У Гомелі затрыманы Валер Сьляпухін
https://spring96.org/be/news/46377
2011
2011-10-11T10:25:41+0300
2011-10-11T10:25:41+0300
1970-01-01T03:00:00+0300
be
У Гомелі каля ўнівэрмагу затрыманы грамадзкі актывіст
Валер Сьляпухін. Міліцыянты патлумачылі, што затрымліваюць яго дзеля
высьвятленьня асобы, хоць актывіст меў пры сабе пашпарт. Спадара Сьляпухіна
адвезьлі ў Чыгуначны райаддзел міліцыі.
8 кастрычніка на Народным сходзе ля ДК «Віпра» спадар
Сьляпухін як старшыня аргкамітэту Народнага сходу жыхароў вуліцы Юбілейнай
прапанаваў прагаласаваць за рэзалюцыю. І прысутныя прагаласавалі.
Міліцыя памкнулася затрымаць актывіста. Аднак удзельнікі сходу абступілі
Сьляпухіна й правялі яго да пад’езду.
Актывіст не выключае, што ягонае затрыманьне зьвязана найперш
з арганізацыяй Народнага сходу.
На мінулых прэзыдэнцкіх выбарах Валер Сьляпухін ачольваў у горадзе
перадвыбарчы штаб Уладзімера Някляева.
