Праваабарончы цэнтр «ВЯСНА»

Навіны за Верасень 2007

11.09.2007 Яраслава Грышчэню аштрафавалі на 930 тысячаў рублёў і вярнулі кампутар

Сёньня ў Баранавічах абвешчаны прысуд па справе актывіста “Маладога фронту” Яраслава Грышчэні. Нагадаем, што пракурор прапанаваў пакараць актывіста турэмным зьняволеньнем на 1 год умоўна. Аднак суддзя Васіль Петрыў прыняў рашэньне аб пакараньні Грышчэні штрафам у памеры 30 базавых велічынь, або 930 тысяч рублёў. Акрамя таго Яраславу Грышчэню будзе вернуты сканфіскаваны кампутар.

11.09.2007 Лідэр моладзі БНФ Алесь Каліта выйшаў на волю

Сёньня ў Салігорску выйшаў на волю Алесь Каліта. Нагадаем, што яго звінавацілі ў парушэньне парадку арганізацыі і правядзеньня масавых мерапрыемстваў (артыкул 23.34 Адміністратыўнага Кодэксу РБ) і асудзілі 5 верасьня на сем сутак арышту. Лідэр "Моладзі БНФ" Алесь Каліта сёлета тройчы адбываў пакараньне арыштамі.

11.09.2007 Алесь Пушкін і Аляксей Янушэўскім ізноў у Аршанскім РАУСе

Сёньня, пад час разгляду адміністратыўных спраў у дачыненьні мастака Алеся Пушкіна і актывіста Аляксея Янушэўскага суддзя Тацяна Рыбакова вынесла пастанову спыніць судовае разбіральніцтва.

11.09.2007 У судзе над Пушкіным і Янушэўскім абвешчаны перапынак

Мастака Алеся Пушкіна вінавацяць у крадзяжы дзяржаўнага сьцяга з памяшканьня Аршанскага РАУСа. Сёньня пры разглядзе адміністратыўнай справы высветлілася, што сьцяг каштуе 9 800 рублёў. Пасля апытаньня сьведкаў суддзя Тацяна Рыбакова абвясьціла перапынак на гадзіну.

11.09.2007 Стыхійны страйк у Салігорску

Роўна суткі з 8 па 9 верасьня доўжыўся страйк на салігорскіх шахтах. У ноч з 8 га на 9 га верасьня была спынена здабыча руды, паведамляе сайт Saligorsk.org. Страйкавалі працоўныя ўсіх чатырох руднікоў, 80% здабываючых участкаў былі спыненыя. Шахцёры патрабавалі сустрэчы з адміністрацыяй прадпрыемства, а таксама падвышэньня заробкаў. Забастоўка была стыхійная і насіла папераджальны характар. На дадзены момант адміністрацыя прадпрыемства ўступіла ў перамовы з удзельнікамі страйку.

11.09.2007 А.Пушкін: "Вы мне спэктакль – і я вам!"

Сёньня ў Воршы зноў будуць судзіць мастака Алеся Пушкіна і менскага моладзевага актывіста Аляксея Янушэўскага. Судовы працэс над імі распачаўся ўчора. Іх вінавацяць у крадзяжы дзяржаўнага сьцяга з аршанскага райаддзелу міліцыі. Учора судзьдзя Тацяна Рыбакова задаволіла хадайніцтвы Алеся Пушкіна і Аляксея Янушэўскага што да ўдзелу ў працэсе адвакатаў. Аднак невядома, ці будуць выкананыя астатнія патрабаваньні.

11.09.2007 Севярынца асудзілі, Грышчэня чакае прысуду сёньня

10 верасьня вечарам у Баранавічах быў абвешчаны прысуд Паўлу Севярынцу. Яго абвінавацілі адразу па трох артыкулах Адміністратыўнага кодэксу РБ: дробнае хуліганства (дудзеў у свісток), непадпарадкаваньне патрабаваньням міліцыі і арганізацыі і удзеле ў несанкцыянаваным мітынгу. Усё разам “пацягнула” на 17 сутак і 620 тысячаў штрафу ( 20 базавых велічыняў) Такія вялікія суткі даюцца ўпершыню, паводле новага заканадаўства.

