Магілёў: Выбаршчык прасіў даведку аб тым, што ён прагаласаваў датэрмінова

У Магілёве праваабаронцамі зафіксаваны выпадак, калі выбаршчык пасля галасавання падыйшоў да членаў выбарчай камісіі і папрасіў даведку аб тым, што ён выканаў свой грамадзянскі абавязак. Маўляў, даведка патрэбна для ягонага начальства, каб пацвердзіць, што мужчына прагаласаваў датэрмінова. Члены выбарчай камісіі развялі рукамі – выдача такіх дакументаў не прадугледжана.

“Гэты выпадак сведчыць пра ўзровень запалоханасці людзей у нашым грамадстве. Даходзіць часам да абсурду, калі факты ціску з нагоды датэрміновага галасавання выходзяць навонкі. Натуральна, што начальства на працы патрабуе гэта, але гэта далёка не азначае, што людзі павінны гэта рабіць”, - гаворыць праваабаронца Барыс Бухель.

“Праваабаронцы за свабодныя выбары”