Актывістаў “Еўрапейскай Беларусі” судзяць за непадпарадкаванне міліцыі
Леанід Кулакоў на акцыі "Праспект нацыянальнага сцяга" . Фота "Нашай нівы".
За непадпарадкаванне супрацоўнікам міліцыі сёння ў Менску будуць судзіць актывістаў “Еўрапейскай Беларусі” Леаніда Кулакова і Максіма Вінярскага. Насамрэч, у чым выявілася гэтае непадпарадкаванне “правапарушальнікі” ня ведаюць і самі.
У 10 гадзін раніцы суд Першамайскага раёна Менска разгледзіць адміністрацыйную справу Леаніда Кулакова. Раней, 25 траўня, ён быў пакараны штрафам у памеры 40 базавых велічынь за ўдзел у акцыі “Праспект нацыянальнага сцяга”, якая адбылася 14 траўня. Тады на актывіста склалі 2 пратаколы: 23.34 КаАП (удзел у несанкцыянаваным масавым мерапрыемстве) і 23.4 (непадпарадкаванне законным патрабаванням службовай асобы). Другі пратакол суддзя вярнуў у РУУС на дапрацоўку. І вось справа “ўсплыла” ў судзе.
Суддзя Цыкал пастанавіў пакараць актывіста невялікім штрафам у памеры 4 базавыя велічыні.
Гэткая ж сітуацыя і з Максімам Вінярскім. Разгляд справы адбудзецца ў 16 гадзін у судзе Фрунзенскага раёна сталіцы. пастанова - штраф 15 базавых велічынь.
