “работы” гэтага ведамства на правінцыі

Намеснік начальніка аддзелу збыту ў краіны далёкага замежжа ЗАТ “Бабруйскмэбля” Сяргей Ушакоў быў зьдзіўлены, калі напрыканцы чэрвеня да яго на працу завітаў оперупаўнаважаны мясцовага КДБ Аляксандр Харашкевіч і прадставіўся "куратарам прадпрыемства ад КДБ" (ёсьць такая пасада, хаця “Бабруйскмэблю” курыруе іншы супрацоўнік). Гэты “спец” быў вядомы Сяргею раней, паколькі пра яго распавядаў аднакласнік Максім Нэафіт Буйніцкі, якога ўвесну выклікалі на допыты па справе “Маладога Фронту”.

12.09.2007 Каго затрымалі ля помніка “Жалезнаму Фэліксу”?

На перасячэньні вуліц К. Маркса і Леніна беспадстўна затрыманыя сябры моладзі БНФ Франак Вячорка, Сьцяпан Сьвідзерскі, Макар Ваўчок, Саша Клімовіч, Кацярына Рамашэўская і Наста Птушка. Моладзь затрымалі каля аддзелу міліцыі быццам бы для высьвятленьня асобаў. Падчас допыту прысутнічалі высокапастаўленыя асобы ў тым ліку начальнік гарадзкой міліцыі Аляксандр Найдэнка.

12.09.2007 Ля помніку Дзяржынскаму ў Менску затрымалі 7 актывістаў Партыі БНФ

Супрацоўнікі міліцыі затрымалі 7 моладзевых актывістаў Партыі БНФ. Маладыя людзі спрабавалі зладзіць флэш-моб каля помніка Фэліксу Дзяржынскаму. На дадзены момант у гарадзкім аддзеле ўнутраных справаў міліцыянты перапісалі пашпартныя зьвесткі затрыманых, ідзе разьбіраньне.

12.09.2007 Францыя асудзіла затрыманьні моладзі ў Баранавічах і адмову ў рэгістрацыі “Вясны”

Міністэрства замежных спраў Францыі распаўсюдзіла заяву з асуджэньнем факту масавых затрыманьняў пад час суду над актывістам “Маладога фронту” ў Баранавічах. У прыватнасьці, у заяве намесніка прэс-сакратара міністэрства, адзначаецца, што “Францыя асуджае затрыманьне ў панядзелак у Баранавічах (Беларусь) каля дваццаці маладых апазіцыянераў перад будынкам суду, у якім пачынаўся працэс над іхнім сябрам Яраславам Грышчэнем, актывістам моладзевага руху " Малады Фронт ". Яна таксама асуджае здзейсьненае пры тых жа акалічнасьцях затрыманьне двух журналістаў-фатографаў Агенцтва Франс Прэс і Рэйтэрс пры выкананьні імі сваіх прафесійных абавязкаў.

12.09.2007 “Дробным хуліганам” Пушкіну і Янушэўскаму – па сем сутак

У Воршы завяршыўся разгляд адміністрацыйных спраў мастака Алеся Пушкіна і актывіста Аляксея Янушэўскага. Прычым, як паведаміў мясцовы праваабаронца Васіль Леўчанкоў, затрыманых міліцыянты даставілі ў памяшканьне праз службовы ўваход, не папярэдзіўшы па пачатак разгляду судовай справы. Праваабаронцы склалі заяву аб прызнаньні незаконным “закрытага” характару адміністрацыйнай справы і перадалі ў канцылярыю Аршанскага суду. Яны трапілі на суд толькі пасьля перапынку.

12.09.2007 Дзярждэпартамэнт ЗША асудзіў апошнія рэпрэсіі ў Беларусі

Прэсавы сакратар Дзярждэпартамэнту ЗША Шон Мак-Кормак сёньня выступіў з заявай "Рэпрэсіі ў Беларусі". У заяве канстатуецца, што "беларускія ўлады ўзмацнілі кампанію запалохваньня сваіх грамадзян".

12.09.2007 Закрыты суд у Воршы: спроба №3

У Воршы пачаўся разгляд адміністрацыйных спраў мастака Алеся Пушкіна і актывіста Аляксея Янушэўскага. Прычым, як паведаміў мясцовы праваабаронца Васіль Леўчанкоў, затрыманых міліцыянты даставілі ў памяшканьне праз службовы ўваход, не папярэдзіўшы па пачатак разгляду судовай справы. Праваабаронцы склалі заяву аб прызнаньні незаконным “закрытага” характару адміністрацыйнай справы і перадалі ў канцылярыю Аршанскага суду.

11.09.2007 ТБМ запрашае абмеркаваць зьмены ў правапісе

У сувязі са з’яўленнем на афіцыйным сайце Міністэрства адукацыі Праекта Закона «Аб змяненнях у беларускім правапісе і пунктуацыі», Таварыства беларускай мовы распачало кампанію па арганізацыі грамадскага абмеркавання. Паводле Заявы Сакратарыята ТБМ, прынятай 31 жніўня, плануецца правядзенне круглага стала.

11.09.2007 У Мінску ўручылі прэміі імя Дзмітрыя Завадскага і дыплом імя Ігара Герменчука

10 верасьня ў Мінску тры беларускія журналісты – Генадзь Барбарыч, Анатоль Гатоўчыц і Наталля Макушына – атрымалі прэміі Дзмітрыя Завадскага “За мужнасць і прафесіяналізм”, якую штогод уручаюць расійскі “Первый канал” і ГА “Беларуская асацыяцыя журналістаў”. Цырымонія ўручэння была прымеркаваная да Міжнароднага дня салідарнасці журналістаў, які адзначаўся 8 верасня.

11.09.2007 Пракуратура Віцебскага раёну адмовіла былому дэпутату Палаты прадстаўнікоў Сяргею Скрабцу ўзбудзіць крымінальную справу.

Сяргей Скрабец перакананы, што ў калёніі “Віцьба-3” махляры падрабляюць асабісты подпіс Аляксандра Казуліна.

11.09.2007 Школьнікаў, якія наведвалі «Свабодны тэатр», выклікаюць у КДБ

Ужо трох наведвальнікаў спектаклю 22 жніўня, затрыманых міліцыяй, выклікалі ва Ўпраўленьне ўнутраных спраў і КДБ, паведаміла дырэктарка «Свабоднага тэатру» Натальля Каляда, . Усе выкліканыя — непаўналетнія навучэнцы менскіх школаў. Падчас «размоў» іх упэўнілі, што яны ня змогуць паступіць у ВНУ Беларусі, а пры паўторным наведваньні «Свабоднага тэатру» будуць “адлічаныя са школ”.