22 красавіка ў Мазыры адбылася жалобная цырымонія, прысьвечаная ўгодкам Чарнобыльскай трагедыі

Цырымонія праходзіла з удзелам лідэра дэмакратычных сіл А. Мілінкевіча, А. Кавальца, І. Валжаніна, ліквідатараў і грамадзкіх актывістаў з Мазыра, Жыткавіч, Лельчыц.

Да капліцы “Ахвярам Чарнобыльскай трагедыі” былі ўскладзеныя кветкі, вянок. Аляксандар Мілінкевіч і сп. Валжанін выступілі з кароткімі прадмовамі.

Падчас правядзення жалобнай цырымоніі праводзіліся аператыўныя здымкі супрацоўнікамі мясцовай міліцыі і спецслужбаў.

Пасьля ўскладаньня кветак адбылася сустрэча сп. Мілінкевіча з прадстаўнікамі палітычных партыяў (АГП, ПКБ, БНФ) і грамадскімі актывістамі Палескага рэгіёну, на якой ён адказаў на шматлікія пытаньні прысутных.