Гомель: Знік участак для галасавання

Цікавае здарэнне адбылося ў Чыгуначным раёне Гомеля 15 снежня. Незалежны назіральнік у перапынак з 14.00 да 16.00 пайшоў на абед, а калі вярнуўся - участка для галасавання не было!

Праваабаронца Анатоль Паплаўны распавёў, што ў будынку сярэдняй школы № 49 размешчаны два ўчасткі для галасавання - № 7 і № 8. Яны былі падзелены паміж сабой фіранкай, і назіральнік зрабіў наконт гэтага вусную заўвагу сябрам участковай камісіі. Калі ж назіральнік вярнўся пасля перапынка, то ўчастка на ранейшым месцы ўжо не было - яго перанеслі ў іншае памяшканне ў гэтым жа будынку школы. “Хто пераносіў, як? Невядома, ці сачыў за гэтым міліцыянер? Факт - участак пераехаў у іншае памяшканне”, - дадаў Паплаўны.

“Праваабаронцы за свабодныя выбары”