Барысаў. На сустрэчу даверанай асобы Лукашэнкі праваабаронца адрэагаваў скаргай
Праваабаронца Алег Мацкевіч
Не засталася без увагі праваабаронцаў праведзеная ўчора на ААТ «Экран» сустрэча даверанай асобы кандыдата ў прэзідэнты Лукашэнкі гендырэктара ААТ «БАТЭ» Анатоля Капскага з работнікамі прадпрыемства: 2 снежня дасланыя скаргі ў Барысаўскую раённую пракуратуру і ЦВК.
Праваабаронца Алег Мацкевіч, які лічыць праведзеную даверанай асобай кандыдата Лукашэнкі сустрэчу з выбаршчыкамі парушаючай некаторыя палажэнні артыкула 73 Выбарчага кодэкса РБ, адправіў скаргу ў Барысаўскую раённую пракуратуру з просьбай правесці праверку і прыняць меры пракурорскага рэагавання.
Акрамя таго, Мацкевіч накіраваў скаргу ў Цэнтральную выбарчую камісію з просьбай прыняць меры па забеспячэнню роўных прававых умоў перадвыбарнай дзейнасці кандыдатаў у Прэзідэнты Рэспублікі Беларусь.
"Праваабаронцы за свабодныя выбары"