10.09.2007 Суды над Алесем Пушкіным і Аляксеем Янушэўскім адкладзены на заўтра

Суды над затрыманымі ў Воршы мастаком Алесем Пушкіным і актывістам Аляксеем Янушэўскім перанесены назаўтра. Як паведаміў мясцовы праваабаронца Васіль Леўчанкоў, затрыманых прывезьлі да будынку суда яшчэ ў 15 гадзін. Але па невядомай прычыне суд адкладваўся і зараз затрыманых актывістаў Алеся Пушкіна і Аляксея Янушэўскага , адвезьлі назад у РАУС.

10.09.2007 Сяргея Сямёнава зноў будуць судзіць за беларускую мову

На гомельскага актывіста Сяргея Сямёнава зноў склалі пратакол за патрабаваньне беларускамоўнага блянка мытнай дэклярацыі. 9 верасьня супрацоўнікі гомельскай мытні абвінавацілі маладзёна ў правапарушэньні па артыкуле 23.4 - непадпарадкаваньне законным патрабаваньням службовай асобы.

10.09.2007 Баранавічы: Моладзевых актывістаў чакаюць новыя суды

Выпушчаныя на свабоду адзінаццаць моладзевых актывістаў, затрыманых сёньня раніцай на ганку Баранавіцкага суду, куды яны прыйшлі, каб выказаць падтрымку Яраславу Грышчэню, суд над якім адбываецца сёньня.

10.09.2007 Суды ў Баранавічах працягваюцца

На судзе над Яраславам Грышчэнем абвешчаны чарговы перапынак. Мяркуецца заслухаць паказаньні яшчэ аднаго сьведкі -- участковай па справах непаўналетніх Вараксы. Некалі Яраслаў Грышчэня пры ёй пісаў заяву аб выхадзе з «Маладога фронту». Але адбылося тое у адсутнасьць бацькоў.

10.09.2007 Міліцыя шукае адвакатаў для Алеся Пушкіна і Аляксея Янушэўскага

Суды над затрыманымі ў Воршы мастаком Алесем Пушкіным і актывістам Аляксеем Янушэўскім дагэтуль не пачаліся. Як паведамляе мясцовы праваабаронца Васіль Леўчанкоў, затрыманых прывезьлі да будынку суда яшчэ ў 15 гадзін. Але па невядомай прычыне суд адкладваўся і зараз Алеся Пушкіна, адвезьлі назад у РАУС, а для Аляксея Янушэўскага тэрмінова выклікаецца адвакат.

10.09.2007 Алеся Пушкіна і Аляксея Янушэўскага трымаюць у аўтамабілі каля будынку Аршанскага суда

Суды над затрыманымі ў Воршы мастаком Алесем Пушкіным і актывістам Аляксеем Янушэўскім дагэтуль не пачаліся. Як паведамляе мясцовы праабаронца Васіль Леўчанкоў, затрыманых прывезьлі да будынку суда яшчэ ў 15 гадзін. Але па невядомай прычыне суд адкладваецца. Верагодна праваахоўнікі і суддзя чакаюць, калі раз’едзецца моладзь, якая дзяжурыць каля будынку суда. Але існуе верагоднасьць, што ў міліцыі раяцца наконт узбуджэньня крымінальнай справы супраць Алеся Пушкіна, якога падазраюць у апаганьваньні дхзяржаўнай сымволікі.

10.09.2007 Андрэй Бастунец: Прысуд Клімаву паказвае ўсю неабгрунтаванасць заяваў пра «бескантрольнасць» Інтэрнэту

Увечары 7 верасня стала вядома, што грамадскі актывіст Андрэй Клімаў ужо больш як месяц таму асуджаны на 2 гады пазбаўлення волі за распаўсюд праз Інтэрнэт заклікаў супраць дзейнай улады. Пра гэта паведаміла 8 верасня Радыё “Свабода” са спасылкай на прэсавага сакратара пракуратуры г. Мінска Алега Агафонава. Дагэтуль у пракуратуры журналістам увесь час казалі, што справа Андрэя Клімава яшчэ расследуецца.

10.09.2007 Прадпрымальнікі мітынгуюць на Бангалоры

Людзі сабраліся - некалькі соцень - а 12-й гадзіне на сталічнай плошчы Бангалор у парку Дружбы народаў. Заяўку на правядзенне мітынгу падалі 12 актывістаў аб'яднання "Перспектыва", у тым ліку старшыні некалькіх радаў прадпрымальнікаў рынкаў з Мінска, Гомеля, Віцебска і іншых гарадоў.