Працягваецца паляваньне на актывістаў (аднаўляецца)
Актывістку “Еўрапейскай Беларусі Вераніку Лазоўскую выклікаюць у КДБ на допыт 28 снежня ў якасці сведкі. Позву ёй перадалі праз суседзяў. Позвы таксама ўручаныя сябру АГП Аляксандру Сцепаненка і актывістцы кампаніі “Гавары праўду” Вользе Бурневіч на 27 і 29 снежня адпаведна.
13-40. А 12-й гадзіне супрацоўнікі КДБ прыйшлі ў кватэру ккардынатара моладзевай кампаніі "Грамадзянін" Мікіты Краснова. Самога Мікіты ў хаце не было. Супрацоўнікі КДБ паказалі бацькам Мікіты пастанову аб завядзеньні крымінальнай справы ў дачыненьні іх сына і дазвол сьледчага КДБ на ператрус. (Радыё Свабода)
13-20. Як стала вядома «Народнай Волі», толькі што пачаўся ператрус у кватэры кіраўніка перадвыбарчага штаба Андрэя Саньнікава, былога кіраўніка моладзевай арганізацыі «Зубр»Уладзіміра Кобеца. Пра гэта паведаміла жонка Уладзіміра Кобеца - Ульяна. Сам Кобец змешчаны ў ізалятар КДБ.
У Барысаве сябру ініцыятыўнай групы кандыдата Андрэя Саннікава Змітра Бародку шукаюць супрацоўнікі Барысаўскага ГУУС.
Як паведамляе “Хартыя 97”, ператрус быў праведзены ня толькі на кватэры Бародкі, але і ў гаражы, дзверы якія ўзламалі супрацоўнікі МНС. Дагляд квтэры правялі і ў цешчы Змітра Бародкі, аднак нічога, што магло б зацікавіць праваахоўныя органы не знайшлі.
Актывіста Партыі БНФ, сябра ініцыятыўнай групы кандыдата Рыгора Кастусёва Уладзіміра Шульжыцкага са Смаргоні выклікалі сёньня на допыт у Менск.
У Віцебску, сябру ініцыятыўнай групы Саннікава, Улада Варанецкага, выклікалі ў дэканат універсітэта. Там яго чакаў супрацоўнікі КДБ, які запрапанаваў маладзёну адмовіцца ад палітычнай дзейнасці ўзамен на аднаўленне ў навучальнай установе.
