Магілёў: Колькасць галасуючых датэрмінова на ўчастку павялічылася на другі дзень у тры разы

Колькасць галасуючых датэрмінова на выбарчым участку №53 г.Магілёва павялічылася на другі дзень у тры разы. Пра гэта паведамляе назіральнік Аляксей Паўлоўскі.

Аляксей прыводзіць статыстыку паводле якой у першы дзень датэрміновага галасавання прагаласавала ўсяго 20 чалавек, а на другі дзень прагаласаваўшых было ўжо 60 чалавек.

“Колькасць выбаршчыкаў, павялічылася ў сувязі з тым, што рабочых завода “Тэхнапрыбор” начальства накіравала галасаваць датэрмінова. На выбарчым участку знаходзяцца два інтэрнаты, у якім пражываюць рабочыя прадпрыемства, а ў камісіі сядзяць супрацоўнікі аддзела кадраў “Тэхнапрыбора”, якія падаюць звесткі на прадпрыемства аб тых, хто яшчэ не прагаласаваў. Думаю, што заўтра колькасць галасуючых датэрмінова будзе яшчэ большая”, - адзначае Аляксей Паўлоўскі.

“Праваабаронцы за свабодныя выбары”