Праваабарончая праграма “Людзьмі звацца!” на Радыё Рацыя
Кожны аўторак у 15:05 ў эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Асоба. Дзяржава. Грамадства” ды “Праваабарончы каляндар”.
У гэтым выпуску:
“Хроніка пераследу”: адміністратыўны пераслед актывістаў беларускай антыядзернай кампаніі, судовы разгляд скаргаў невыязных праваабаронцаў, а таксама іншыя факты парушэнняў правоў чалавека, зафіксаваныя на мінулым тыдні.
Госць рубрыкі "Асоба. Дзяржава. Грамадства" – каардынатар праграм Міжнароднага праваабарончага руху Канстанцін Баранаў з Расіі - распавядзе, як у міжнароднай супольнасці ўзнікла ідэя абвяшчэння 4 жніўня Днём салідарнасці з грамадзянскай супольнасцю і праваабарончым рухам Беларусі.
“Праваабарончы каляндар”: легендарная расійская праваабаронца і савецкая дысідэнтка, старшыня Маскоўскай Хельсінкскай групы Людміла Аляксеева 20 ліпеня адзначыла сваё 85-годдзе.
У музычных паўзах – гурт IQ48 з апошняй, дапоўненай версіяй альбома HMR.
