Навіны на тэму: выбары-2012
05.10.2012 Неверагодныя “ўдакладненні” салігорскай акруговай камісіі
Выбарчая камісія па Салігорскай сельскай выбарчай акрузе №69 патлумачыла прычыну знікнення 12% выбарцаў на ўчастку для галасавання №76. Адказ незалежнаму назіральніку Уладзіміру Шылу даслала старшыня акруговай камісіі Таццяна Ярота.
05.10.2012 Баранавічы: ні пракурор, ні АВК не разглядаюць скаргу назіральніка па сутнасці
Намесніца старшыні АВК №6 Ларыса Антонава замест аб’ектыўнага вывучэння заявы і акта парушэння выбарчага заканадаўства абвінаваціла назіральніка Віктара Мезяка ў тым, што гэта ён парушыў артыкул 13 Выбарчага кодэкса і ўмешваўся ў працу выбарчай камісіі.
05.10.2012 Гомельская-Савецкая АВК адмаўляецца пераглядаць вынікі выбараў
«Падстаў для прызнання выбараў па Гомельскай-Савецкай акрузе №34 несапраўднымі няма», - такі адказ атрымаў былы кандыдат у дэпутаты па дадзенай акругі Ігар Случак, які накіроўваў скаргу аб завышэнні яўкі ў АВК і ЦВК.
05.10.2012 Магілёўскі назіральнік за выбарамі просіць НАН праверыць тэорыю верагоднасці
Адпаведны ліст былы назіральнік за выбарамі на ўчастку №53 Магілёўскай-Цэнтральнай выбарчай акругі №85 накіраваў у гэтую дзяржаўную ўстанову. Нагодай для звароту ў Акадэмію навук сталі вынікі галасавання, якія, паводле Паўлоўскага, цалкам ставяць пад сумнеў тэорыю верагоднасці.
04.10.2012 Гамяльчук патрабуе азнаямлення са спісам выбарцаў на яго ўчастку
Жыхар Гомеля Эдуард Нелюбовіч накіраваў заяву ў Цэнтральнуюю камісію па выбарах, ён просіць прадставіць яму магчымасць азнаёміцца са спісам выбарцаў па яго ўчастку для галасавання ў той частцы, якая мае адносіны да яго як выбарца.
04.10.2012 У Магілёве прызнаць выбары несапраўднымі не атрымалася
Магілёўская-Цэнтральная акруговая выбарчая камісія №85 не задаволіла скаргу былой кандыдаткі ў дэпутаты Анастасіі Войтавай.
03.10.2012 ЦВК на ўсе скаргі гомельскіх назіральнікаў дасылае аднолькавыя адказы
Скаргі назіральнікаў у асноўным тычыліся фальсіфікацый з яўкай выбарцаў, якая завышалася ў сярэднім у два разы. Яны прасілі правесці паўторны падлік галасоў на розных участках. Назіральнікі атрымалі аднолькавыя адказы з ЦВК, дзе напісана, што візуальны падлік галасоў не мае прававога значэння, паколькі такая працэдура не прадугледжана выбарчым заканадаўствам.
03.10.2012 Брэст: экс-кандыдат падае ў суд на дзяржаўную газету
Былы кандыдат у дэпутаты па Брэсцкай-Памежнай выбарчай акрузе №4 Анатоль Новік, які вылучаўся ад Беларускай партыі левых “Справядлівы свет”, мае намер прыцягнуць да адказнасці раённую газету “Заря над Бугом” - за паклёп.
03.10.2012 Гомельшчына: выбарцы вельмі любяць начальнікаў
Раённыя газеты Гомельскай вобласці нарэшце надрукавалі вынікі выбараў у Палату прадстаўнікоў. Пры высокай яўцы (больш за 91% - па Хойніцкай акрузе, і больш за 80% - па некаторых іншых) начальнікі-кандыдаты «перамаглі» з высокімі адсоткамі. Наогул, такім адсоткам, якія сведчаць пра поўную любоў выбарцаў да кандыдатаў-начальнікаў, пазайздросцілі б кандыдаты ўсіх краінаў свету. Прычым пры амаль поўнай адсутнасці агітацыйнай кампаніі.
03.10.2012 Больш за палову чытачоў “Intex-press” прынцыпова праігнаравалі выбары
Толькі 14 % наведвальнікаў сайта газеты “Intex-press”, якія паўдзельнічалі ў апытанні, адзначылі, што галасавалі ў асноўны дзень выбараў 23 верасня.
02.10.2012 Чарговы суд па справе назіральніка Гоўшы адбудзецца 4 кастрычніка
Праваабаронца не пагадзіўся з рашэннем cуддзі Баранавіцкага гарадскога суда Васіля Петрыва і напісаў скаргу ў Брэсцкі абласны суд на неаб’ектыўны разгляд яго адміністратыўнай справы.
02.10.2012 Барысаў: назіральнік прапанаваў пракурору завесці на яго крымінальную справу за ілжывы данос
Назіральнік ад кампаніі «За справядлівыя выбары» Васіль Лапацін, які прысутнічаў увесь дзень на ўчастку № 25 Барысаўскай гарадской выбарчай акругі № 62, напісаў заяву ў пракуратуру Барысаўскага раёна.
02.10.2012 Парламенцкія выбары ў рэгіянальным зрэзе: Баранавічы
Яшчэ напярэдадні выбараў склаліся дзве групы грамадска-палітычных сілаў, якія занялі дыяметральна розныя пазіцыі ў адносінах да ўдзелу прадстаўнікоў грамадскасці ў выбарах. Мясцовыя прадстаўнікі “Справядлівага свету”, АГП і БСДП (Г) выступалі за ўдзел у выбарах, а сябры баранавіцкіх філій БХД, “Руху “За свабоду” і БНФ прытрымліваліся тактыкі актыўнага байкота.
02.10.2012 Салігорская пракуратура не задаволіла скаргу кандыдата
У пачатку мінулага тыдня экс-кандыдат у дэпутутаты па Салігорскай гарадской выбарчай акрузе №68 Віктар Малочка звярнуўся са скаргай у пракурартуру ды акруговую камісію. Палітык патрабаваў пераліку колькасці бюлетэняў па выбарчым ўчастку №15.
02.10.2012 Барысаў: праверыць парушэнні «не ўяўляецца магчымым»
Праваабаронца Алег Мацкевіч па заканчэнні амаль тыдня з дня выбараў атрымаў адказ на сваю скаргу на парушэнні пры галасаванні на даму на ўчастку № 9 Барысаўскай гарадской выбарчай акругі № 62, дзе ён быў акрэдытаваны назіральнікам. Адказ падпісаў старшыня акруговай выбарчай камісіі Барысаўскай гарадской выбарчай акругі № 62 Васіль Бараннік.
