Гомель. Старшыня аргкамітэту Народнага сходу — за кратамі
Блізу 17-й гадзіны пры выхадзе ў пад’езьдзе ўласнага
дома міліцыя затрымала старшыню гарадзкога аргкамітэту правядзеньня Народнага
сходу, кіраўніка рэгіянальнай арганізацыі АГП Васіля Палякова.
Палякоў: «Сустрэлі мяне ажно тры маёры, адзін зь якіх — Сяргей
Яруціч. Зараз мяне вязуць на прыватнай аўтамашыне ў Савецкі райаддзел
міліцыі. Нейкіх канкрэтных абвінавачаньняў не прад’яўлялі. Сказалі толькі,
што нібыта я парушыў закон аб правядзеньні масавых мерапрыемстваў».
Спадар Палякоў выходзіў з дому, каб ехаць на паседжаньне аргкамітэту
Народнага сходу, які мае адбыцца12 лістапада.
Як стала вядома, у Савецкім РАУСе ў дачыненьні Палякова склалі
адміністрацыйны пратакол паводле артыкулу 23.34 — парушэньне парадку
арганізацыі ці правядзеньня масавага мерапрыемства. Да суду актывіста
адправілі ў ізалятар часовага ўтрыманьня.
