У Свіслачы міліцыянты “палююць” на ўлёткі Радыё Рацыя

У Свіслачы міліцыянты ўвайшлі ў дом грамадскіх актывістаў Мухіных, правялі незаконны ператрус і забралі некалькі дзесяткаў рэкламных улётак Радыё Рацыя. Пачалося ўсё з таго, што ў аднаго з сыноў Мухіных нехта заўважыў у школе пару каляровых улётак Радыё Рацыя. Невядома хто выявіў надзвычайную пільнасць і сігналізаваў пра “крамолу” ў міліцыю. Калі грамадска-палітычны актывіст Алесь Мухін увечары вярнуўся дамоў, там яго ўжо чакалі міліцыянты, якія пагражалі адказнасцю за нібыта “незаконныя дзеянні”.