Правакацыі супраць мяцежных “гранітаўцаў”
Для знішчэння аўтарытэту суполкі незалежнага прафсаюза прадпрыемства “Граніт” у Мікашэвічах мясцовыя правакатары на інтэрнэт-форумах і сайтах Мікашэвіч і Лунінца распаўсюдзілі інфармацыю пра тое, што актывісты арганізацыі атрымліваюць грошы і загады аб дыскрэдытацыі прадпрыемства “Граніт” за мяжой.
Канешне, новым гэты прыём “невядомых” назваць нельга, за доўгія гады апазіцыйныя і незалежныя грамадскія структуры ўжо да гэтага бруду прызвычаіліся. Такія правакацыі скіраваны на недасведчаных людзей для падрыву іх даверу да дэмакратычных структур, у прыватнасці, да незалежнага прафсаюзу на “Граніце”. Дзякуючы мецяжу яго сябраў, заробкі на гэтым прадпрыемстве падняліся да 8-10 мільёнаў. Але, па словах старшыні суполкі Алега Стахаевіча, гэта часовыя паляпшэнні па заработнай плаце, незамацаваныя ў калектыўнай дамове. Кантраляваць выкананне калектыўнай дамовы таксама няма сіл. Афіцыйны прафсаюз гэтым не цікавіцца. Але работнікі павінны зразумець, што толькі разам можна дамагчыся нейкіх каардынальных пераменаў у лепшы бок і толькі з тымі, хто паказаў, што здольны змагацца за свае правы.
Зараз актывісты незалежнага прафсаюзу рыхтуюцца да працягу судовага разбіральніцтва па звальненню з прадпрыемства Леаніда Дубаносава. Разгляд справы пачаўся яшчэ ў ліпені, працяг - 10 верасня.
