Баранавічы: Нагляднай агітацыйнай інфармацыі практычна няма

У Баранавічах практычна не відаць плакатаў з выявамі кандыдатаў у прэзідэнты. Друкаванай агітацыйнай прадукцыі няма ні на інфармацыйных стэндах у ЖЭСах, ні ў “Кутках выбаршчыкаў” у гарадскіх бібліятэках.

Няма такой нагляднай агітацыі і на інфармацыйных тумбах, дзе дазволена размяшчаць партрэты кандыдатаў і іншую агітацыйную прадукцыю згодна з рашэннем Баранавіцкага гарвыканкама ад 12.11.2010 года № 3555. На іх былі заўважаны толькі невялікія ўлёткі пра сустрэчу выбаршчыкаў з Андрэем Саннікавым і  выступленне Уладзіміра Някляева на тэлебачанні. Інфармацыя пра астатніх кандыдатаў у прэзідэнты адсутнічае.

На фота: Агітацыйная тумба з улёткамі Андрэя Саннікава і Уладзіміра Някляева.

“Праваабаронцы за свабодныя выбары”