Невядомыя людзi ў цывiльным вялі назiранне за кватэрай Старшынi Берасцейскай гарадской арганiзацыi Партыi БНФ Дзмiтрыя Шыманскага

Як распавёў сп. Шыманскi, учора ў 16-50 ён выйшаў з пад'езда i на сваiм аўтамабiлi паехаў са двара: - У пэўны момант я заўважыў, што за мной кiруецца аўтамабiль ВАЗ-2107 белага колеру, якi раней неаднаразова заўважаўся на акцыях апазiцыi ў горадзе. Я прыпаркаваўся каля крамы, i "жыгулi", праехаўшы побач са мной, спынiлiся паблiзу. Я паспеў заўважыць, што ў машыне сядзяць трое маладых людзей у цывiльным, адзiн з iх з рацыяй. Я развярнуўся i не прыдумаў нiчога лепшага, як вярнуцца дахаты. Следам ехаў белы "жыгуль". Цяпер ён стаiць пад вокнамi, i трое маладых людзей сядзяць у салоне.

Шчыра сказаць, баюся выходзiць з дома. Ведаю, што пасля здарыцца так, што я пачну брыдкасловiць i спраўляць патрэбу ў грамадскiм месцы. І сведкi знойдзяцца. Што рабiць, не ведаю.