Скандал на выбарчым участку ў Мінску

Сябры «Маладой Беларусі» Павел Пракаповіч, Вікторыя Езубчыц і Мікалай Сцешыц зафіксавалі парушэнне выбарчага заканадаўства на датэрміновым галасаванні ў Цэнтральным раёне сталіцы. Пра гэта «НН» паведаміў лідар арганізацыі Артур Фінькевіч. Здарэнне адбылося па адрасе Піянерская, 37, на ўчастку для галасавання №37. Паводле словаў Фінькевіч,

моладзь зафіксавала як падчас абедзеннага перапынку ўрну выносілі ў іншае памяшканне. Пры гэтым доступ да яе мелі людзі, што не ўваходзяць у склад выбарчай камісіі.

Фінькевіч паведаміў, што на месцы ўжо знаходзіцца здымачная група СТВ. Нібыта збіраецца туды прыехаць і старшыня ЦВК Лідзія Ярмошына.